رواية ملك و يحيي الفصل الاول 1
خرجت من المكتب و و ذهبت الي كافيه الشركة و جلبت قهوتها و اثناء رجوعها الي المكتب اتصدمت ب شئ صلب و عريض
ملك بعصبيه طفولية : اه دماغي ماتحاسب يا حيطة انت القهوة و دماغي اتقلبوا هو انت عشان عيونك ملونة م شايف الناس يعني
بضحك و اعجاب : انا اسف جدا بجد انت قصيرة اوي و مخدتش بالي منك
بعصبية : هي مين ال قصيرة يجدع انت اوعا من قدامي
= طب خلاص اهدي و هجبلك قهوة غيرها
: سديت نفسي شكرا
و ذهبت من امامه بعصبية
: البت دي مجنونة ولا اي و اي الثقة ال ماشية بيها دي مين دي اصلا
داخل مكتب يحيى
: غبي و متخلف
يحيى بستغراب : مين ده و ف اي كنتي فين
بعصبية طفولية : واحد غبي خبطني و دلق القهوة بتاعتي و اتقفلت
بضحك : لا انتي عامية و جاية تعملي مشاكل
بعصبية : يحيى بص اتلم عشان هولعلك ف الشركة بال فيها
خبط باب المكتب
: ادخل .. عمر ازيك
عمر بأحترام : تمام ممكن تمضي ع الملف ده تبع الحوالة الجديدة
: هات
بستغراب : هي دي اخت حضرتك
: ايوا اشمعنا
ملك برخامة : اصل هو ده السخيف ال حكيتلك عنه
يحيى بجدية : عيب يملك كدا اسف يعمر ملك بس لسة متعرفكش و انتي ي ملك ده عمر مدير الحسابات و صحبي و اكيد ال حصل ده من غير قصد
=هستأذن انا و خرج عمر بتفكير : اسم ملك امم حلو يملوكتي
داخل المكتب
ملك بخنقة : مستفز عمر ده هو صحبك اوي يعني
يحيى بضحك : لا م صحبي اوي بس كنا نعرف بعض و شخص كويس يعني
= يعني ينفع اطرده صح
بضحك : يبنتي ارحميني هتخربي بيتي و بيوت الناس
بملل طفولي : عوزة ايس كريم
: هو انا م هنشتغل بقي و بعدين الدلع
= يوه بقي اتفضل ابدء
و بدء يحيى ف شرح و تعليم اساسيات الشغل لملك حتى لاحظ هدوء المكان و رأها ذهبت الي النوم
يحيى : هي دي ال هتشتغل صبرني عليها ملك يبنتي
بنوم: اممم معاك كمل
= يلا نروح عشان تعبت منك
بتركيز : خلاص فوقت بس م عوزة اروح دلوقتي
يحيى : طب عوزة اي
بتفكير : انزل اتمشي ساعة لحد ما تخلص شغلك
: لا مشي لوحدك انسي
= يوه يا يحيى انا م صغيرة
: نص ساعة و هرن عليكي كل عشر دقايق و لو حد كلمك رني عليا
= حااضر و باسته من خده : بحبك اوييييي
و خرجت بسعادة و ذهبت الي البحر بالقرب من شركتهم و وقفت تنظر ال الموجات بسرحان و استمتاع بهدوء المكان
: احسن حاجة بقي يا ملك ان الشمس هادية و الجو فاضي
بخضة : يخربيتك انت بتطلع منين
عمر بضحك: مكنتش قصدي اخضك كدا
نظرت امامها : جيت لي
: سرحانة ف اي
= حاجات كتير ف دماغي م مترتبة
: حد بلقصر ده و يبقي عنده مشاكل
= م قصيرة اوي يرخم
: طب احكي يمكن اعرف ارتبهم
= محدش هيعرف و لا حد بيحس بحاجة معشهاش
: حكمتي عليا اني معشتش ما يمكن معايا حوارات اصعب
بهدوء = يمكن
: طب احكي حابب اسمع
بوجع : شعور الخزلان ده صعب اوي
: مينفعش تثقي ف حد متعرفيش دماغه كويس
= بس انا كنت فاكرة اني فهمته
: بصي ي ملوكة مفيش ست تعرف تفهم دماغ راجل
= م براجل او ست بس الفكرة ان ف ناس تديك الامان بدرجة كبيرة لحد ما تطمنلها بعدها تبان ع حقيقتها
: عندك حق بس الشاطر ال يبقي فاهم و محدش بيتعلم من غير ما يغلط بس الغلط بجد انك تكرري الغلط فهماني
= فهمتك عندك حق و حاسة اني بكرر الغلط حالا فا انا لازم اهرب و جريت بعيد و سابته وافق مصدوم
: لا بجد مجنون صبرك يرب
ف مكتب يحيى
: كويس متاخرتيش حد ضايقك
= لا بس زهقت
: طب يلا عشان سوسو عاملة غدا جنان انهاردة
بستغراب : و عرفت ازاي
: هحكيلك ف العربية يلا
= اوكيه
و خرجوا و ركبوا العربية و قص عليها ما حدث الصبح
ملك بضحك : م قادرة بتعرف تثبتها كدا ازاي والله سوسو طلعت غلبانة اوي
يحيى : هي بس تبطل نكد و هتبقي ست زي الفل
= نكد اي ال تبطله ده اليوم ميكملش من غير زعيقها
يحيى بضحك: حصل والله يبنتي المهم تروحي تجهزي حاجات الرحلة دي معمولة عشانك
ملك بأبتسامة : ربنا يخليك ليا و ميحرمنيش منك ابدا .. هشغلك اغنية بقي محدش غيرك يستاهلها بعد الحج طبعا
ضحك يحيى : اكيد طبعا سمعيني يست
شغلت ملك الاغنية
"لما تقلق وانا اخبي لا تزعل عشاني
واما في طريقنا نسافر ونشغل أغاني
واما تشوف مني دمعه وتعمل مش شايفها
بتخاف تكسفني وتحسسني أنك كاشفها
انت سندي انت ضهري وصاحب عمري كله
لما بشكي لما بحكي من غيرك أروح أقوله
ياللي مهما كبر سني هفضل أعيش في ضله
يا حبيبي يا رب يخلي صوتك العمر كله "
و ظلت تغني مع الموسيقي وتنظر له و تبتسم و يحيى قلبه فرحان و فخور بحبه ليها و انه قدر يكون الاخ الصالح ليها
رجعوا البيت و اتغدوا و ذهبت كل منهم الي غرفتهم
ف غرفة ملك بابها خبط
= ادخل
: جهزتي ي موكة كل حاجة
= اه ي يحيى احنا هننزل امتا
: بصي ع الساعة ٣ الفجر نركب و هنوصل للباص بتاع الرحلة عند الشركة و هنتحرك من هناك ع ٤ و نوصل بأذن الله قبل المغرب ب حبة ع حسب الطريق برضو
= حاسة اني مقلقة شوية بس مبسوطة
: كله هيبقي تمام و الاهم عندي سعادتك
= اشطا يقلب اختك انت جهزت حجاتك م محتاج مساعدة
: عيب عليكي يفاشلة
= شوكرنن يرجولة
بضحك : هسيبك بقي
بقلم : سلمى فرغلي
شاهد 👈 الفصل الثاني هنا
اكتب تعليق برايك هنا