رواية شبيهتي القوية الفصل الخامس 5
-اثناء خروج يوسف من غرفة اسراء شاف خيال بيجرى ادامه غمض عيونه وفتحها لقى الخيال بيجرى عكس الاتجاه جرى يوسف ناحيته وهو بيقول: استنى اقف عندك ي جبان
خرج الجميع ع صوت يوسف العالى لكن صدمتهم كانت كبيرة لما لقوه بيتكلم مع حد مش موجود وبيتخانق معاه ...يوسف: انت لو راجل هتواجهنى وش لوش مش هتعمل زى الحرامية
ماهر بتعجب: انت بتكلم مين ي ابنى؟!
يوسف: بكلم الحيوان ده ي بابا هكون بكلم مين يعنى
ماهر: يوسف مفيش حد غيرنا
يوسف بصريخ: يعنى ايه مفيش اومال اللى انا ماسكه ده يبقى مين انتم عاوزين تجننونى
رجاء بحزن: اهدى ي حبيبى معليش اصل احنا خايفين عليك بس سيبه ونتفاهم
ماهر بوشوشة: يسيب مين انتى كمان هو انا اللى اتعميت ولا ايه؟!
رجاء: ارجوك ي ماهر هاوده وخده ع اد عقله لحد ما نتصل ع الدكتور عصام يجى يكشف عليه
ماهر: خلاص ي يوسف سيبه والحرس هيعلموه الادب يا سيف خد اخوك ع اوضته عشان يرتاح
بالفعل اخده سيف ع اوضته وبمجرد ما دخل نام ع طول وبعد مدة بسيطة وصل دكتور عصام وكشف ع يوسف وخرج ليهم
رجاء: خير ي دكتور؟!
عصام: لازم يوسف يحلل ضرورى واشوف التحاليل دى بكرة
وهنا خطرت بدماغ ريهام فكرة وقالت بعلو صوتها: ي دكتور عصام يوسف بياخد من العلاج اللى حضرتك كتبته ليا
عصام: قصدك البرشام اللى حذرتك منه؟!
ريهام: ايوة ومن اول يوم كمان
عصام: دى كارثة ده معناه ان يوسف ادمنه وبكده لازم يتنقل ع مصحة نفسية ف اقرب وقت عشان نلحقه
بدأت ريهام تراقب ريأكشانات كل الموجودين وكانت عنيها ع ماهر وسلمى وسيف بالاخص ولاحظت توتر سلمى وانها بتفرك بايدها وشافتها بتهرب وتدخل ع اوضتها
عند ملك واسراء ....حكت ملك اللى حصل لاسراء اللى كانت بتسمع ليها باستمتاع: والله جدعة كان نفسى اكون موجودة عشان اشفى غليلى
ملك: المهم دلوقتى انتى لازم تعملى تحاليل عشان نعالجك من الزفت ده ف اقرب وقت
اسراء: ان شاء الله هبدأ من بكرة صحيح هى ريهام مجتش معاكى ليه؟
ملك: هى قالت انها عاوزة تروح من بدرى الفيلا عشان تمخمخ ليهم
اسراء: طب رنى عليها كده عاوزة اكلمها ضرورى
بالفعل رنت ملك ع ريهام اللى دخلت ع اوضتها وردت ...اسراء: الو ي ريهام كنت عاوزة احكيلك ع حاجة ... وبدأت اسراء تقولها ع اللى دار بينها وبين احمد
ريهام بفرحة: بجد طيب هو فعلا متعافى ولا بيضحك عليكى؟!
اسراء: معتقدش لان شكله وكلامه ميدلش ابدا انه واحد متعاطى
ريهام: طيب بصى مترديش عليه واهربى منه بأى حجة اوك
اسراء: اوك معرفتيش مين اللى بيحطلى البرشام؟!
ريهام: انا شاكة بس قريب اوى هتأكد وعاوزة اقولك ان السحر اتقلب ع الساحر
اسراء: ازاى يعنى؟!
ريهام: اللى اسمه يوسف طلع بياخد من البرشام ده وادمنه ودكتور عصام قال انه لازم يتحول لمصحة عشان يتعالج
اسراء بدموع: ايه؟ يو...يوسف! لا يوسف لا طب ..طب هيعمل ايه ولا هيبقى كويس ازاى؟!
ريهام: ما قولتلك لازم يروح مصحة
اسراء: انا جاية حالا لازم اشوفه واطمن عليه بنفسى
ريهام: انتى مجنونة تيجى فين كده امرنا هيكشف
اسراء: مش هقدر ي ريهام لازم اشوفه واطمن عليه عشان خاطرى بليز
ريهام: خلاص استنى لحد ما يروح المصحة وابقى روحى زوريه هناك وخلاص
اسراء: م..ماشى بس خلى بالك منه عشان خاطرى
ريهام: ان شاء الله ماما كويسة؟!
اسراء: اه الحمدلله انا هروح ليها دلوقتى
ريهام: اوك باى
قفلت ريهام ونزلت ع المطبخ وشافت رحاب وصفاء واقفين بيتكلموا
ريهام: احم مساء الخير
صفاء: مساء النور ي بنتى محتاجة حاجة؟!
ريهام: كنت عاوزة اشرب بس
صفاء: الا صحيح اللى سمعناه ده ي ست اسراء
ريهام: ايه اللى سمعتوه؟!
صفاء: ان استاذ يوسف طلع مدمن
ريهام : للاسف ايوة طلع بياخد من البرشام اللى كان مكتوب ليا والبرشام طلع متبدل يعنى فيه حد كان عاوز يإذينى
كل ده وعيونها ع رحاب اللى اتوترت وكانت بتبعد نظرها عن ريهام اللى قربت منها : انتى بعضمة لسانك قولتيلى انك انتى اللى بتجيبلى البرشام لما بيخلص ومبتخرجيش غير لما بتتأكدى انى اخدته يعنى انتى كنتى عارفة كويس ان البرشام ده متبدل
رحاب بتوتر: مين ...انا ...لا طبعا مستحيل اعمل حاجة زى دى ابدا
ريهام: امممم حلو اوى الكلام ده يبقى لما تيجى بقى ادام الظابط قولى الكلمتين دول وخلى بالك انا سجلت كلامك يعنى انتى هتشيلى الليلة وتروحى ف ستين داهية
رحاب وهى بتمسك ايدها: ابوس ايدك ي ست اسراء انا مليش ذنب حتى اقسم بالله العظيم ما اعرف ان البرشام بيتبدل لان مش انا اللى بجيبه اصلا
ريهام: اومال مين؟!
رحاب: عمك هو اللى بيجيبه ليكى دايما
ريهام باستغراب: عمى؟!
رحاب: ايوة
ريهام: يعنى هو اللى طلب منك تتأكدى انى باخده مش كده؟!
رحاب: لا مش هو دى الست سلمى
ريهام: وكدبتى ليه عليا وقولتى ان ماما هى اللى طلبت منك كده!
رحاب: ست سلمى هى اللى طلبت منى كده عشان يعنى انتم ع خلاف دايما بس هى بتحبك وعاوزة مصلحتك
سرحت ريهام شويه وابتدت تفكر هل سلمى وماهر متفقين مع بعض ولا فيه حاجة تانية هى لسه متعرفهاش فاقت ع صوت رحاب: والنبى يا سيتى سامحينى انا والله ضحية وممكن اقول كده ادام الظابط عادى انا فعلا مظلومة
ريهام: خلاص ي رحاب اهدى انا هطلب منك خدمة واحدة وانتى كمان ي دادة صفاء الكلام ده ميطلعش برة لجنس مخلوق لا جوة البيت ولا براه
رحاب وصفاء: حاضر
طلعت ريهام ع غرفتها وسمعت صوت سلمى بتتكلم مع حد وسايبة باب الاوضة مفتوح وقفت ريهام وسمعتها بتقول: بقولك يوسف اخويا طلع بياخد من البرشام اللى كنت باخده للزفتة اللى هنا وووووو.....يتبع
شاهد 👈 الفصل السادس
اكتب تعليق برايك هنا