اسكريبت رؤح كامل
-مش هنتجوز بقا ياعسليه
=قول ياعسليه تاني كده
غمز-ياعسليه
=لا لا احنا اخوات يازين لا
مشيت وسيبته وسمعت صوته العالي
-هتجوزك معروفه البنت لإبن خالتها
=زين
-اي وافقتي تتجوزيني
=يازين اسمع
-ماشي خلاص قولي
=في واحد بيعلم الناس الرمايه واللي عرفته انه صاحبك ممكن تقوله يعلمني
قرب شويه-يعلمك اي ياختي
=اي يازين مالك انت عارف اني بحبها ونفسي اتعلمها من زمان
حاول يهدي اعصابه-لا مفيش حاجه هقوله حاضر
=حبيبي يازينو
مشيت وهو كان هيطلع نار من ودانه وفكر في فكره وابتسم بخبث
-رهف صاحبي وافق وقالي تيجي بكره الساعه عشره
=بجد يازينو
ابتسم بخبث-ايوه بجد
الساعه 11
-ما لسه بدري كنتي اتأخرتي شويه كمان
=لا استنى هروح اغير الهدوم دي واجي تاني لحظه
مسكها من التيشيرت وركبها العربيه بغيظ
=مش اخلاق دي على فكره
-اسكتي لبطحك بحاجه دلوقتي
بصتله بقرف وفضلت افكر زين ازاي وافق أن صاحبه يعلمني كنت بحسبه هيتعصب او هيضايق بس طلع العكس بس المهم اني فرحانه دلوقتي
-وصلنا
=اي ده يازين اومال فين صاحبك
-لا ماهو مش جاي
=انت بتهزر
-الله اومال اخلي واحد غريب يعلمك مثلا انتي هبله ياعسل
=انت ضحكت عليا يازين (نفخت بضيق منه)انا عايزه اروح
-هعلمك انا متبقيش قماصه
-الرمح لازم يتمسك كده
بعدت عنه بتوتر=انا هتعلم لوحدي شكراً
ابتسم برخامه وقرب منها-الرمح ده بتاعي يعني انا اللي هعلمك
اتعصبت=خلاص مش هتعلم
قرب ووقف ورا ضهرها ومسك الرمح معاها
-هتتعلمي يعني هتتعلمي
بصيتله بغيظ=مبحبش الأوامر
بص في عيونها جامد اتوترت وقعدت تبص في اي مكان تاني غير عيونه!
-بس انا مش بأمرك(بصتله تاني)انا عايز اعلمك لانك بتحبيه انا بعمل كل ده بحُب
عيونها دمعت=ممكن نروح
بغيظ من تصرفاتها-تمام يارهف يلا
روحنا من غير كلام وكل واحد طلع شقته
تاني يوم روحت وقفت في البلكونه لقيته واقف
=زين
قلع نضارته وبصلها-نعم
=انت زعلان مني
-لا ازعل لي يارهف(قام وقف وبصلها)واحده ورافضه حبي ليها ومش بتحبني ولا عايزاني ومعتبراني ابن خالتها مش اكتر يعني مفيش حاجه تزعلني خالص
دمعت=زين انا..
-خلاص يارهف اللي حصل حصل احنا قرايب بس عن اذنك علشان عندي شغل
مشي وانا قعدت على ارضية البلكونه وفضلت اعيط
جت صحبتي ليلى واتخضت وجريت حضنتني
:رهف مالك ياحبيبتي
زعقت=هو مش فاهم حاجه مش فاهم اني خايفه من الجواز خايفه من المسئوليه خايفه من انه يبطل يحبني لما نتجوز ويزهق ونبعد زي مابابا عمل مع ماما سبها واتجوز ونسي بنته مش عايزه اظلم نفسي ولا عايزه اظلم اولادي محدش فاهم ده
:طب اهدي خدي نفسك يارهف انا فاهماكي والله
فضلت قاعده معايا لحد ماهديت وبعدها مشيت
-رهف تيجي نخرج مع بعض
استغربت لهجته كان من يومين مش عايز يتكلم معايا ودلوقتي عايزنا نخرج مع بعض
-رهففف
=اي في اي
-عمال اكلمك سرحانه في اي
=ها ولا حاجه
-طب يلا البسي وهستناكي
خلصت لبس ونزلت اي القمر ده ياجدعان والله ماشوفنا في حلاوته بجد
-اي رأيك في الكافيه ده
=حلو اوي
شاور للويتر وجه
-لو سمحت واحد عصير فراوله وقهوه ساده
=انت عارف اني بحب العصير ده
-عارف كل حاجه عنك يارهف
اتكسفت=احم بتشرب لي القهوه ساده
غمز-حلاوتها في مُرها يارهوف
بصتله بغيظ لأني بكره الدلع ده وهو ضحك قعدنا نتكلم كتير لحد مالقيته اتكلم جد
-رهف انا سمعتك وانتي بتتكلمي مع صاحبتك
=ا..
-اسمعيني للآخر..رهف انا بحبك بجد ومستحيل ازهق منك(ابتسم)حد يزهق من روحه بردوا انا مقدر خوفك مني ومن الجواز عارف كل ده بس انتي ثقي فيا واديني فرصه واحده بس صدقيني انتي لو مع الشخص الصح(رفع ياقة قميصه بغرور)اللي هو انا يعني اكيد مش هيبقى فيه خوف هتبقي مطمنه دايماً
ابتسمت وبصتله وقولت اديله فرصه لي لأ؟
(بارك الله لكما وبارك عليكما وجمع بينكما في خير)
حضني ولف بيا
-اخيراً يارهف قلبي اخيراً
=زين خلاص اوعى الناس
-مليش دعوه بحد واسكتي بقا ده انا تعبت عقبال ماوصلت للحظه دي
=فدايا ياحبيبي
ضحك وغمز-طب اي بقا مفيش كلمه غمزه اي حاجه
=بحبك
-ده احنا مشوفناش حلاوه كده والله ماشوفنا...♥️
#Basma(روُح)🤍
رأيكوا يالُطاف👀♥️
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا