رواية شئ من الماضي احببت مجنونه الجزء الثاني الفصل السابع والعشرون 27 بقلم نجمه براقه

أخر الاخبار

رواية شئ من الماضي احببت مجنونه الجزء الثاني الفصل السابع والعشرون 27 بقلم نجمه براقه

 رواية شئ من الماضي احببت مجنونه الجزء الثاني الفصل 27

رواية شئ من الماضي احببت مجنونه الجزء الثاني الفصل السابع والعشرون 27 بقلم نجمه براقه

رواية شئ من الماضي احببت مجنونه الجزء الثاني الفصل السابع والعشرون 27 





 حد غيرها، انا عمري ما سبتها عشان تعمل كده يا صبا مررريم اخلصي انامبحبش حد يطنشني، طيب قومي وانا هجبلك سكتش رسم كبير
صبا تسحبها منه وببكاء_ انور خلاص سيبها 
انور يسيبها ويقعد جمبها يبكي بحر.قه

شيء من الماضي (احببت مجنونة 2)p27

تاني يوم في بيت هشام 

رودينا _ جودي كل ده نوم انتي يابت،  ... تحط ايدها علي انفها،، بتتنفس امال ايه النوم دا مش عادتها..  خلاص اتخمـ.ـدي 
****
ياسمين _ ايه يارودينا لسه مصحتش 
رودينا _ لا بس هي عايشه يعني 
ياسمين _ خلاص سيبيها يمكن تعبانه بس غريبه دي نايمة من قبل العصر تقريباً 
ملك_ متقلقوش طالما كويسه خليها تنام... 
بتيجي مي 
ياسمين_ تعالى حبيبتي اتفضلي 
مي _ يزيد فضلك، عاملين ايه 
ياسمين_ تمام الحمدلله وانتي ومراد عامل ايه دلوقتي
مي _ كويس الحمدلله، امال فين جودي 
ياسمين_ من ساعة ما جت من عندكم دخلت نامت ولسه مصحتش 
مي _ يانهار ابيض لدلوقتي طيب شوفتوها يمكن يكون حصلها حآجه
رودينا_ انا شفتها لقيتها عايشه الحمدلله 
ياسمين بخجل_ ونبي زعلتو منها لما رفضت مراد 
مي بتوتر_ هي قالتلكم انها رفضته 
ياسمين_ ايوه هي قالت ل مراد جوزك، قال ايه مش شيفاه اكتر من اخ والله هيجننو.نا
مي لنفسها_ هتقول ايه بقا، الله يباركلك يا جودي جيتي علي نفسك علشان الوا'طي ابني 
ياسمين_ مالك 
مي_ مفيش حبيبتي ما تروحي يا رودينا تصحيها كفايها كده 
رودينا_ ماشي هروح اد، لق عليها ميه 
بتروح رودينا تلاقيها صحيت وبتشرب برشام وتنام تاني
رودينا_ ايه ده انتي هتنامي تاني،
•جودي تشاورلها بأيدها وتغفو في نوم عميق
رودينا تقرب من البرشام اللي كانت بتشرب منه وبحيره_ منوم؟!  علشان كده نايمه كل ده وكمان صاحيه تاخدي تانى، مالك ياجودي حصل ايه، البنت كانت مبسوطه امبارح تبتدي تفوق فيها بالميه 
جودي بدوخه شديدة_ ايه يا رودينا 
رودينا_ فهميني ايه ده بتاخدي، منوم ليه
جودي تغفا ومتردش عليها
رودينا_ نهار اسو'د عليكي يابنت بتعملي كده ليه ردي عليه.. لكن مفيش رد بتسيبها وتطلع بره 
مي _ ايه صحيت 
مي بدموع_ لا طلعت بتاخد منوم الفالحه، البت صحيت خدت منه تاني ونامت
ياسمين بقلق_ منوم؟  طيب ليه هروح اشوفها
رودينا تقعد جمبي مي _ ايه اللي حصل عندكم 
مي بارتباك_ مفيش حبيبتي محصلش حآجه
رودينا بدموع_ امال هي بتعمل كده ليه 
مي _ معرفش 
رودينا_ البنت من العصر امبارح لغيت الضهر اهو نايمه وتصحا تاخد تانى، كده في حاجه حصلت مخلياها مش عاوزه تصحا الله يخليكي فهميني 
مي _ مش عارفه يا رودينا 
رودينا_ طيب عن اذنك هشوفها فاقت ولا لا
مي لنفسها _ ياوجع قلبي عليكي كانت  مستنياه وهي فرحانه وهو كسـ.ر فرحتها 

في  بيت انور

انور قاعد في اوضته وبيقلب في صور مريم ودموعه 
على خده منشفتش من امبارح، بتدخل صبا  عليه
صبا _ انور انت مكالتش من امبارح  
انور يكمل تقليب وميردش عليها  
صبا تاخد منه الالبوم وتقفله_ كفاية  كده ادعيلها احسن 
انور يشاور علي  الألبوم وبصوت بيطلع بالعافيه_ هاتيه عاوز اشوف الصور 
صبا بدموع_ كفاية كده الله يخليك 
انور ببكاء _ صبا  هاتي الالبوم بقا هشوفها شويه وخديه 
صبا ببكاء _ انت كده بتعذ،بها 
انور يقعد علي السرير ويحط ايديه علي راسه ويبكي 
 يصعب عليها حاله وتقعد جمبه وطبطب عليه _ استهدا بالله هي راحت لمكان احسن من هنا 
انور بانفعال _ كنت روحت انا هي معملتش حآجه عشان تمو،ت 
صبا _ حرام عليك متقولش كده 
انور يمسح وشه وينام على رجلها بتعب 
وهي بدون ادراك تمشي ايدها علي شعره بحنيه 
انور يفتكر اللي  حصل  ويقوم بسرعه وبخنـ.قه_ اسف 
صبا بتوتر _ مفيش حآجه،  
انور_ معلش  عاوز أقعد لوحدي شويه 
صبا بدموع _ لا معلش مش هينفع تقعد لوحدك دلوقتي 
انور ببكاء _ امشي دلوقتي وانا هكون كويس 
صبا _ طيب انا هاخد الصور دي وفجاه الباب  بيخبط 
صبا بتروح تفتح تلاقيه رياض  
رياض _ عامل ايه دلوقتي  
صبا ببكاء _ مبطلش عياط وحزن من امبارح 
رياض _ طيب انا هروحلو،  وبيروح عنده الاوضه وبمجرد ما يشوفه بينسا نفسه ويحضنه ويبكي 
رياض بحنيه _ حبيبي اهدا كله بأيد ربنا وهي كده ارتاحت 
انور ببكاء _ مش قادر يا رياض دي بنتي اللي مربيها علي ايدي، تموت في السن دا  
رياض يحضنه ويسيبه يبكي 
صبا توقف جمب الباب تبص عليه هو وبيبكي زي الأطفال لاول مره وتحس قد ايه هو موجوع، ومتقدرش تستحمل ف تمشي وتدخل اوضتها وتفتح الصور وتبكي بحر،قه _ 

بيت مراد  

مراد بيكون قاعد علي السرير وبيقلب في صور جودي،  بتدخل عليه امه من غير استأذان وبعصبـ.يه _ يا برودك ياخي،  
مراد_ ايه يا ماما مالك 
مي بغيـ.ظ_ عملت  كده  ليه ومين سمر دي 
مراد_ خطيبتي يا ماما ايه مش  عجباكي 
مي_ طيب وجودي مش  هي دي اللي اتخا.نقت مع  ابوها عشان تجوزها 
مراد _ كان زمان بقا، دلوقتي انا خاطب وبحب خطيبتي
مي _ انت جبت الند.اله دي منين 
مراد بزهق_ يووه اعمل ايه انا يعني ابوس علي ر.جلهم واقولهم ونبي جوزوهاني _ مش  هي دي اللي رفضتني قدامهم واتخطبت من غير  ما اعرف،  مروحتيش قولتي ليه عليها ند.له
مي_ ايوه بس هما كانو وافقو ومستنينك علشان نقولك والبنت جت مظبطه نفسها وعلى سنجة عشره وفي الاخر تعمل كده 
مراد _ هما مين دول اللي وافقو ومين كلمهم اصلا 
مي بغيـ.ظ_ ابوك يا فالح 
مراد بشرود_ الله يسامحكم بجد طيب ماقولتلوش ليه 
مي_ نقولك فين اذا كنت قافل تليفونك ومنعرفش عنك حآجه 
مراد _ يعني هي كانت جايه تستقبلنا على اساس خطيبها وكده 
مي _ ايوه يا فالح،  البت ياعيني نفسيتها اد.مرت ومن ساعة ما مشيت  من هنا هي ونايمه بالمنوم وصحيت دلوقتي وخدت تاني ويعالم ممكن تعمل في نفسها ايه تاني بسببك 
مراد بخنـ.قه_ ماما سيبني دلوقتي 
مي _ عاوز تريح اعصابك طبعاً منزعجش الاستاذ 
مراد _ ماما سيبني لوحدي الله يخليكي  
مي_ سيباك اهو،  براحتك  خالص وبتمشي وتسيبه 

مراد بحيره_ الظاهر انك عكيت الدنيا اعمل ايه طيب...  بيفتح الفيسبوك ويبعتلها رساله بس بتكون قافله بقالها كتير،  ف بيبعت ل رودينا 
مراد _ رودينا ردي... بيستنا شويه وبعدين بتوصله رساله 
رودينا_ نعم 
مراد_ فين جودي 
رودينا_ نايمه 
مراد _ صحيها 
رودينا_البنت نايمه بمنوم والله حاسه انك انت السبب 
مراد بانفعال_ وانتو مخلين جمبها المنوم ليه كله اهمال اهمال عاجبكم كده والله ما يحصلها حآجه لا او.ديكم في دا.هيه
رودينا_ انا اللي هبعتك لر.بنا لو طلعت انت السبب البت مصحتش من امبارح ولما فاقت دقيقة خدت منوم ونامت تاني منك لله
مراد بخنـ.قه _ مش وقته اتصرفي لازم تصحا وتكلمني 
رودينا _ خد.مين اهلـ.ك احنا بقولك نايمة بنووووم يعني غصـ.ب عنها نايمه ومش هتصحا غير لما المفعول يروح وحلني بقا لبكره 
مراد _ طيب الله يخليكي لما تصحا في اي وقت كلميني 
رودينا _ طيب 

مراد بيقفل معاه ويفضل يأنب نفسه _ طيب كنت استنا اشويه علشان تفهم دلوقتى مستحيل ابوها يوافق تاني ماهو اكيد عرف بالي حصل،  يارب بقا مش وقت كسـ.ر رجلي أبداً اشوفها ازاي انا دلوقتي 

في شركة مراد 
بيدخل ياسين وهو في أبها حالته وبيسأل موظف علي مكتب سليم، ويجي يروحلو ف يلاقي زينه في وشه
زينه بمياعه _ كنت عارفه انك مش هتقدر تبعد كتير 
مراد يبصلها من تحت الفوق با.ستحقار ويمشي ويسيبها 

سليم _ اتفضل حضرتك 
ياسين بإبتسامة _ متشكر يافندم،  اعرفك بنفسي انا ياسين عز الدين صاحب شركة Y•A•G يمكن تسمع عنها  
سليم _ أكيد،  اهلا وسهلا تشرفنا تشرب ايه 
ياسين _ ممكن قهوه 
سليم بيطلب القهوه _ أؤمور 
ياسين _ امم بصراحه انا جاي اطلب ايد بنت حضرتك 
سليم باستغراب _ جني بنتي وانت تعرفها منين 
ياسين _ شفتها كام مره انا ومعدي من هنا وسالت عليكم سمعت انكم ناس كويسين ويشرفني اني اناسب حضرتك 
سليم _ طيب انا بنتي لسه بتدرس مش هينفع تجوز دلوقتي 
ياسين _ استناها حضرتك انا شاري واي حآجه هتطلبوها انا موافق 
سليم بإبتسامة _ مش حكاية طلبات بس يعنى مكناش عاملين حسابنا انها ممكن تجوز او تتخطب دلوقتى 
ياسين _يافندم اوعدك ان الخطوبه مش هتأثر علي دراستها وانا مستعد اجبلها مدرسين في كل التخصصات 
سليم بأستغراب _ كل ده علشان شفتها صدفه ولا في حآجه تانيه انا معرفهاش 
ياسين بارتباك _  انا معرفهاش شخصيا بس سألت عليكم لقيت ونعمه النسب
سليم يقوم من مكانه ويلف في المكان وفي تلك الاثناء ياسين يلتقط سيلفي سريع من غير ما سليم ياخد باله
سليم _ طيب يابني انا هشوف رايها ونسال عليك وبعدين هيوصلك رأينا
ياسين بإبتسامة _ متشكر اوي يافندم استأذن حضرتك 
سليم _ والقهوه 
ياسين_ ان شاءلله نشربها شربات 
سليم _ ههههه بإذن الله تشرفت بحضرتك 
ياسين _ متشكر مع السلامه وبيمشي 
سليم _ مالو ده كانه بيعمل صفقه مش بيطلب ايد حد

ياسين عند العربيه بيبعت الصورة لجني 
جني تفتح الصوره تلاقيه هو وابوها في المكتب بذهول _  انت كنت بتعمل ايه عند بابا يا متخـ.لف 
ياسين _ كنت بطلب ايدك 
جني بارتباك _ لا طبعا مش موافقه 
ياسين _ قولتلك مش بمزاجك انتي لو موفقتيش انا هخطـ.فك وهتجوز بلعا.فيه
جني _ اللي تقدر تعملو اعملو بس انا هقول لبابا مش موافقه وبتقفل الداتا وتسيبه
ياسين _ كده طييب وبيركب عربيه وهو ناوي علي حاجه 

بيت هشام 

هشام_ يعني ايه تاخد منوم وتنام لغيت دلوقتي، مال البنت يا ياسمين
ياسمين_ معرفش يا هشام
هشام_ اكيد هو السبب في حآجه بنتك مخبياها علينا ولازم اعرفها، بيروح عندها الاوضه
ياسمين تروح وراه _ هشام استنا البت مش هتحس بيك 
هشام_ استني انتي... جووودي قومي انتي يابنت 
جودي بتقوم بالعافية وهي دايخه ومش قادره تفتح عنيها 
هشام_ اعملي قهوه يا ياسمين 
ياسمين_ حاضر 
هشام يسندها في حضنه _ في ايه 
جودي بدوخه _ مفيش انا عاوزه انام بس
هشام يهزها_ فووقي متناميش تاني، جودي انتي سمعاني 
جودي بدوخه_ ايوة يا بابا 
هشام يسندها _ تعالي علشان تغسلي وشك لازم تفوقي، بياخدها الحمام ويغر.قها بالميه تحت الدش 
جودي تشهق من شدة الميه اللي اد.لقت عليها فجأه _ خلاص خلاص فوقت اهو..  بابا كفاية 
هشام يقفل الدش ويلف عليها فوطه كبيره _ تعالي.  وبيرجعها تانى  الاوضه وهي تقعد قدامه وهي دايخه شيء ما 
هشام _ ياااسمين فين القهوه 
ياسمين _ حاضر،  جبتها اهي خدي حبيبتي 
جودي  تاخد  منها  وتبتدي تشرب 
هشام _ في ايه 
جودي _ في  ايه 
هشام _ ليه خدتي المنوم ايه اللي حصل فهميني 
جودي _ كنت تعبانه وعاوزه انام بس  مقدرتش ف خدته 
هشام _ والي عاوز ينام ياخد مرتين المفروض اصدق انا كده،  انتي  حالتك مش  عجباني وتصرفاتك غريبه 
جودي  بتنهيده_ مفيش  حآجه  يا بابا 
هشام _ فوقي طيب وكلميني عدل قولي  مالك  احسن  ما اعرف لوحدي  
جودي بتعب_ هيكون  في ايه يعني  
هشام _ الله اعلم انا بسالك  اهو،  طيب انتي ليه رفضتي مراد برغم انك طيرتي من الفرحة  لما  انا  وافقت 
جودي _ مش هقدر اتجوز اخويا يا بابا
هشام بضيقة صبر _ جودي كلميني دوغري متخلنيش ازعل  منك انتي مشا،كلك زادت ومبقتش فاهمك 
جودي ببكاء _ عاوزني اقولك  ايه يعني  ماهو  مفيش  حآجه  اقولها
هشام _  براحتك،  بس  المره دي بجد يا جودي لو سمعت  بس  انك اتكلمتي مع  مراد او لمحتيه بس  والله ما هتكو.ني بنتي  ولا  هعرفك واضح؟!  
جودي ببكاء _ من غير ما تقول انا من نفسي  مش  هشوفه ولا  اكلمه متقلقش يا بابا
هشام يقوم من جمبها _ هنشوف وبيمشي ويسيبها 
ياسمين تقعد جمبها وتحضنها _ مالك ياحبيبتي قوليلي انا امك محدش  هيحس بيكي  قدي 
جودي ببكاء _ مفيش يا ماما  انا كويسه  الحمدلله بس عاوزه  اريح حاسه  راسي تقيله 
ياسمين بقلة حيله_ ماشي  حبيبتي ربنا يريح بالك وبتمشي  وتسيبها وجودي بتنام على السرير وتحط ايدها  على  خدها بصمت لغيت ما بتسمع صوت مراد تقوم مفزو.عه ف تلاقي  رودينا  حاطه التليفون  على  ودنها،  تبصلها هي  وساكته وتسمع مراد بيقول ايه 
مراد_ جودي انتي سمعاني....  رد عليا  طيب  ،  صدقيني  مكنتش  اعرف  اللي  حصل انا  اسف بجد  
لكن  مبيلقيش رد وهي بتاخد التليفون وتقفل الخط 
جودي بغضـ.ب _ ايه اللي عملتيه ده
رودينا_ انا مالي هو اللي قالي اعمل كده
جودي بتحذير_ طيب متتكررش تاني علشان هنزعل بجد
رودينا_ الله وانا مالي انتو حرين 
جودي ترجع تنام تانى وتشرد بتفكيرها_ هي الحكاية من الأول مش راضيه تتعدل معانا عمالين نلعب قط وفار، انا خلاص مبقتش عاوزاه وهبطل افكر فيه، وتداري وشها وتبكي 

في بيت سليم  
بيوصل اتصال  لجني من رقم جمال 
جني _ ايوه ياعم  جمال  
جمال _ الحقيني ياست جني الواد ياسين  وقع ومش طالع عليه  غير هاتولي ابله جني عاوزها وشكله هيودع 
جني بخضه_ ياحبيبي،  جايه فورا سلام  ،  تطلع بهدومها اللي عباره عن تيشرت وبنطلون  بتوع يوسف  اخوها،  وتركب العربيه  وتمشي بسرعه  
بعد  وقت بتوصل جني لمكان  جمال  وتطلع من العربيه تلاقي  الاطفال ملمومين حولين المحل،  بتروح  بسرعه  عشان  تشوف  ياسين  الصغير ف تلاقي ياسين  الكبير  نايم  ومغمض عنيه 
جنى بذهول _ انت تقصد ياسين  مين 
جمال _ ده حضرتك  
جني بغيظ تمسكه من قميصه _ عامل فيها  ميـ.ـت قووم 
ياسين يفتح  عين واحده وبتعب مصتنع _ ايه ده انا موت ودخلت الجنه ودي حور العين صح ياعم جمال 
جني بانفعال _ وانت هتشوف جنه دا انت علي جهـ.ـم حد.ف
ياسين بإبتسامة _ انا  شوفتك بنسبالي جنه 
جني  تبتدي تميل _ يا سلام 
ياسين بإبتسامة _ مش مصدقاني 
جني بغضب مفتعل_ لا مش مصدقه 
ياسين _ طيب وحيات حبك الي  مالي قلبي  من ساعة  ما شوفتك ان شوفتك جنه يا جني  
جني بإبتسامة _ بردو كداب 
جمال _احم تشربو حآجه  
جني بخجل تبص بعنيها علي  العيال تلاقيهم بيبصو ومبتسمين بشكل مبالغ فيه وترجع  تبص لياسين_ قوم يخر، بيتك 
ياسين يقوم وهو  بيضحك_ ههههه خلاص يا عيال متشكر  علي  المساعدة،  عم جمال  خد دول واديلهم اي حآجه  يطلبوها 
جني تمشي  قدامه  بخجل 
الاطفال بصوت واحد _ مع سلامه  عمو جوز جني 
ياسين_ ههههه حبايبي عاش يا رجاله قولوها تاني كده 
الاطفال_ مع السلامه عمو جوز جني 
ياسين_ ههههه شفتي العيال بيحسو مش زيك يا جبـ.له
جني _ اخرس خالص عاجبك كده ياوش المصا'يب 
ياسين _ اعملك  ايه انتي  اللي  دماغك نا.شفه 
جني _ تقوم تفضـ.حنا كده  قدام  الناس  
ياسين _ تعالي  بس  جوه العربيه  عشان نعرف نتكلم
جني _ اهو  عاوز  ايه اخلص 
ياسين _ عاوزك  انتي 
جني_ وانا اصدقك ولا اديلك امان ازاي  بعد  اللي عرفته 
ياسين _ قولتلك اني  حبيتك ولغيت الفكره  من دماغي  وعاوز اتجوزك بجد 
جني _ يا سلام  المفروض اصدق انا  كده  انك مش  عاوز  حآجه  مني 
ياسين _ لا طبعا  عاوز وبنظره رومانسيه عاوز كتير وعلشان كده  هتجوزك 
جني بشهقه_ يا و.سخ 
ياسين _ ههههه انتي فهمتي ايه يابنتي لا لا انتي  شكلك  مش  طبيعيّة ودماغك بتلف كتير 
جني _ دا انا بردو 
ياسين _ ايوه  انتي،  عشان  انا  اقصد اني عاوز حد يجهزلي الاكل  ويلعبلي في شعري انا ونايم
جني تحاول تداري ضحكتها_ طيب انا عاوزه امشي 
ياسين _ مش قبل ما توافقي
جني _ خلاص سيبني افكر وخلي بابا يقولك الرد 
ياسين _ وليه مش انتي اللي تقولي دلوقتى 
جني _ قولتلك هفكر 
ياسين _ طيب بس اوعي ترفضي 
جني _ ولو رفضت 
ياسين _ والله  ما بكد.ب انا فعلا هخطـ.ـفك وهتكوني ليه غصـ.ب عنك 
جني بإبتسامة _ ماشي خلاص هفكر وارد عليك 
ياسين _ هستناكي قدامك ساعتين 
جني _ ساعتين ايه؟! بعد  اسبوع  ان شاءلله 
ياسين _ اسبوع كتير اوي خلاص  بلاش  ساعتين  خليها بكره 
جني بإبتسامة _ موافقه 
ياسين _ يعني  موافقه  هتقوليلي رايك بكره 
جني _ لا موافقه اتجوزك 
ياسين  بفرحه يقرب منها  ويصر.خ في وشها
جني بفزع _ يخر،بيتك في  ايه 
ياسين بفرحه وارتباك_ قولي  تانى  كده موافقه  ايه 
جني _ ههههه موافقه اتجوزك بس متصر.خش في وشي تاني 
ياسين_ انا لما مبعرفش اعبر بصر.خ كده، بس المهم انك وافقتي ومفيش كلام تانى 
جني_ ايوه ده اخر كلام 
ياسين يريح راسه على الكرسي، اخيرا دااا انتي يا شيخه
جني بخجل_ انا بحبك 
ياسين يفتح عنيه للاخر_ قولتي ايه
جني_ احم مقولتش حآجه
ياسين_ قووولتي اناسامعك، قوليها تاني
جني_ ههههه لا امشى بقا 

بعد اسبوع في بيت مراد 

مصطفى_ حمدالله على السلامه
مراد_ الله يسلمك يادرش اخيره كنت حاسس قالب طوب في رجلي 
مي _ المهم تخلي بالك بلاش لعب عيال
مراد_ في ايه يا ميمو مش قبلاني ليه، دا ابنك وحيدك 
مي_ ما تكمل وتقول انك مطلع عيـ.ني
مصطفى _ اهدي يا مي مضا.يقه ليه
مي_ عشان  ابنك مستهتر 
مراد _ ايييي طيب انا عملت ايه ما انا بقالي اسبوع  را.قد جمبك
مي_ على  البنت اللي هتمو.ت بسببك حرام  عليك  انت مشفتش شكلها  عامل  ازاي 
مراد  بحيره_ طيب  اعمل  ايه انا  دلوقتي 
مصطفى بهمس _ اخطـ.فها 
مي_ يالهوووي الواد وابوه مالك  يا مراد ده مش  ابنك دا اللي  عاوزة  يعملنا مصيـ.به 
مراد _ ههههه صح انت ابويا  ازاي  في اب يقول  كده  لابنه،  لا طبعا  مستحيل اعمل  كده  متقلقيش  يا ميمو ابنك لسه  بعقله 

بيت  هشام  

جودي قاعده  في  اوضتها مسهمه 
رودينا _ يابنتي  قومي فرفشي او روحي  خدي دوش بلاش شغل الارامل ده
جودي تسمعها ومتردش عليها  
رودينا بمحايله_ حبيبتي  علشان  خاطري قومي وعيشي حياتك،  يلا انا  هدخلك الحمام  تستحمي 
جودي بتنهيده _ انا  هقوم لوحدي،  
رودينا _ شاطره  انا هجبلك غيار تلبسيه،  
بتدخل  جودي الحمام  وتستحمي وبعدين  رودينا  بتديها لبس حلو بالون الازرق السماوي وبعدين  بتطلع وتقفل الباب  من بره،  بعد  شويه جودي بتطلع وتسرح شعرها وترجع  تنام علي السرير وتغمض عينيها  بتعب،  وفجاه  تحس  بنفس  جمبها  وايد بتمشي علي شعرها بحنيه ودفا،  تقوم مفزوعه تلاقيه  مراد،  فضلت بصالو وهي مش مصدقه عنيها،  وهو  يبادلها النظرات المفعمه بالحب والشوق ثم يضع يده على  وجهها برومانسيه
جودي بارتباك _ جيت ليه  
مراد بإبتسامة وتأمل في ملامح وجهها الحزينه الباهته _ وحشتيني اووي 
جودي بارتباك  شديد _ امشي  من هنا  ولسه  هتعلي صوتها وهو يحط ايدو  علي  فمها لتنظر الي عينيه 
مراد بحب_ بحبك اوي يا جودي ومش  هقدر  اعيش من غيرك،  
جودي  تحاول  تشيل ايده  بس  متقدرش 
مراد _ هتيجي  معايا احنا  هنهرب سوا





جاري كتابه الفصل الجديد للروايه حصريه مدونه دار الروايه المصريه اترك تعليق ليصلك كل جديد وحصري 

 ملحوظة اكتب في جوجل. " رواية( شي من الماضي احببت مجنونه الجزء الثاني ) دار الرواية المصرية  " لكي يظهر لك الفصل كاملا
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -