رواية زوجي الاميريكي الفصل الثاني 2
البارت الثاني
وقف سيف مذهول من ولاء اللي كانت خارجة له بعد م اتوضت بص لشعرها البني القصير نهايتة احمر
_خير؟!
كان واقف بيفكر ومش مستوعب
_انتي عندك شعر؟!!
ولاء فضلت تضحك جامد وعنيها دمعت من الضحك
_اه معلش الجهل وحش برده حد قالك اني قرعه ؟!
_اومال لابسه حجاب ليه؟!
_عشان ربنا أمرني بيه وانا بسمع كلام ربنا .
سيف كان بيسمع كلامها بز*هق
_طيب طيب مش فارقه ...لحظه!!!!
ولاء كانت متعصبه منه وم طيقاه
_ي نعم !!!!
_انتي رفضاني انا ...انا؟!!!
_فيك ايه عدل عشان احبك او اعجب بيك ؟
سيف اتصد*م صدمة عمره ازاي واحده تقوله كده ده كانت البنات بتجري عليه عشان وسيم وغني
_انا وسيم وغني ازاي ترفضيني !!
_ف حاجات اهم من الفلوس والشكل.....بعدين مش حلو اووي زي ما انت فاكر
ولاء دخلت الأوضه وقفلت تاني في حين ان سيف كان واقف مبلم ومشى ناحية المرايا بسرعه وهو بيبص ع نفسه وقعد يمسك شعره وبيبص ع عيونه وعضلاته
_انا مش وسيم؟!!
ضحك بغرور وهو بيبص لنفسه ف المرايا
_مستحيل ... انا اوسم واحد ف المجرة .
مسك تلفونه وهو بيكلم بنت يعرفها.
_هاي مونيكا ...انا ف مصر
فضل يتكلم معاها وهو مضلم الاوضه وفجاه لقا ش"بح حد واقف قدامه
سيف صر"خ وهو بيفتح النور لقاها ولاء كانت لابسه خمار الصلاة
_ايههه مالك حد يدخل ع حد كده؟!!
_يلا عشان تصلي
_اصلي ؟!!! روحي انتي انا مصلي .
_مصلي ايه بالظبط ..؟؟!
سيف اتوتر محبش يبان قدامها جاهل لانه ميعرفش حاجه عن الصلاه وميعرفش حاجه اصلا
_انتي مالك مصلي وخلاص
_طيب اكيد مصلتش قيام الليل قوم صلي معايا .
دخل الحمام وعمل نفسه بيتوضى وهو مش عارف ازاي بص وراه لقى ولاء وراه ومك*شرة
_بتلخبط ساعات.
_انا برايي انك تستحمى احسن عشان ريحتك تقر*ف .
وللمرة الالف ولاء بتصدمه وتخليه يشك ف نفسه
قعد يشم ف التيشيرت ويشوف ريحته حلوه ولا لا
_ع فكره ي انتي ريحتي حلوة تلاقيها ريحتك انتي
_اسمي ولاء ...ثانيا ريحتك تقرف انا لسه مستحميه...ي جا*هل
_جا'هل؟!!!!!انا ؟!انا متعلم ف احسن جامعه وعايش احسن عيشه وو....
_الجاهل جاهل بفكره مش بتعليمه ي سيف.
وزي كل مره ولاء بتمشي وتسيبه وهو بيقف عا"جز
_دي جاهله !!شكلي طلعت غلطان دي افعى ثعبان حر*باية.
سيف بدا يشم نفسه تاني وشك ف نفسه ف دخل يست*حمى بص لنفسه ف المراية حس انه مش امور
_الرخمه اللي برا دي بتعكر لي مودي
خرج لها لقاها ماسكه حاجه بتقراها
_بتعرفي تقراي؟
_اكيد انا اصلا دكتورة
_ايهه دكتوره ازاي؟!!
_ي ربي اغفر لي ....زي الناس ي جاهل .
_اممم وبتقراي ايه ؟!!
ولاء بر"قت من الصد"مه وهي بتبص له
_انت حتى متعرفش شكل المصحف!!!!
_ده ايه ...اه القرآن؟!
_يلهووي بجد...م مصدقه انهم جوزوني لجاهل زيك .
دخلت اوضتها ورز*عت الباب وراها وهو وقف حس انه وحش اووي
_دي مطلعتش جاهله ...اوف ..
مسك المصحف اللي كانت مسكاه وبدا يقرا
_امم شكله حلو ..بيقول اي بقا .
بدا يقرا وكتير من الكلمات كانت ضا*يعه منه
_يعني ايه ...فسيكفيك..ايهه بتتقرا ازاي دي ...فسيكفيكه...فيكفيكم..
سمع صوت ولاء من وراه
_فسيكفيكهم
ولاء قعدت جمبه ومسكت المصحف
_ده بتاعي تسااذن قبل ما تاخده
_خلاص ي ستي انا اصلا مش فاهم حاجه .
ولاء فتحت المصحف على اصغر سورة يقدر يقراها
_ايه دي ؟!
_اقرا الصغيرين الاول بعدين الكبار عشان تعرف تقرا.
مسك المصحف وبص للسورة هو عمره ما قرا عربي اووي بيعرف يتكلم مصري شويه بلع ريقه بتو"تر بيكر*ه يبان جاهل قدام حد
_مش عايز
بصت له ف عنيه
_اقرا ي سيف مفيش مشكله لو غلطت
بدا يقرا وهي تصلح له بعض الأخطاء
_قراءتك حلوه ي سيف..محتاجة شويه تظبيط .
_مش محتاج اقرا ...
_جعان؟!
_مفيش حد نطلب منه اكل دلوقتي
_انا هعمل هتاكل ولا لا
_ماشي
ولاء خلعت الاسدال ووقفت ف المطبخ وهي لابسه فستان قصير بينك ورابطه شعرها ولابسه النضارة
سيف فضل يبص لها
_اممم مش وحشه...اومال ليه دايما بيتكلمو وحش عن البنات اللي لابسه حجاب .
كان واقف بيبص عليها وهي مش واخده بالها وفضل يكلم نفسه
_ولما هي حلوة كده ليه تخبي نفسها ...
فضل يكلم نفسه وحس ان ولاء دي بنت غامضه
_ع نفسها هخليها تبو*س رجلي وتقولي بحبك ي سيفوو .
دخل المطبخ وهي اتخ*ضت منه واتكسفت
_اطلع برا
_ما اكيد هشوفك كده ايه المحرج ؟!
_اول مره اقف قدام حد كده
عمل نفسه مش مهتم وفتح التلاجه وخد ميا وشر"بها وهو برده بيبص عليها
قرب منها ولمس شعرها
_شعرك حلو اوي
مسكت ايده بعصبية
_تؤ ايدك متلم*سنيش
_ايه منا جوزك ...ولا دي كمان حرام
لفت عينها بملل
_بس انا مش بستلطفك وم متقبلاك انت مش نوعي المفضل.
سيف حس ان الكلام جر*حه واتهان اووي فخرج برا وهو متدايق .
قعد يهز ف رجله وفتح الكاميرا بتاعة الموب
_انا و"حش ف ايه... عيني الزرقا دي تترفض
قعد حاطط ايده ع خده وهو زعلان عمر ما حد كلمه بالاسلوب ده وطول عمره محبوب من الناس كلها بس قعد يفكر مع نفسه طب ما انا كمان كلمتها قبل كده و"حش ... بس انا مش و"حش
ولاء جابت الاكل وحطته قدامه وحطت له بيبسي وبصت عليه لقته قاعد زعلان فزعلت لان حتى لو بتكر*هه مكنش ينفع تقوله كده ف وشه
قعدت جمبه بحزن هي كمان لان عارفه ان علاقتها بواحد زي ده هتكمل ومش دي حياتها اللي اتمنتها ومش قادره تنسى انها دخلت لقته بيكلم بنت وواحد زي ده مش هيتعدل .
_انا اسفه ي سيف بس تخيل ان حد يجبرك ع حد عشان مصلحه
_طب ما انا كمان بابا اجبرني انت يعني مبسوط !
_خلاص انا اسفه ...بعتذر عن كلامي الو*حش بس اتمنى تراعي ان انا مش هستحمل انك تقرب مني باي شكل كان
سيف حس ان قلبه وجعه ليه يترفض فيه ايه و"حش اتلكم بغصه
_خلاص ي ستي لو يعني عشان قولت لك لابسه ستارة ف انا اسف ...
_سيف ...انت عمرك م هتر'كب معايا ولا انا هعرف ار"كب معاك .. احنا اتنين مختلفين .
سيف بدا ياكل وهو مدا*يق ولاول مره يحس انه قليل ومرفوض وفضل يفتكر كمية البنات اللي كانت بتحبه وكان بيرف*ضهم خلص اكل ودخل الاوضه وقفل ع نفسه .
ولاء كلت ولا كان حاجه حصلت بس وقفت اكل فجاه
_اوف انا كده كده حياتي باظت ما افرح شويه وخلاص....لا ي ولاء اوعي تحبي واحد زي ده .
كل واحد دخل اوضته ونام ع السر*ير وهو بيفكر ف حياته الجايه ويعملوا اي بعد كده
سيف صحى تاني يوم قام وهو بيفتكر ايه حصل .
قام وغسل وشه وغسل اسنانه وبص للمراية انا ليه حاسس انيي زعلانه ليه حاسس بحزن ف حاجه كا*تمه على نفسي من ساعة م جيت هنا وانا مد*ايق.
طلع برا وهو حاسس انه خلاص بيتخنق وهيموت من الخنقه .
ولاء كانت خارجه من اوضتها وشافت سيف واقف وشه احمر وساند ع الكرسي
_انت كويس ؟!
_امشي..امش..امشي ...ملكيش دعوه.
ولاء حاولت تسنده بس هو حس انه بيتخ*نق وبيمو*ت خلاص واغمى عليه
_سييف؟!
شاهد 👈 الفصل الثالث هنا
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا