أخر الاخبار

رواية كنت اعشقك الفصل الحادي عشر 11 بقلم سلمي فرغلي

 

رواية كنت اعشقك الفصل الحادي عشر 11


يارب متبعدهوش عني يربب بلاش اتوجع فيه 
حست بتقل يحيى ف حضنها : لااا لاا ي يحييى
اشتغل انزار وقوف القلب ف الجهاز 
حست بقشعرة و برودة ف ضهرها و صدمة دخلوا الممرضين و الدكتور خرجوها بسرعة و شدوها للباب لاكن فضلت واقفة و جروا يشغلوا الصدمات الكهربية مرة و اتنين وتلاتة الصفارة وقفت 
الدكتور براحة : الحمدلله النبض اشتغل تاني و خرج لهم 
حسام : خير يدكتور 
الدكتور : النبض وقف و اشتغل تاني و هيتحط تحت المراقبة ٢٤ ساعة و في دكتور مشهور من المانيا هيجي انهاردة و يشخص حالته و انشاء الله ممكن يلاقي حل غير بتر الرجل 
ليلى بصدمة : بتر!!!



و دخل الدكتور لقي ملك واقفة مكانها ثابتة زي ما هي 
الدكتور : ممكن تفضلي ي انسة عشان مينفعش كدا
ملك لم ترد و نظرها مثبت ع يحيى و نبض 
الدكتور : ي انسة مينفعش كداا
خرج الدكتور تاني : حد يجي ياخد الانسة ال جوا بعد ازنكم 
عمر اتحرك معاه و دخل : ملك فوقي خلاص بقي بخير 
لسة ساكتة شدها من ايديها و خرجها و قال لحسام : هشربها حاجة تفوقها و اجي يعمي 
حسام هز راسه بموافقة 
شدها عمر معاه و خرجها برا 
وفقها قدامه عمر : ملك ردي عليا عشان خاطري 
نزلت دمعة من عيونها و قربت و سندت مقدمه راسها ع صدره لتهبط دموعها اخيرا 
عمر سابها تخرج ما بداخلها لان الكتمان صعب 
ملك بعياط هستيري : قلبه وقف وهو ف حضني الدنيا ضلمت ف عيني حسيت ان خلاص حياتي انتهت 
عمر : الحمدلله يملك متمسك بالحياة عشانك عشان عارف انك مش هتعيشي بعده 
ملك : حاسة بوجع و حاسة اني لو غمضت عيني م هلاقيه 
عمر : يروحي خلاص الدكتور قال انه كويس اهدي انتي بس 
سحبها و قعدها و جابلها قهوة لحد ما هدت 
ملك : يلا نرجع عشان بابا 
مسك ايدها و راحوا 
اول ما شافها و اخدها ف حضنه : يحيى هيبقي كويس ي ملوكة 
ملك : بابا كلم ماما زمانها قلقانة اتاخرنا و هي متعرفش حاجة و رنت عليا كتير 
حسام : حاضر يحبيبي
و قعدوا كلهم 
ف المساء 
الدكتور: لو هتفضلوا ممكن تحجزوا اوضة طيب 
حسام : تمام يدكتور اكمل حسام لملك : تعالي اروحك و اجيبك بكرة 



ملك بعيون حمرا : مش هسيب يحيى يبابا 
حسام : مراد روح انت عشان مراتك و بيتك مينفعش كدا 
مراد بتعب واضح : حاضر ي عمي و هجيلكم بكرة 
حسام : و خد ليلى ف طريقك 
ليلى : هفضل مع ملك بعد ازنك ي اونكل 
حسام : وانت يعمر روح انت تعبت و تعالى بكرة مع مراد 
عمر : تمام يلا يمراد ... سلام يجماعة 
و مشوا وحسام كلم الدكتور و اخدوا اوضة قعدوا فيها لحد الصبح 
ف الصباح 
تجمعوا و حسام جاب سعاد بعد اصرار منها 
و جاب الدكتور و دخلوا كشفوا ع يحيى 
خرج الدكتور بابتسامة و تفائل الجميع منه 
الدكتور : خبر جميل ليكوا مش هيبقي ف بتر و هنعمل عملية بس للاوتار و الشريين و هيفضل فترة علاج هنا و حالته استقرت جدا و هيفوق ف اي وقت بأذن الله 
سعاد : الحمدلله يارب انت عالم بينا الحمدلله 
ملك حضنت ليلى بدموع فرحة و يحمدون ربهم و يدعون له بأتمام شفائه 
عدا اسبوع فاق يحيى وملك لم تفارقه لحضة و سلموا عليه و جه وقت العملية 
ف غرفة يحيى موجود ملك بجانبه و امه و ابوه و ليلى و عمر 
يحيى بمرح : ملك ابعد شوية م هطيرر 
ملك و هي ماسكة ايده : لااا ي يحيى انا مرتاحة كدا 
سعاد بضحك : يبنتي سيبي الولا 
الدكتور دخل 
بأبتسامة بشوشة : يلا بعد ازنكم ناخد منكم يحيى شوية عشان العملية 
ملك نظرت له بقلق يحيى نظر اليهم بمعني انه هيبقي بخير و اخدوا و دخل غرفة العمليات



و هما برا كلهم بقلق و توتر و سعاد بتقرا قران و ملك قاعدة ف حضن ملك و عمر ساند وجهه بأيده 
بعد ٣ ساعات الدكتور خرج قاموا كلهم 
حسام : خير يدكتور 
الدكتور : نجحت و هيشرفنا شهر و بعدها يروح معاكم زي الاول و احسن 
ضحكوا جميعا بفرحة و سعادة و انتظروا حتى فاق و هنوه و كان جوا مليئ بمرح و البهجة 
يحيى بمرح : مراد بيتك بيتك يلا ياسمين هترن عليا شخصيا شوية كدا 
مراد بضحك : انا فصلت اصلا يحبيبي و حضنه سلامتك ي يحيى 
يحيى : حبيبي 
خرج مراد  
يحيى : يلا يعمر روح انت تعبت يعم معانا كل ده
عمر : مكنتش اقدر اسيبك يصحبي 
حسام : كفاية يبني انت تعبت 
يحيى : و خد ليلى وصلها ف طريقك 
ليلى : لا ي يحيى انا هفضل  
يحيى : كفاية ي ليلى عشان خاطري روحي ارتاحي ف بيتك و كام يوم و عمر يجي ياخدك ف طريقه وانا قعدتي هنا لسة مطولة قعدتكم جنبي عطله على الفاضي 
قرب منه عمر و حضنه : ربنا يقومك بالسلامك يخوياا 
يحيى بأبتسامة و طبطبه : ربنا يخليك ليا ي عمور 
و روح و اخد ليلى معاه 
يحيى : وانت يبابا خد ماما عشان تعبانة 
سعاد : لا يحبيبي انا هفضل 
ملك : بقولكم ايي انا بس ال هقعد هنا مينفعش مرافق اكتر من واحد هاه 
حسام بضحك : بس يبت انا ال هقعد 
يحيى : خلاص يبابا سيب ملوكة معايا و خد ماما و تعالوا الصبح بدري بأكل حلو من ايديكي يسوسو 
سعاد : من عيوني يا نن عين سوسو 
سلموا عليهم و خرجوا 
و اقتربت منه و قعدت جنبه و راسها ع بطنه 
ملك : انا مبسوطة اوي انك بقيت كويس 
يحيى : انا جعان 
ملك بضحك : انت لسة اكل يبني 
يحيى بتصنع الضيق : يوه طب م واكل 
ملك : وفرت 
يحيى : انا جعان نوم طيب 
= هو جوع و خلاصص
يحيى بمرح : اوعي كدا يبت ده انتي نكد انا عاوز انام 
ضحكت و راحت فردت جسمها ع الكنبة الموجودة ف الغرفة و نامت ف ثبات 
و عدا الايام سريعة و بشفاء ليحيى و جاء يوم خروج يحيى من المستشفي 
كانوا كلهم متجمعين



يحيى : ي جماعة انا هخرج من هنا و اخطب 
نظرت له ليلى بصدمة و ملك بستغراب 
سعاد : ندي يواد يا يحيى 
يحيى بضحك : لا ندي مين انا عاوز ليلى و نظر لها بحب 
كانت مصدمة بفرحة من طلبه و عيونها اتملت دموع و لمعة حب 
حسام : اهم حاجة بس العروسة تكون موافقة 
نظروا لها ليلى بتوتر : موافقةة طبعا 
ملك : طبعا !! البت دي واقعة 
ليلى ضربتها بخفه و ضحكوا جميعا 
و خرج يحيى و فعلا بعد يومين اتقدم ل ليلى و وافق والدها و حددوا معاد خطوبتهم اخر الاسبوع 
ف منزل حسام 
كانوا متجمعين ع الغدا 
ملك بملل : وحشتني قاعدة ليلى 
يحيى : هانت كلها حبة و هتفضلوا مع بعض علطول 
و اكملوا حديثهم و عدا الايام و جاء معاد خطوبتهم و كانت ف حديقة منزل ليلى و المكان كان متزين بطريقة رقيقة تناسبهم و كانت ترتدي فستان ستان روز ضيق من الوسط و عاملة شعرها بطريقة جميلة و ميكب رقيق زادها اضعاف جمالها و كان يحيى يرتدي بدله كحلي جميلة جدا و عزمين جميع اصدقائهم و عائلتهم و كانوا جميعهم سعداء 
يحيى ل ليلى: شكلك قمر اويي عاوز اخبيكي من عيونهم بس جوا حضني 
ليلى بكسوف : بس ي يحيى انا م مصدقة اننا مع بعض بجد 
غمزلها : اي ده انتي شكلك منمرة عليا من زمان بقي 
ليلى لفت وشها الناحية التانية و ضحك عليها جامد 
ملك كانت مبسوطة بس حست انها محتاجة تتمشي فا بعدت شوية و وقفت بسرحان 
: اكيد وحشتك 
ملك بخضة : اانتت انت اي ال جابك هنا 
ابتسم بخبث : جاي ابارك ي كوكي وانتي وحشاني و قمر كدا 
اتعصبت ملك : انت عاوز مني اي بقي 
يوسف بوقاحة : عوزك ما هو الجسم ده م هيبقي لغيري 
و لم يكمل كلمته و كان مرمي ع الارض 
: ده انا ال هخلي جسمك يبقي للخلق حتت 
ملك : عمررر 
عمر نزل عليه ضرب لحد ما كان هيموت ف ايده و جاء مراد : مينن ده ايي ال بيحصل 



عمر: تبع مين الحيوان ده 
مراد : معرفهوش 
عمر : طب هات يحيى بس من غير شوشرة
ذهب و كانت واقفة ملك بدموع و خوف 
جاء يحيى و جريت له ف حضنه 
يحيى بصدمة : مين ده 
انهارت ملك و بصوت منخفض : ده يوسف 
يحيى بصدمة : ...



تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -