رواية تزوجت أختها الفصل الرابع 4
بدر : ولو قولتلك إني هتجوزك يوم الجمعة بالذوق او بالعافيه ؟؟
زهرة : ليه بإذن الله ما"سك عليا ذلة وانا معرفش ؟!
بدر بيضحك بخ"بث :
لا ماسك علي اختك ذ"لة هتخليكي انتي بنفسك اللي هتقنعي الناس إنك تتجوزيني
زهرة : افندم!!!!!!!!
ذ"لة ايه انت هتخر*ف ؟؟
بدر : تحبي تتأكدي بنفسك ؟؟؟
زهرة : آه احب اتأكد
بدر : اشطا ..
أختك محامية كبيرة وبتكسب بس خلينا متفقين إن اللي فيه دا"ق مبيبطلوش والطبع يغلب التطبع
**طلع الفون وطلع تسجيل مكالمة **
بدر : ده تسجيل مكالمة بين اختك المحامية المحتر*مة وبين خص"م الموكل بتاعها اللي المفروض تكون ضد"ه
زهرة : وفيها ايه المكالمة ؟؟
بدر : فيها اختك وهي بتطلب مبلغ مالي (رشو*ة) من الخ"صم مقابل انها تسلمه أوراق مهمة جداً تخص الموكل بتاعها عشان الخ*صم يكسب القض*ية
**فتحت زهرة المكالمة وبدأت تسمعها وهي مزهو*لة وعمالة تبر"ق مش مصدقة اللي بتسمعه**
زهرة : انت وصلت للمكالمة دي ازاي ؟؟
بدر : هو هو نفس الخ*صم .. بعتلي تسجيل المكالمة وساو*مني بيه عشان مكانش عارف يوصلها بعد ما خدت الفلوس وخل"عت وكملت في القض"ية مع موكلها ومدتلوش الورق
تخيلي معايا كدا يا زهرورتي لو روحت قدمت المكالمة دي هيحصل ايه ؟؟؟
أول حاجة اختك هتتح*بس في قض*ية رشو*ة زي الفل الله أعلم كام سنة الصراحة مش دارس قا"نون ، تاني حاجة هتتحر*م من مه"نة المحاماة وهيبقى مستقبلها المه"ني راح في دا"هية الحمدلله بعد كللللل ده ، تالت حاجة بقا تفتكري ابوكي اللي عنده القلب ده هيستحمل قد ايه لما يلاقي بنته بتتح*بس 🤔🤔
زهرة بصاله بصد"مة وساكتة
بدر : أظن كدا ملكيش حجة ✋🏻 يلا بينا نجهز لفرحنا ياعروسة ؟😂
زهرة : انت أحق*ر إنسان شوفته في حياتي..
ده انت غلبت خطيبي القديم اللي كنت فاكراه بطل العالم في الحقا*رة يااخي
مش عارفة ازاي كنت بتعامل معاك السنين دي كلها علي إنك بني* آدم محتر"م وينفع تبقى أخ
** بتلف عشان تمشي مس"ك ايديها وقفها**
بدر : نسيت اقولك حاجة مهمة
امك ابوكي اختك اخوكي الجيران .. لو كلمة واحدة في المحاد*ثة اللي حصلت من شوية اتقالت لحد أيا كان مين مش محتاج أقولك بعد نص ساعة اختك هتكون فين .. فـ نعقل كدا ونخلي عقلنا في راسنا زي ما هو عشان ربنا يكرمنا
واظن بعد ما سمعتي المكالمة دي وعرفتي اختك الطماعة علي حقيقتها وان مهما عملتو معاها مش هتتغير ده هيساعدك انها متصعبش عليكي وانتي بتتجوزي خطيبها
زهرة : انت ازاي وامتى بقيت كدا بجد !!
كأنك اتبدلت وبقيت واحد غيرك انا مش مستوعبة
طب بغض النظر عن كل اللي فات فيه سؤال هيج"نني من امبارح .. بما إنك شايف مها و" حشة وطما*عة ومر*تشية وفيها كل الصفات المنيلة دي كنت مكمل معاها لحد امبارح ليه وكنت هتتجوزها كمان اقل من أسبوع ؟؟؟
بدر : مش هرد ع السؤال ده دلوقتي ، اوصلك البيت ولا هتروحي انتي وتستنيني اخلص اللي ورايا واجيلكو ؟
🔥🔥🔥🔥🔥🔥🔥🔥🔥🔥🔥🔥🔥🔥
**في البيت**
تحديداً في أوضة عاصم (ابو زهرة)
عاصم قاعد على السر*ير لا منه نايم ولا صاحي ومخه عمال يودي ويجيب .. باب الأوضة خبط
عاصم : ادخل
دخل فريد الاوضة .. قعد قدام عاصم ع السر*ير
عاصم : صباح الخير يافريد ، فيه حاجة ولا ايه ؟
فريد : صباح النور ياحج .. امبارح الوقت أتأخر وملقتش فرصة اكلمك في حاجة فـ دخلت اكلمك دلوقتي قبل مااروح الشغل
عاصم : خير عايز تكلمني في ايه
فريد : هاكون عايز اكلمك في ايه ياحج ماهو حديث المدينة 😂😂
عاصم : لو جاي تتكلم في جوازة زهرة وبدر وفر وقتك ومجهودك انا مش هتكلم في حاجة وقوم شوف اكل عيشك
فريد : بابا انا لا عايز اك"سر كلامك ولا حتى أقدر المح ل ده بس دي أختي .. والتانية كمان اختي
قلبي مو*جوع عليهم الاتنين وعايز أفهم ايه تفسير اللي بيحصل ده ، ياحج انا راجلهم ومن ابسط حقوقي اني ع الأقل ابقى فاهم الدنيا فيها ايه ، ياسيدي جربني وقولي ايه اللي حاصل يمكن مخيبش ظنك واعرف اتصرف
عاصم بيسرح وبيفتكر اللي اتقال بينه وبين بدر يوم الحاد*ثة
Flash back 📸🔙
عاصم : نعم ؟؟؟؟؟
يعني ايه مها السبب .. مها هتأذي اختها ليه وازاي اصلا هتعمل فيها حاجة زي كدا هو انت هتألف !! اشرحلي اكتر يابدر وقولي ايه شككك في كدا متخليش أعصا"بي تفلت وامسك فيك دلوقتي
بدر : هقولك ايه شككني في ده ياعمي وهقولك ليه ومين ساعدها في ده كمان
عاصم : سامعك .. اتفضل ؟؟
بدر : من شهر تقريباً مها كلمتني وقالتلي إنها رايحة مشوار هي وزهرة وهياخدوا معاهم هند اختي ووقتها انا استغربت وسألتها انتي من امتى بتاخدي اجازة وتخرجي مع زهرة اختك يعني ! قالتلي زهقا"نين وعايزين نغير جو فقولنا نخرج احنا التلاتة .. فاكر اليوم دا ياعمي ؟؟
عاصم بيبدأ يركز : آه فاكر اليوم ده
بدر : طيب فاكر يومها زهرة كانت راجعة عاملة ازاي ؟؟؟
عاصم بيفتكر اليوم ...
عاصم : كانت داخلة مدر*وخة كدا ومش ماسكة نفسها ، بس لما انا سألتهم مالها وايه اللي عمل فيها كدا مها قالتلي ان زهرة داخت وهما في المول وشبه اغ"م عليها وجابولها عصير وفوقوها ورجعوا بيها علي البيت .. حتى انت كنت موجود ساعتها لما عديت علينا في طريقك عشان تاخد هند وتروحوا البيت
بدر : الله ينور عليك ياعمي
عاصم : أيوة ده ايه علاقته باللي حصل النهاردة بردو ؟
بدر : هقولك
طبعاً حضرتك اكتر واحد حافظ مها وتصرفاتها وانها علاقتها بزهرة مش قد كده عشان هي مش من نفس الأم والجو ده ، ده غير انك عارف مها نفسها طبعها عامل ازاي وطمعها للفلوس .. آخر فترة انا كنت بلاحظ ان مها تصرفاتها غريبة وبتعمل حركات مش مفهومه خالص بس كنت بكبر دماغي واقول متهيألي
يوم ما هي خدت زهرة وخرجت معاها انا كنت شاكك لأن الحد"اية مبتحد"فش كتاكيت عشان مها تخرج مع زهرة وتسيب شغلها ، بعدها لما زهرة رجعت تعبا"نة بالمنظر دا ومدر"وخة كأنها متخد*رة انا قلقت زيادة وبدأت اشك في الخروجة دي ، اللي زود شكوكي اكتر ان بعد ما روحنا البيت لقيت هند بقيت اليوم متو"ترة ومش علي طبيعتها ، ومن يومها وهي بتحاول تبعد عن مها علي قد ما تقدر ومتكلمهاش علي غير عادتها
والفترة دي كلها انا مستغرب بس بحاول ابعد الموضوع عن تفكيري واقول لو كان فيه حاجة كنا عرفنا او كان حصل اي بوادر
بس كل ده كوم واللي حصل من اسبوعين ده حوار تاني
عاصم : ايه اللي حصل من أسبوعين
بدر : انا ومها كنا بنشتري النجف وواقفين بننقي فجأة حبت تدخل الحمام سابت معايا تليفونها وشنطتها وكل حاجتها ودخلت .. بعد ما دخلت بحوالي ١٠ دقايق جالها ماسدج علي تليفونها "اظن كدا الفلوس وصلت واللي ليكي عندي خدتيه ، يارب نبطل زن بقى خليني اركز في اللي جاي.. وزي مااتفقنا متجيبيش سيرة عن اي حاجة لحد مااوصل للي عايز اوصله الاول"
ببص علي اللي باعت الماسدج لقيت صورة شريف خطيب زهرة القديم ومها مسجلاه " sh "
استغر"بت طبعاً وحاولت افتح الفون بسرعة معرفتش عشان الباسوورد اللي عاملاه للفون ، علي خرجتها من الحمام
***مها : ايه ده انت بتحاول تفتح التليفون ليه ؟
بدر : افتحيه كدا يا مها عايز اشوف حاجة
مها : تشوف ايه يابدر انت عايز تفتح تليفوني تفتش فيه انت اتج"ننت ؟؟؟
بدر : ما تتكلمي عدل يا مها ايه اتجننت دي ، وبعدين فيها ايه لما افتح التليفون هو انتي شايلة عليه محظو*رات لا سمح الله !!
مها : شايلة اللي شايلاه دي خصو"صيات يا بدر وبعد اذنك الموقف ده ميتكررش ..
بدر : هو انتي شريف اللي كان خاطب زهرة بيكلمك يا مها ؟؟؟
مها بتوتر : نعععععم .. شريف ايه اللي يكلمني انت شكلك اتج*ننت رسمي
دي موكلة عندي يابدر اسمها شكيرا وحاطة صورة ابنها وكانت هتبعتلي اتعا"بي ، واقسم بالله يا بدر لو اتكررت وحسيتك بتش"ك فيا انا مش هعد"يها
يلا نروح انا مش هكمل فرجة علي حاجة واتقفلت***
بدر : نزلنا روحنا وانا قولت خلاص يمكن اتهيألي فعلاً عشان شوفت الصورة من برا بس فضل الش"ك ملازمني ومن جوايا مش مستريح
بس بعد اللي عرفته النهاردة وان زهرة كانت حامل في شهر وسق"طت انا بقيت شا"كك بنسبة كبيييرة ان المشوار اللي راحوه كان ليه علا"قة بشريف وهو اللي عمل في زهرة كدا بعد ما شر"بوها اي حاجة وخدروها وده طبعاً عشان يك"سر عينها ويخليها ترجعله بالعافيه
هتقولي قدر يسيطر علي دماغ مها ويخليها تعمل كدا ازاي هقولك ان ط"مع مها للفلوس يخليها تبيع اختها او امها او تبيعك شخصياً وده اللي عرفته عنها مؤخراً ، وشريف ماشاء الله معندوش اكتر م الفلوس
عاصم بيقعد ع الكرسي ويحط ايده علي دماغه
بدر بيقرب منه وبيطبطب عليه
بدر : انا لحد دلوقتي معرفش ايه اللي حصل بالتفصيل وفيه تفاصيل كتيييير لسة مجمعتهاش عن الموضوع ، وعشان كدا قولت اول خطوة لازم تتاخد اني اتجوز زهرة منها احميها من الفض*يحة ومنها احميها من شريف اللي الله أعلم نيته يعمل فيها ايه كمان ومنها اعرف مها ان الله حق .. وبعد ما اتجوز زهرة هبدأ اركز واعرف ايه اللي حصل بالظبط وحصل ازاي واللي غل"ط ياخد جز"اته من اول مها ، لـ شريف ، لـ هند أختي اللي لسة مش عارف دخلها ايه بالموضوع
أهم حاجة من هنا لحد ما نكشفهم ياعمي مش عايزين اي حد تالت يعرف حاجة عن الكلام اللي قولناه دلوقتي عشان لو حد شم خبر مش بعيد يحاولوا يأذ*وها زيادة ومنلحقش نعمل حاجة
رجع عاصم من الفلاش باك 🔙
فريد : بابا انا بكلمك انت سامعني ؟
عاصم بيقوم يقف وبصوت عالي : وانا قولتلك مش هاتكلم في حااااااجة يافريد ، قولت اللي عندي واختك هتتجوز بدر ومش هقول لحد أسباب ولا هفسر
اتفضل روح شغلك عشان متتأخرش يافريد
🔥🔥🔥🔥🔥🔥🔥🔥🔥🔥🔥🔥🔥🔥🔥
**بدر بيفتح باب بيتهم وداخل **
ناهد امه واقفة بتجهز السفرة عشان ياكلوا ، هند قاعدة متدايقة و عمالة تبص لناهد ومستغر"بة
دخل بدر باس دماغها : صباح الخير ياحبيبتي
هند : انت ايه اللي عملته مع مها ده يا بدر انت اتجن"نت !!!
ناهد : صباح الفل ياحبيبي .. حماتك بتحبك اقعد بقا عملالك الأكل اللي بتحبه
هند : اكل ايه ياماما انتي كمان احنا في ايه ولا في ايه
بدر بيبص لناهد باستغراب : ماما انتي مش عايزة تقوليلي حاجة ؟؟
ناهد بتسيب الطبق من ايديها وبتطبطب عليه : لا ياحبيبي مش عايزة اقولك حاجة
بدر : انتي عرفتي اللي حصل صح ؟؟
ناهد : عرفت .. وواثقة فيك وفي اختياراتك وعارفة انك مش هتعمل كدا من غير سبب
بدر : ساكتة عشان واثقة فيا وفي اختياراتي ولا ساكتة عشان انتي مكنتيش قابلة مها من البداية ولا نزلالك من زور
ناهد : انا رأيي نقعد ناكل وبعدين نشوف الموضوع دا
**التليفون الأرضي رن راحت ناهد ترد**
هند : بدر هي الأسئلة اللي سألتهالي امبارح ليها علا"قة بانك عايز تتجوز زهرة بدل مها ؟؟
بدر بخ"بث : لا خالص .. دا كان سو"ء تفاهم في دماغي بس وراح لحاله خلاص
هند : اومال ايه السبب في انك تعمل كدا
بدر : تقدري تقولي حبيت زهرة اكتر مثلاً
هند بتبر"ق : نعم ؟؟؟؟ 😳
هند خلصت الفون ورجعت : يالا ناكل بقا
قعدوا عشان ياكلوا
بدر بيبص لهند وبينه وبين نفسه : اق"سم بالله لأج"ننك يا هند لحد ما توقعي نفسك بنفسك واعرف اللي حصل
🔥🔥🔥🔥🔥🔥🔥🔥🔥🔥🔥🔥🔥🔥🔥
**في بيت زهرة **
جرس الباب رن
راح فريد يفتح الباب .. زهرة داخلة من باب الشقة لقت عبير واخواتها الاتنين قاعدين في الصالة
زهرة : سلام عليكم
**محدش رد عليها السلام**
عبير : كنتي فين ياابلة ومقولتيش لحد ليه انك خارجة هي لوكاندا ؟!
راحت زهرة تسلم علي خالتها اللي قاعدة
خالتها بتز*قها : اوعي كدا انا مبسلمش علي خطا*فة رجالة
زهرة بتتعدل : خطا*فة رجالة ؟
خالتها : أيوة ياختي خطا*فة رجالة ايه جبت حاجة من عندي
خالتها التانية : صحيح اللي سمعناه دا يازهرة ؟؟
انتي بتاخدي خطيب اختك منها
زهرة : مفيش حاجة اسمها خطا*فة رجالة او واحدة تاخد من واحدة راجل لأن ده مش د*كر بط اي حد يخ*طفه ويعمل عليه شوربة ده راجل
خالتها : باختلاف المسميات .. انتي موافقة تتجوزي الجوازة دي ؟؟؟؟؟
**زهرة بتبص في الأرض بتفتكر كلام بدر**
عبير : ما تردي عليهم يا زهرة ، موافقة علي الجوازة
*** زهرة : آه يا ماما موافقة ***
كلهم بيبصوا بذ"هول وكأن اللي واقفة قدامهم واحدة تانية .. مها واقفة علي باب اوضتها سمعت الكلمة وشها اصفر وبلمت .. دخلت اوضتها وقفلت الباب تاني بمنتهي الهدوء
عبير بتبر"ق : اااااه قولي كدا بقا
قولي ان دي كانت خطتك من الأول
فريد: بس ياماما ايه اللي بتقوليه ده
عبير : ده انتي طلعتي حرباا*اااية ياشيخة ح*سبي الله ونعم الوكيل فيكي
عاصم : عبييييير .. مش عايز أسمع صوت تاني اكتمي
زهرة : انا داخلة أنام شوية ياجماعة عشان منمتش من امبارح وانا أصلا تعبانة .. عن اذنكو
**سابتهم زهرة ودخلت علي اوضتها تنام**
🔥 بعد ساعة 🔥
بدر طالع على السلم في بيت ابو زهرة عمال يفكر في كل حاجة بتحصل واللي هيحصل اول ما يدخل عندهم البيت .. وقف قدام باب الشقة مش عارف هل يخبط ولا ياخد بعضه وينزل تاني .. وقف قدام الباب
** في نفس الوقت **
زهرة في اوضتها غط"سانه في النوم من التعب (سواء تعب الحاد*ثة او تعب الإجها*ض او تعب قلة النوم) .. مها بتفتح باب الأوضة وبتدخل عليها بتتسحب
بتبص عليها وهي نايمة وبتطلع من جيبها سكي*نة صغيرة
مها بصوت واطي : قديماً قالوا ""كل شئ متاح في الحب والحرب"" ""وقالوا بردو من الحب ما قتل""
انا آسفة يا زهرة بس مش انا اللي هتسمحلك تاخدي منها خطيبها بالطريقة دي واقف اسقفلكو وتقولولي عقبالك 😅
مش كفاية عليكي انك خدتي حب ابويا كل السنين دي ومكانش شايفنا بسببك جاية دلوقتي وعايزة تاخدي خطيبي كمان واسكت عشان اختي ؟؟ ده على جث*تي يازهرة
رفعت ايديها وغر*زت الس*كينة في ضهر زهرة
***صر"خت زهرة صر*خة سمعها البيت كله***
لمشاهدة 👈 الفصل الخامس
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا