روايه عشقت زين الرجال الحلقه العاشره بقلم ضحى ابراهيم

أخر الاخبار

روايه عشقت زين الرجال الحلقه العاشره بقلم ضحى ابراهيم

روايه عشقت زين الرجال الحلقه العاشره بقلم ضحى ابراهيم



 🌸 عشقت زين الرجال 🌸


البارت العاشر 


..........................

- وانا مش شايف بنات غيرك انتي مليتي عليا حياتي ودنيتي يا زينة البنات هسيبك دلوقتي عشان عايز اشوف حازم ورانا شغل 


- خلاص اوك 


- هتوحشيني 


- وانت كمان 


خرج زين و فريحه دخلت 


- انتي هتحكي اي اللي حصل ولا اطق راسك بالنار 


- لا وعلي اي احكي احسن 

حكتلها ضحي كل حاجه 


- مش قولتلك زين بيحبك 


- انا لحد دلوقتي حاسه اني بحلم مش مصدقه اصلا 

بس سيبك مني اي 


- اي ايه 


- يا بت عليا انا الكلام دا اخباره اي 


- دايما فهماني كدا بصي انا اعجبت بيه ولما عرفت انه اتقدملي حسيت الفرحه مش سيعاني وجدي قعد معاه وقال انه شاريني


- ايوا بقااا والخطوبه امتا 


- جدي قالي انه عايز كتب كتاب عشان نكلم براحتنا 


- طب وانتي شايفه اي 


- انا بحبه وموافقه طبعا 


- ربنا يفرح دوما يا فريحه طيب انا هصلي وهنام لاني عندي جامعه الصبح وفي محاضرات فاتتني 


صلت ضحي ونامت وصحيت تاني يوم وهي حاسه نفسها متكتفه 


- اي دا 

لقت زين نايم وحاضنها  


قامت لبست وصلت وهي بتعدل الطرحه لقت اللي حضنها 


- خضتني صباح الخير 


- صباح النور والفل والياسمين علي عيونك 


ضحي اتكسفت 

- راحه فين 


- راحه الجامعه ورايا محاضرات كتير وبعدين هطلع علي الشركه 


- هاتي ايدك 


- ليه 


زين طلع علبه دهب ولبسها الشبكه 


- ليه دا كله 


- انتي حرم زين الرجال 


- طيب الشبكه في اليمين 


- لا في الشمال انتي مراتي وياريت ايدك تبقي ظاهره انك اتجوزتي عشان البعيد يفهم انك ملكي انا 


- اه بدأنا غيره 


- يلا عشان اوصلك 


زين وصل ضحي علي الجامعه وهي نازله 


- ضحي 


- نعم


- عشقت عنيكي يا صبيه 


ضحي اتكسفت ومشيت


- انسه ضحي ممكن كلمه 


- اتفضل يا دكتور 


- ممكن رقم والدك 


- والدي متوفي يا دكتور في حاجه 


- خلاص ممكن رقم جدك مثلا 


- اه طبعا اتفضل 012.........بس ليه 


- كنت عايزه في شغل كدا 


- اه تمام عن اذن حضرتك 


مشيت ضحي وحضرت المحاضرات كلها وهي مروحه زين جه خدها وراحو الشركه اشتغلوا في شويه ملفات وروحوا بعدها اول ما وصلوا البيت لقوا مازن قاعد مع جدهم 


- دكتور مازن ازي حضرتك 


- اطلعي علي فوق ومتنزليش دلوقتي يلا 


طلعت ضحي وهي مش فاهمه حاجه دخلت اوضتها قعدت مع فريحه 

وتحت زين وجده ومازن وحازم 


- خير يا جدي 


- خير يا ابني دكتور مازن كان عايز يحكي حاجه وانا قولتله يستناك عشان تكون موجود وترد بنفسك 


- خير يا مازن 


- خير ان شاء الله انا دلوقتي اعرف الانسه ضحي من ساعه ما جت الجامعه وبصراحه اعجبت بأدبها واخلاقها وانا جيت انهارده عشان اطلب ايد الانسه ضحي 


- تطلب ايد مين يا عنيا انت اتجننت عايز تتجوز مراتي انت جرا في مخك حاجه 


- مراتك ازاي 


- هو اي اللي مراتي ازاي انا وضحي متجوزين واتفضل يلا وابقي اسأل الاول قبل ما تتقدم لحد 


خرج مازن وهو مصدوم ومحرج اوووي


طلع زين لاوضة ضحي وهو متعصب 

- فريحه اطلعي بره دلوقتي


خرجت فريحه لانها خافت من زين و سابت ضحي مرعوبه 


- زين مالك متعصب ليه 


زين بزعيق وعصبيه


- متعصب ليه انتي كنتي عارفه وادتيه الرقم بتستغفليني يا هانم انا عايزك تفهمي انتي ليا وبس وعزة جلال الله لو شوفتك بتتعاملي معاه تاني لهتشوفي مني جه حاجه تصدمك انتي فاهمه 


خرج زين وسابها بتعيط ومصدومه وحاسه انها متعرفوش مش مصدقه ان اللي كان قدامها دلوقتي هو زين ووووووووو


# ضحي ابراهيم 


انتظرواا الجديد وادعموني لو شايفنها تستاهل مش هاعرف اعمل منشن عشان انا مشغوله جداااا سامحوني لو تكرمتوا واحده قمرايه تعمل منشن للبنات في البارت اللاي فات للجديد

شاهد👈  (الحلقه الحاديه عشر)

تعليقات
تعليقان (2)
إرسال تعليق
  • Unknown
    Unknown 27 ديسمبر 2021 في 6:31 م

    جميله جدا جدا جدا جدا جدا جدا جدا

    إرسال ردحذف
    • Unknown
      Unknown 28 ديسمبر 2021 في 2:49 ص

      تحفة كملي

      إرسال ردحذف



      وضع القراءة :
      حجم الخط
      +
      16
      -
      تباعد السطور
      +
      2
      -