رواية ثانوية عامة مش حياة الفصل الأخير
بزعيق: اخيرا شرفت يا بيه انت والهانم !
رنا استخبت وراه ياسين بخوف وهو اتكلم: ايوه يا بابا
- مش بترد ليه ؟؟؟ وكنتوا فين
= كنا بنشتري حاجه بعد امتحانها كانت مضغوطه
- و قررت بقي تقفل موبايلك واحنا نو*لع!
= ما حضرتك و ماما عارفين انها معايا!
- معاك؟؟ وانت عارف تبقي مسؤل عن نفسك عشان تخدها وتخرجوا ومتردش علينا؟؟
= محصلش حاجه يا بابا!
- انت ايش عرفك انت!!! تخدها كل ده بدل ما تخليها ترجع تذاكر دي مينفعش تبطل مذاكره دقيقة لكن ازاي تخدها معاك تخرجها فاكر دي رجولة!
ياسين قبض ايده بعصبيه وحاول يهدي لكن مقدرش واتنرفز: بابا انت بتكلمني كأني مش راجل ليه ! انا عارف احافظ عليها كويس ! ولا حضرتك عاوزاني ابقي زيك !
قرب وضربه بالقلم على وشة بدون اي مقدمات رنا فضلت تعيط و فضلت ماسكه ايد ياسين سابها و جري على الباب و نزل وسابلهم البيت
فضلت تعيط وتنادي عليه و وفاء فضلت تصرخ وتقول ارجع يابني لكن عبد العزيز مهتمش ليهم ومسك رنا بقوة زقها على اوضتها وزعق: خشي ذاكري خشي
*******************************
صلي على محمد 🩷
" فات يومين والتالت كان امتحان رنا مكنتش بتنام ولا تعرف حاجه عن ياسين ولا حد فيهم عرف يلاقيه وعلطول خايفه محدش فيهم رضي يخرجها و امها خدتها وصلتها للامتحان لكن للأسف معرفتش تحل اي حاجه وسابت نص الاسئلة مكنتش بتاكل و مرهقه جدا والتفكير مموتها قررت تخرج من باب المدرسه التاني و قفلت موبايلها امها قلبت الدنيا عليها و محدش عرف يلاقيها ، وهي وقتها مكنتش بتفكر غير فحاجه واحده تعملها انها تنهي حياتها.. "
- هنعمل اية يا عبد العزيز !!! ضيعت الواد و دلوقتي البت كمان مش لاقياها !! راحت فين !!! تفتكر معاه؟؟
بعصبيه: هعرف منين !!!! مهو مش بيعبرنا ولا بيرد علينا ! ازاي تخفي عن عينك يا وفاء !!!!
= معرفش معرفش !!! لازم نلاقيها الدنيا بدأت تليل !! البت عمرها ما خرجت لوحدها!!!
- هكلم اي حد من صحابه يوصلنا لي اهدي وبطلي ولوله اهدي !
بعياط: يارب رجعلي عيالي يارب
****************************
" فالشارع كانت رنا ماشية بتعيط وبس لحد ما لقت مقاعد و اخيرا هترتاح شوية من اللف مبقتش عارفه تروح ، دي تاني ماده ليها متحلش فيها كويس كدا كل حاجه راحت خلاص من كتر الضغط والتفكير هي مبقتش قادره ومخها بيقنعها تنهي حياتها لأن خلاص ثانوية عامة دمرتها. "
*************************
صلي على محمد 🩷
- انت متأكد انهم مش لاقينها!
= ايوه يا ياسين ابوك رن عليا وكان صوته مخضوض وفاكرها معاك وانا عرفته انك معايا لوحدك رد عليهم شوف حصل اية
" ياسين قلبه وقع عليها وفضل يجي فمخه ميت سيناريو واعصابه باظت جري على البيت مرضيش يكلمهم حتي واتأكد انها مش موجوده "
بزعيق و انهيار: اقسم بالله لو حصلها اي حاجه هتبقوا انتوا السبب انتوا الى عملتوا فيها كل ده بسبب كلامكوا معاها وكميه الضغط الى عيشتوها فيها عشان ثانوية عامة وعشان تبقي دكتورة
وفاء بعياط: يارب بنتي يارب مش وقت خناق يا ياسين
اتكلم عبد العزيز بخفوت: انت الوحيد الى هتعرف ترجعها
= دلوقتي بقيت واثق فيا يا بابا؟؟ شايفني راجل؟؟
" عبد العزيز وشه كان فالارض ومكنش مستحمل الى بيحصل ياسين سابهم ونزل و عيونه حمرا وعايز يعيط لحد ما فجأه موبايله رن واتفاجئ انوه رقم رنا رد
بسرعه: رنا انتي فين انتي كويسه !!! حصلك حاجه
- حضرتك تقرب للاستاذة ؟
" اتفاجئ بصوت رجولي بيرد رجله مكنتش شايله و لسانه اتشل وخايف يسأل "
- رنا اختي رنا كويسة؟ ارجوك قولي انها عايشة
= هي كويسة موجوده في مستشفي *******
" جري ياسين ركب بسرعه ومن خضته مكلمهمش او يمكن عايز يطمن الاول انها سليمه هي دخلت مستشفي ليه !!! "
********************************
الحمد لله 🩷
- رنا !!!!!
بعياط: ياسين!!!
" جري خدها فحضنه وهي قاعده على سرير المستشفي ومتعلق لها محاليل فضل يتفحصها ويمسك وشها:
- انتي كويسة حصلك اية؟؟ عملتي اية فنفسك يا رنا!
بعياط شديد: معملتش حاجه والله انا مش عاوزاك تسبني انا معملتش المره دي حاجه عشانك ارجوك متسبنيش معاهم مش هقدر اعيش معاهم
" فضل يطبطب عليها طول اليومين قلبه كان مموته عليها و مدايق انوه سايبها هي ولكن مكنش متوقع يحصلها كل ده "
- مش هسيبك والله اهدي ، فهميني بس حصلك اية
= اغم عليا فالشارع وجابوني هنا كنت تعبانه اوي وقولتلهم يكلموا اخر رقم رنيت عليه انا كلمتك كتير وانت مردتش عليا يا ياسين
حط راسها على صدره وطبطب عليها: والله العظيم غصب عني انا اسف انا مش هبعد تاني ابدا
- انا مرضتش ارجع مع ماما بعد الامتحان ومشيت من باب المدرسة الخلفي لوحدي معرفتش احل خالص يا ياسين كنت خايفه و كنت محتجاك
ياسين افتكر انوه لسه معرفهمش وبعدين بصلها: مكنش ينفع تعملي كده يا رنا متمشيش لوحدك انا مش هزعل منك لأني انا الغلطان كان مفروض ابقي جمبك
- لاء متقلش كدا هما الى غلطانين
= انا لازم اكلمهم ماما عماله تعيط عليكي و بابا هيجراله حاجه اول مره اشوفه كده
- هيضربوني اكيد هيعملوا فيا حاجه عشان هربت كدا
ياسين بخبث: لاء انا هعرف اخليهم يتعاملوا معاكي ازاي..
" اتفقت مع رنا علي الي هعملوا و خرجت للدكتور شرحلته يقول اية بالظبط عن رنا ان عندها مشاكل بسبب الضغط و ممكن يأثر على صحتها و ممكن تفقد النطق بسبب الخوف وكلها حاجات نفسيه لعبنا عليها والدكتور تعاون معايا وتعاطف معانا جدا و كلمتهم واستنيت مع رنا فالاوضة "
- بنتي حببتي !!!! حصلك اية حصلها اية حد يرد عليا
"مثلت الحزن ومتكلمتش بابا كان واقف ندمان لكن بيخفي ندمه وعاقد حواجبه وبيتفحص رنا بعينه "
"مكملوش دقيقه والدكتور طلبهم بره وقالهم الى اتفقنا عليه وهما بلعوا الطعم وفهموا انهم كانوا بيأذوا رنا"
" خدنا رنا للبيت وطول الوقت كانت لسه خايفه الوضع كان غريب هادي لحد ما بابا و ماما دخلوا الاوضة وانا مع رنا بصينا ليهم بفضول "
وبدأت ماما بالكلام: كده يا رنا تعملي فينا كده وتمشي لوحدك؟
بابا مازال ساكت
- اسفة يا ماما
"كنت عارف انهم عاوزين يعرفوا عملت اية فالامتحان و انا اتكلمت"
- مشيت عشان محلتش كويس فالامتحان وكانت مرعوبة منكوا
ماما ردت بسرعه: متخافيش المهم صحتك
رنا بصتلها بأمل: بجد!؟
- اكيد يا حببتي!
خبطتت على كتف بابا: مش كدا يا عبد العزيز
اتكلم بابا بهدوء: بس مش معناه انها تمشي وتسبنا نتحرق هنا عليها و واحد يكلم اخوها بدل ما يكلمنا احنا
ماما: خلاص المهم انها كويسة
خرجوا من الاوضة: تفتكري الخطه نجحت يا رنا
- بابا رد فعله غريب انا مش مرتاحه يا ياسين
= متخافيش انا معاكي
******************************
استغفر الله 🩷
" عدت الايام و أخيرا رنا خلصت لكن الصدمه كان لما النتيجه طلعت درجتها كانت كويسة فكل المواد الا الفيزيا لأنها فاليوم الى هربت فيه محلتش اصلا وكانت متوتره بسببي اول ما عرفت الخبر وقعت مننا وجرينا بيها عالمستشفي كانت رافضه الكلام تماما وقتها بابا و ماما شافوا حالتها واتخضوا جامد وافتكروا كلام الدكتور فا اضطريت اني اعرفهم اللعبه كلها يمكن يطمنوا لكن مغيرش حاجه عشان رنا حالتها بتدهور فعليا ومش بتتكلم فعلا و خلاص ثبت فمخها ان مستقبلها ضاع و هتخلي شكل بابا و ماما وحش كل الكلام الى كانوا بيقولوا دمرها ومبقتش طايقه نفسها لحد ما اتحدد معاد امتحان الدور التاني فا دخلنا كلنا اوضتها و هي مازلت مش بتنطق حتي معايا..! "
- رنا يحببتي ردي علينا يقلب ماما لسه عندك فرصه احنا اسفين يابنتي على كل الى فات لو مش عايزه تكملي خالص براحتك لو عايزة فرصه تانيه هنساعدك
مسكت ايدها و بوستها: رنا ردي عليا انا طيب انا اخوكي
وقتها بابا لأول مره اتكلم بهدوء وعيونه مدمعه: حقك علي راسي يا رنا انا السبب فكل ده انا ربتكوا غلط انا مبقتش عايز حاجه غير انك تبقي كويسة وترجعي تتكلمي وتضحكي وتبقي معانا
دموعه نزلت وقال بتأثر: وبعد كده هاجي بدري عشان ناكل سوا براحتك ونعمل الى عايزاه
" هنا رنا فتحت فالعياط وهما حضنوها الوضع كان بيتحسن و بعدها بابا اتكلم معايا واعتذرلي عن طريقته معايا واني كنت صعبان عليه وخايف اضيع بس عبر عن خوفه عليا غلط وكان بيأذيني بكلامه لكن سامحته لاني بحبه فضلنا نشجع رنا عشان تدخل الدور التاني وفعلا ذاكرت ودخلت ولما الدرجة طلعت كانت ناقصه تلت درجات بس فالفيزيا واخيرا كان مجموعها 87% و كان يدخلها طب لكن حصلت المفاجأة!! "
- رنا
= ايوه يا بابا
- انا مش عايزك تدخلي طب
بصتلي انا وماما بصدمه: يعني اية
= انتي هتدخلي فنون جميلة طول عمرك بتحبي الرسم وانا واثق انك عاوزة تدخليها وكنتي بتراضينا بس وهتدخلي طب عشان خاطرنا لكن خلاص
عيطت بفرحه: بابا انا... بس حضرتك قولت
- انسي كل الى فات يابنتي و سامحيني انتي لازم تختاري بنفسك
حضنته: انا بحبك يا بابا
بابا حضني انا كمان: ربنا يخليكوا ليا بخير دايما
ماما: بالمناسبة دي خرج اختك و فرحها هي تعبت كتير
مسكت ايد رنا: ده كدا كدا هدلعها عالاخر
رنا بأستغلال: عايزة اكل ف ماك
بابا ضحك: ومالو من حقك تدلعي
رنا ابتسمت وبصتلهم: بس عايزة نروح كلنا سوا
" وطبعا الكل وافق ويمكن دي كانت بداية حياة مختلفة اللأسرة كلها وانهم قربوا من بعض يمكن الاهل بيغلطوا فعلا وطريقتهم بتبقي صعبه لكن نيتهم خير لازم دايما نسامحهم ونفهمهم ونتكلم معاهم ولازم اي اب و ام يدعموا اولادهم لأن الدعم نفسي اهم حاجه.."
" و طبعا كل الدعم لدفعة ثانوية عامة السنه دي عارفة ان امتحانتنا قربت لكن لسه في وقت وفي فرصه نتعب حبه كمان واكيد هيفرقوا عشان ربنا مش بيضيع تعب حد ابدا ربنا معاكوا يكتاكيت🩷🫶 "
تمت..
اكتب تعليق برايك هنا