رواية كريم وسلمي الفصل الثاني 2
كريم..بعد الشر دا من امتي دا دايما كانت تقول متغور يكنش خطوبتي دي عدلتها لو اعرف كده كنت قولتلها من زمان وضحك لا شكله كده هيبدء الاهتمام والله وهتتدلع يا كيمو
سلمي كانت سمعه ... لا ومش اي دلع دا انا دلعي مش زاي اي حد
سلمي حضرت الاكل وقاعدت معا تاكل
كريم ابتسم... ايه دا هتاكلي معايا
سلمي بدلع... لو مش حابب هقوم
كريم... لا طبعا انا مستغرب بس
كريم حب يشوف رد فعلها... صحيح هعزم لمار بكره
سلمي بستغراب... لمار مين
كريم ببرود.. خطبتي
سلمي... اها تنور
كريم بدهشه... ايه انتي مش
سلمي قطعت كلامه... مش هضايق مادام انت عايز كده ياروحي
كريم...يا ايه
سلمي ضحكت... في ايه يا كريم شكلك تعبان يا حبيبي قوم اغسل ايدك يلا ونام وقامت
كريم بهمس... ايه الرعب دا بقااا
تاني يوم
سلمي بتفتح الباب... اتفضلوا
لمار... ايه دا هو دي الشقه اللي انت عايش فيها يا حبيبي
كريم ...اه ياروحي ايه مش عجباكي ولا ايه
لمار... عايزه تتظبط ياكوكو
سلمي بهمس ... دا انا اللي هظبطك انتي وكوكو داانا من امبارح وانا بتفرجلك علي كل افلام ناديه الجندي صبرك عليا اما خليتك تخرجي من هنا تنطقي الشهاده مبقاش انا سلمي والاجر عالله .....
كريم..يا سلمي روحتي فين
سلمي فاقه...هاا ايه يا حبيبي بتقول ايه
كريم .. بقولك حطي حاجه لي لمار تشربها
سلمي ابتسمت .. من عيني تحبي تشربي ايه يا عروستنا
لمار بستغراب. ... كابتشينو
سلمي...لا الف سلامه هاا تشربي ايه
لمار..ايه دا هي سمعها تقيل ولا ايه بقولك كابتشينو
سلمي... يرحمكم الله لا البرد دا محتاج ينسون هعملك اقاعدي البيت بيتك
لمار... ايه ده ينسون ايه انا بقولها كابتشينو
كريم...الينسون حلو
سلمي... اهو الينسون اشربي
لمار بضيق واخدته منها.. شكرا
سلمي...دوق وقولي رايك
لمار...ادوق ايه واقول رائي ايه دا ينسون عادي يعني مش اختراع
سلمي بهمس لي كريم ...شكلها مش طيقاني من اولها كده يا كيمو
كريم.. لا لا ابدا اشربي يا لمار
لمار شربت اول ما اخدت بوق تفت علي طول...يع ايه دا
سلمي ضحكت بخبث ...ماله بس يالولو
لمار...دا مش ينسون
سلمي.. ازاي يعني هاتي كده وبتاخدو منها راحت موقع عليها اووووو سوري ياروحي مقصدش
ومن جوها روح ناديه الجندي حضرت بضحكتها وعماله تغني بونو بونو وكتمه ضحكتها
لمار بصويت ...اعااااا انتي عميه
سلمي...الله طب ليه الغلط طيب
كريم.. بس بس ادخلي الحمام بسرعه
لمار.. هو فين
سلمي . تعالي وجريت عند الحمام كبت صابون في ارض الحمام وكسرت الحنافيه ورجعتها تاني اكنها سليمه
سلمي .. تعالي يا لمار اتفضلي
لمار زقتها ...اوعي كده ودخلت اول ما دخلت سمعت هبداتها في الارض وصوتت
سلمي ضحكت. احسن تستهلي وسلملي عالبتنجان وكتمه ضحكتها ..
كريم دخل جري...ايه الصويت ده
سلمي مسكت بطنها وبتمثيل بعياط... لمار خطبتك زقتني وهي دخله وقالتلي بكره هبقا هنا وانتي برا
كريم اضايق...ازاي تمد اديها ودا بيتك
سلمي.... شوف انت انا مش حب ازعلها عشانك
كريم بيكلم نفسه وبيقول ...طيب ما انتي كويسه اهو ليه خلتيني اعمل كده بس
سلمي...روحت فين ياحبيبي
كريم... ها لا ولا حاجه حقك عليا انا هحسبها علي الكلام دا ودا بيتك زاي ما هيبقي بيتها
سلمي حست ان كلمته وجعت قلبها بصتله بعتاب...
بس فورا حضرت روح نعمة الله والاجرعالله وقالتله طبعا ياحبيبي ..
ــــــــــ
عند لمار لما دخلت اتزحلقت من الصابون
لمار قامت... اه ياضهري ايه الزريبه دي في حد يسيب الحمام كده مابتنضفش دي وبتشم ايديها لقتها ريحتها سمك
لمار بعياط...يععع ايه القرف دا وجايه تفتح الحنافيه المياه طلعت مره واحده بقت شبه النفور بهدلتها
لمار فضلت تصراخ وطلعت....عاااا الحقني يا كريم
الاتنين اول ما شفوها اتفجعوا طلع شعرها مكنوش وهدومها مليان مياه ومتبهدله
سلمي كانت بتحاول تكتم ضحكها
كريم...ايه دا ايه اللي حصل
لمار ...معرفش
كريم ...طب تعالي
سلمي ...تيجي فين هتبهدلي الشقه استني ادكي حاجه تلبسيها
كريم...اها صح
سلمي... ادخلي الحمام عقبال ما اجيبلك حاجه الشقه هتتبهدل وزقتها وقفلت الحمام عليها صبرك عليا محدش بيكلها بلساهل ...
وراحت تجبلها حاجه
سلمي.. خدي ياروحي البسي
لمار بتبص في الهدوم بقرف...ايه دا دي جلابيه بتعملي شغل البيت بيها دي ولا ايه
سلمي بهمس وبتضحك... لا واللهي ابدا دي بمسح بيها النجف
لمار...ايه
سلمي.... دي جلابية حماتك الله يرحمها مكانتش بتيشلها من عليها كانت بتحبها اوي وسبحان الله كانت ملاك زيك كده بالضبط ....
لمار حدفتها....يامامي
كريم دخل...في ايه
سلمي ... جبتلها جلبية مامتك الله يرحمها راحت رمتها في الارض..
لمار...استحاله البس القرف دا
سلمي... احيه هدوم حماتي قرف
كريم...نعم تقصدي ايه
لمار بتوتر...لا بس اصل انا لبسي كله بجامات يا حبييي
سلمي... للاسف هدومي كله في الغساله خلاص خليكي كده
لمار بصتله وبتحز علي سنانها واتكلمت بخبث...خلاص اي بجامه من حبيبي
سلمي ضحكت...للاسف برضه كله في الغساله
كريم..نعم ليه
سلمي. ..حطت ايدها حوالين وسطه وراسها علي كتفه وبصتله وبصوت كله حنيه ودلع الهدوم لاقيتها مش نضيفه ياحبيبي رحت غسلتها
كريم سرح في عنيها وحس بحب ناحيتها وكانه اول مره يشوفها ...
سلمي ياكيمو رحت فين ياحبيبي ومقربه وشها من وشه اوي
لمار .. واقفه هتفرقع
وسلمي قطعه عليها وبتزود فالقرب من كريم ...
لمار . بصوت عالي كرررريم في ايه
كريم . هه في حاجه ياسلمي
لمار . اسمي لمار يااستاذ مش سلمي
سلملي . كيمو حبيبي ممكن طلب صغنن قد كده
كريم . طبعا حبيبتي .
سلملي ...ممكن تجيب سيف من الحضانه ياروحي
وبدلع عشان حاسه اني تعبانه شويه مش قادره انزل ياكوكو بس لو انت تعبان خليك ياحبيبي وانزل انا ..
كريم... لا خليكي انتي ياسو هنزل انا حبيبتي وبص لمار وقالها بقرف وانتي البسي دا مافيش حل تاني
وانتي يا سلمي من فضلك اغسلي هدومها معلش حبيبتي هتعبك معانا ....
سلمي... من عيني حبيبي تعبك راحه وباسته من خده ..
كريم قرب سلمي راحت ضحكت وقالتله بدلع كيمو لمار واقفه عيب .. راح انتبه وبعد وبقي مضايق من وجود لمار
لمار . قالتله لا خد راحتك ياسي كريم .
كريم . كانه مش سامعها ولا شايف غير سلمي..
كريم .. حاضر حبيبتي متقلقيش ونزل
سلمي حبيبي يلا بسرعه هات سيف هتتاخر ..
كريم مشي وفضل سلمي ولمار في البيت لمار غيرت ولبست الجلبيه وطلعت
لمار... انتي خدي اغسلي الهدوم
وكانت هنا سلمي استحضرت روح ناديه الجندي من تاني.
سلمي...ليه اتشليتي استني ودخلت جابت كلور وحطت عليه صابون
سلمي ضحكت... دي مش هدومك هتنضف بس دي هيتغير لون كمان وطلعت
سلمي... خدي صابون اهو اغسلي انتي هدومك انا مش خدمتك يادلعدي ومتهدريش في الصابون عشان كريم حريص جدا وممكن يبهدلك لو اخدي اكتر من نقطه..
لمار...ايه حريص ازاي
سلمي. ايه دا انتي متعرفيش اممم تلاقي عمل معاكي زاي ما عمل معايا
لمار.. عمل ايه
سلمي.. فرش الارض ورد واني .لو طلبت نجمه من السما هيجبها واتجوزته وعينك ماتشوف الا النور بقا طلبات البيت بيجابها بالعافيه المهم متهدريش
لمار شدت منها الصابون...ايه دا دا رحته وحشه
سلمي ... دا اللي موجود
لمار ...اوف ودخلت
سلمي ... والله لا اروحك بهدوم نجفه يا خرابت البيوت انتي
سمعت صوت صويت واقفت بره تتنطط من الفرحه ...
لمار .... ايه دا دا مش صابون دا كلور
سلمي....اوبس يقطعني تلاقيني اتلغبط واديتك الخلطه بتاعت تنضيف السلم
لمار بصدمه...سلم
سلمي.. اها
لمار هبدته في الارض ...يامامي الحقيني
سلمي...يا مامي ياختي عيشي عيشة اهلك بس سيبك انتي عارفه بالجلابيه دي شبه الاستاذ احمد.زكي في دور سفروت في فيلم مع الفنانه ناديه الجندي وفضلت تضحك ...
لمار.. انتي بتقولي ايه انا هوريكي ...
سلمي...بقولك مصدعه اسكتي بقا واترزعي عشان والله انا علي اخري
لمار...طب عايزه فوطه انشف شعري
سلمي... بس كده من عيني وراحت جابت فوطه وخلاص طلع افتكرت كانت جايبه كريم للشعر وطلع وحش
سلمي ضحكت... طب واللهي ما خساره فيكي مع ان كان بخمناشر جنيه ورحت حطيته علي الفوطه بطبقه متبنش وطلعت اتفضلي
لمار حطتها علي شعرها علطول جايه تفرك شعرها ايه دا يع ايه دا
سلمي.. ايه مالك بس
لمار بعياط ... شعري الفوطه ملزقه ايه دا
سلمي ضحكت...ايه بس ده تلاقيه سيف حبيب ماما دايما بيعمل الحركات دي .
لمار تنحت...حركات ايه
سلمي...اصل سيف حبيب ماما دايما بينف فالفوطه كده بيقلد باباه اصل كريم حبيبي بيحب ينف فالفطوطه اوي اشقيه بقي هعمل ايه ....
لمار بعصبيه ... ايه كريم بيعمل ايه يع
وبعدين انتي محستيش انها مش نضيفه
سلمي...لا حسيت ما انا جيبها من سبت الغسيل اللي عايز يتغسل
لمار...نعم
سلمي...ما انا قولتلك كل حاجه في البيت عايزه تتغسل الاجلابيه نجفه حماتي الله يرحمها مكنتش بترتاح الا في الجلابيه دي
لمار صرخت...يا مامييييي
كريم دخل....في ايه ايه الصوت دا شاف لمار والكريم ماسك في شعرها وشكلها يضحك
كريم بضحك...ايه اللي في شعرك دا
سلمي... مش عجبها جلابيه ماما نجفه الله يرحمها
سيف دخل اول ما شاف لمار فضل يضحك... ايه دا مين دي ياماما
سلمي... اسال باباك يا حبييي
سيف...مين دي يابابا
كريم بتوتر...هاا دي دي تبقا صاحبتي انا وماما يا حبيبي يلا ادخل غير هدومك
سيف...حاضرودخل
لمار...نعم صحبتك
كريم...صوتك ميعلاش انتي فاهمه وبعدين مش وقته ادخلي اغسلي شعرك دا
سلمي سرحت افتكرت كلام سليم
لمار...مش قصدي بس
كريم...خلاص يلا ادخلي اغسلي شعرك وانا هغير هدومي
لمار دخلت تغسل شعرها
سلمي راحت ورا كريم
كريم...في حاجه
سلمي... لا ابدا جيت اطلعلك هدوم عشان تغير
كريم ابتسم...من امتي
سلمي... من النهارده
كريم ضحك...مش ملاحظه في حاجات غريبه بتحصل في البيت
سلمي ..بجد ازاي
كريم...الهدوم اللي بتتغسل كلها وسبحان الله في دلوقتي هدوم ليا والينسون اللي تكاب والكريم اللي في شعرها دا
سلمي...صدفه عادي
كريم ضحك....صدفه تمام رطبس براحه عليها مش حملك
سلمي ضحكت ....وانا مالي بيها يلا بس غير هدومك و مشغلش بالك بالحاجات التافه دي عملت بشامل اللي بتحبها والبانيه
وسابته وطلعت وراحت لي سيف
سيف...ماما مين طنط دي
سلمي.. دي واحده عايزه تاخد بابا مننا وتخلي يسبنا
سيف بحزن... ليه كده
سلمي...هي كده طنط شريره اووي وخرابت بيوت
سيف...بس انا عايز بابا
سلمي... وانا كمان
سيف... طب نخليها تبعد عننا
سلمي... بحاول وسكتت وبصتله بتفكير طب واللهي فكره
سيف.. فكرت ايه يا ماما
سلمي... مش انا وانت عايزين بابا ومش عايزين طنط الشريره دي ايه رايك نعمل خطه نمشيها
سيف... اشطا انا موافق
سلمي... حلو اوي اسمعني كويس سلمي فضلت تتفق مع ابنها وقالتله تعمل ايه عشان لمار هي اللي ترفض الجواز كمان مش كريم يسيبها بس
سيف...اشطا يا ماما يا عسل
سلمي...والنبي انت اللي عسل وسكر بس دا سر بابا اوعه يعرف ولا طنط الشريره دي عشان نروح لي اسيل في الاجازه
سيف...وعد مش هقول
سلمي... شاطريلا بقا عشان ناكل
ـــــــــــــــ
اتجمعو كلهم علي الغدا
لمار بدلع....كول دي من ايدي يا روحي
سلمي...عيب كده في طفل معانا
سيف بخبث...ماما مش عيب طنط تقرب كده مش انتي قولتيلي عيب وحرام حد يقرب من حد مش اخوه
سلمي...اه ياحبيبي واللي يعمل كده يبقا قليل الادب
كريم اتكسف من ابنه...احم ابعدي عجبك كده
لمار بصت ليهم بغيظ..
سلمي وبدلع ...كول يا كريم انت بتحب البانيه المقرمش وبتاكله كريم اكل وبصلها وضحك... تسلم ايدك
سلمي.. تسلم ياروحي بالف هنا
لمار ...واللهي ومش دا عيب وحرام
سيف... دي ماما بتاكل بابا علي طول عادي ياطنط هو باباكي ومامتك مش بياكلوا بعض زي بابا وماما كده ياطنط نار سلمي وكريم بضحك لا ياحبيبي اسمها لمار مش نار هههههههههههههههه
لمار...ايه هو دا طفل
سلمي ... الله اكبر هتحسدي الواد
كريم ... بس بقي وكولوا وانتم ساكتين بعد ما اكلو لمار قالت ان مافيش هدوم تلبسها فا كريم قال تبات معاهم هي في اوضة سيف
وسيف ينام معاهم في اوضتهم هو وسلمي
وعده اليوم تاني يوم سلمي صاحية بدري وجهزت الفطار لي كريم وسيف وفطارتهم وكل دا لمار نايمه كريم راح شغل واخد سيف يودي الحضانه كريم... اتمني ارجع من غير ملاقي مشكله سلمي ... ربنا ما يجيب مشاكل يا حبيبي خالي بالك انت من نفسك ومتشغلش بالك كريم... هدوء الاعصاب دا مش مريحني . ربنا يستر ومشي
لمار .. صحيت لقيت سلمي قاعده بتتفرج علي التلفزيون
لمار...ايه دا فين كريم ..
سلمي... راح الشغل من بدري وايه المنظر دا شكلك يخوف
لمار بصتلها بغيظ...انتي ازاي تتكلمي معايا كده
سلمي ... انتي اللي ازاي يا بجحه كده تباتي في بيت واحد ما فيش بينك وبينه حاجه لا وكمان متجوز يا خرابت البيوت فين اهلك من كل دا اساس
لمار ... واللهي يا حببتي لو كنتي ماليه عينه مكانش بص برا وبعدين هو بيحبني وانا كمان سلمي ...فعلا بجحه حب فيكي ايه انتي شكلك.يخوف اساس اول ما تصحي غوري اغسلي وشك دا
لمار بصتله بغيظ ودخلت الحمام سلمي..ورحمة بابا مبقاش انا سلمي لو مخلتكيش يبقي ده اخر يوم ليكي في حياتنا النهارد يا خرابت البيوت انتي بعد وقت سلمي سمعت صريخ لمار...الحقوني
سلمي ضحكت... لا لسه بدري يلحقوكي ايه دا النهارده يوم طويل
شاهد👈الفصل الثالث
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا