اسكريبت احمد ومريم كامل
_قرب قرب عندنا احلي حلويات
بصيت لمصدر الصوت ، كان شاب طويل قمحاوي وسيم ، معاه عربيه متحركة بيبيع فيها حلويات علي البحر
=ممكن اعرف انت معاك ايي؟
_تجربي الجاتوه؟
=اجرب
_اتفضلي
دوقته =حلو اوييي بجد
_امي الي عملاه
=الله تسلم ايدها ، ممكن تلفلي قطعتين تانيين عشان اخدهم؟
كان مبسوط أنه باع حاجه ، حاسبت وروحت البيت ، اديتهم لبابا وماما ودخلت اوضتي ، ذاكرت عشان عندي امتحان بكرة ، نمت من غير محس وصحيت علي صوت ماما ، صليت ولبست بسرعه ونزلت ، الامتحان كان صعب اويي ، بس انا معيطش ، هه بهزر معاكم أنا عقبت قدام اللجنة من كتر العياط ، روحت البحر عشان اقعد قدامه واحاول اهدي
_مالك؟
بصيت لقيته هو =مفيش حاجة
_بتعيطي لييي؟ حصل حاجه زعلتك؟
=أنا كده هعطلك عن شغلك
_انتي شايفه الناس بتقطع نفسها علي العربيه ولا ايي!!
ضحكت وقلعت النضارة =حليت وحش في الامتحان ، خايفة معديش
_هتعدي ، صدقيني كل حاجه بتعدي
=..
_انا فاكر اول امتحان ليا في هندسة ، أنا من الصدمة أغمي عليا في اللجنة وفوقوني ب ملتو وبيبسي
=ايدا ثواني انت في هندسة ؟
_اه في اخر سنه اهو ، ودي علي فكرة العربية بتاعتي مشروع ليا ول امي ، ونفسي يبقي عندي مطعم
=احلامك جميلة
_وانتي احلامك ايي؟
=لاء أنا في تمريض
_ياساتر يا رب ، لا نطي بقي ميفهاش حل تاني
ضحكت =أنا لازم امشي عشان ورايا امتحان بعد بكرة ولازم ازاكر
_معتيش تعيطي وصدقيني والله إن شاء الله هتعدي ، احنا مش علينا الا السعي ، عمرها مكان شطارة مننا بتبقي توفيق من عند ربنا
=ونعم بالله يا..
_يا نهار ابيض احنا منعرفش لحد دلوقتي اسمائنا! أنا احمد ، وانتي؟
=مريم ، ممكن يا احمد تجيبني تلت قطع جاتوه من بتوع امبارح؟
_اكيد طبعا
ابتسمت وخدت الجاتوه وحاسبت عليه وروحت ، خدت واحدة واديت لماما وبابا ودخلت اوضتي ، افتكرت كلامه وبدأت مذاكرة ، جه يوم الامتحان وكان امتحان حلو اوييي ، خلصت ومعرفش لي روحتله!
=انا حليت حلو في امتحان النهارده
_مش قولتلك؟ الحمد لله عقبال الباقي يمريم
=هاتلي بقي دسته جاتوه
ضحك _هتوزعي علي الشارع؟ مش تستني تخلصي؟
=هات بس
خدتها وطلعت تاني علي الكليه ، دوقت البنات صحابي كلهم والمعارف ، كلهم حبوها واديتهم عنوانه ، بتهيقلي دي اقل حاجه اقدر اعملها مقابل أنه طمني!
روحت ونمت ، صحيت بليل عشان اذاكر للمادة الي بعد كده ، روحت الامتحان وانا لسه بفتكر كلامه ، احنا علينا السعي بس ، وعمرها مكانت شطارة مننا .
الامتحان كان حلو ، خلصت وروحت قعدت علي البحر
_عملتي اييي؟
=اه الحمد لله كان كويس ، ازيك عامل ايي؟
_انا مش عارف اشكرك ازاي يمريم
=تشكرني علي اييي؟
_بعد ربنا انتي السبب أن العربيه تتعرف
=لي هو انا عملت حاجه!!
_كل الي كان يجي هنا كنت بستغرب هو عرفني ، سألت كذه واحدة قالولي انك دوقتيهم من الجاتوه واديهم العنوان ، انتي جدعة وبميت راجل
=انت الي تستاهل كل خير يا احمد
قعدنا نتكلم كتير ، كان كلامنا بينقطع لما حد يجي يشتري ونكمل تاني أما يمشي
=امال امتحاناتك امتي!
_الاسبوع الجاي
=طب منتا لازم تقعد بقي وتذاكر
_متقلقيش أنا منظم وقتي ، بذاكر بعد ما اروح لحد صلاة الفجر وبنام شويه وباجي هنا الضهر
=بس انت كده مش بتلحق تنام!
_فات الكتير معتش الا القليل ، هانت
=ربنا معاك يا رب
اتصاحبنا! لأول مرة كان يبقالي صاحب شاب ، بقينا اعز صحاب في فترة صغيرة اوييي ، كنت بخلص امتحانات واروح اقعد علي البحر ونقعد نتكلم ، امتحاناتي خلصت
=ياه دا الواحد وهو مخلص امتحانات حاسس براحة يا اخي
_خلاص يمريم
=مش عارفة بجد الي لسه بيمتحنوا دول عايشين ازاي
_علي الأقل دي اخر سنه ليا ، الدور والباقي علي الي لسالها سنتين
=جيت اذله ذلني ، بريفتكو ما شاء الله
كان طيب ومحترم اوييي
_يعني أي زميلك يعني يجي يقولك ازيك يمريم بتاع ايي؟
=معايا في الكليه وشافني ف جه سلم عليا اي يعني!
_ولما اخلي وشك والاسفلت واحد دلوقتي؟
=خلاص اخر مرة ، ايدا في أي! يفرحة ياسمين عز بيا
_..
=هنفطر فين بجد ؟
_هفطر عليكي
=دا العشم يحبيب اخوك والله
كان محترم اوي ما شاء الله ، خلص امتحاناته ونتيجتنا بانت ، المادة الي كنت خايفه منها لقيتني جايبة فيها جيد ، وهو الدحيح بتاعنا طالع ب امتياز ، ربنا يحميه يحبيبقلبي و.. دا أي قلة الأدب بتاعتي دييي بجد!
جت حفله التخرج بتاعته ، خلص ورن عليا ، روحت البحر ولقيته جاي وهو لابس بدلة ، كان اجمل راجل شوفته في حياتي بالهدوم العاديه والبدلة الفورمال ، أنا ثباتي الانفعالي راح ثانية والله!
_ها أي رايك؟
=ولما اروح فيها من حلاوتك يعني دلوقتي ؟
لاء تعالوا اوإدوني بقي مبدهاش ، حد ينقذ الموقف بسرعة ، اقطعوا لساني
_جاوبني بصراحة ، اتشقطت؟
=والله حب الناس نعمة أنا مش مسؤول عنها
_احيه!
=بهزر بهزر والله
_ها قولي ، هتشتغل امتي؟
=لسه الإجراءات ، احتمال بعد شهر
_ان شاء الله ، هتبقي مهندس وتدوس علينا؟
=عيب عليكي يمريم أنا لما اوصل مش هبقي نسخة من الي صعبوها عليا
_هو دا الكلام
=هبقي أوحش نسخة ، والله لو اطول اشنكم هشنكقم
_تعملها عرفاك تعملها
اتعين وبقي مهندس ، ودلوقتي اقدر اقول اني بحب احسن مهندس في الدنيا ، ايدا انا مقولتلكوش؟ اه منا اتنيلت وقعت وحبيته .
_يبني موديني فين؟ انت خاطفني يا احمد؟
=متسكتي بقي طول الطريق رغي رغي ابلعي ريقك
_راحت فين حلاوة البدايات ، دا انت كنت بتقولي اكلمي عاوز اسمعك
=لاء مهو كان زمان ، دا أنا بقيت بمشي ب بانادول اكسترا بسببك
_حبيبي الله يخليك والله
=هشيل الي علي عينك ، لو صوتي هخليكي اسكرين شوت
_ايدا؟
=دا مكان هيبقي مطعم ، وهشتغل عليه بليل ويبقي جمب شغلي كمهندس
_..
=مريم مريم!!
_اقسم بالله بتتكلم بجد؟
=والله
_طب هصوت بقي يمكن حد يلحقنا
=يخربيت دماغك تعالي هنا
_الف مبروك يا احمد والله فرحنالك اوي
=هقول كلمتين جد ، لو استظرفتي هزعلك
_قولي
=أنتي معايا من اول المشوار ، لما كنت بكسل كنتي بتشجعيني ، لما كنت بجيب أخري كنتي بتصبريني
_ايدا دا شعر؟
=ربنا ينتقم منك يستي بجد
ضحكت _خلاص والله
=هقولها ازاي دلوقتي وانتي قفلتيني بحسك بالفكاهي دا
_يعم اخلص بقي
=مريم أنا بحبك
_ها!
=وهبقي اكتر راجل محظوظ في الدنيا لو وافقتي تتجوزيني
_ها!
=أنا ماشي
_يعم استني استني استني دا انت هتتهني هتتهني
=متخلصي عشان اقول للحاج والحاجة ونجيلكم النهارده بليل
_ماشي
=هو أي الي ماشي؟ أي الرد دا مش فاهم
_موافقه خلاص بقي
=موافقه لي بقي؟
_انت عاوزني اتنحنح؟ انسي
=صبرني يا رب انا الي جبته لنفسي
_ماشي خلاص بحبك اسكت بقي مش شغلانه
=انا الي اتسرعت و.. اييي؟ قولتي اييي ؟
_خلي مامتك الي تعمل الجاتوه متجبهوش جاهز
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا