رواية يونس الفصل الاول 1
حبيبه:يا استاذ ..يا استاذ دي............
شدتيتها وحطيت ايدي على بوقها :هشششششش متطلعيش صوت ارجوكي
هزيت براسها انها مش هتعمل صوت
همست:اطلعي بطرف عينك كده شوفي مين جاى ؟
حبيبه :انت مستخبي من حد ؟
يونس:اه
ضحكت :وفي حد يستخبى هنا؟ تعالى معايا هخبيك
يونس :لا خليني هنا احسن
حبيبه:متخافش على ضمنتي
"خدتني وخبتني في منور والمكان كان ضلمه هادي لحد ما خبطت في حاجه وعملت صوت عالي و وقعت "
حبيبه:تعالى نخرج
يونس:هيقفشوني
حبيبه:تعالى ورايا متخافش شغل كشاف موبيلك لو معاك بس
"خدت طاسه قديمه من على الارض وخرجت براحه"
يونس :خلاص اتقفشنا في واحد جه
حبيبه:طب بص دي
وقفت ورا الحيطه وانا واقف مكاني واول ما قرب عشان يأذيني خبطته بالطاسه فوقع على الارض "
يونس :يا نهار ابيض
حبيبه:هشششششش وطي صوتك عشان محدش يسمعنا فاهم؟
يونس :حاضر
"بدأنا نمشي وانا مديت شويه لأني مش بحب امشي ورا حد وفجأه حد مسكني من ايدي وضربني وفي لحظه لقيتها خرجت طرحه من كُم الهدوم ولفتها على رقبتو جامد فاتخنق واغمى عليه"
يونس:يا بنت اللعيبه عملتيها ازاى
حبيبه:متعوده .يلا تعالى ورايا
"خدتوا ودخلتوا في محل قديم"
يونس :متأكده ان المكان هنا امان؟
حبيبه:اه متقلقش .ده محل بابا الله يرحمه من ساعة ما هو مات وهو مقفول
يونس:شكراً بجد انا مش عارف من غيرك كنت هعمل اى
حبيبه:هما مين دول اصلاً؟
يونس :لازم تعرفي؟
حبيبه:اكيد. مش دلوقتي انت في حاجه ملكي يعني لو عملت حاجه هروح في داهيه معاك
يونس :دول ولاد عمي. عايزين يقتلوني ومتجوزش عشان الشركات تبقى بتاعتهم
حبيبه:انا كنت حاسه برضو
يونس :انتِ مليانه احساس
حبيبه:مش معنى اني ساعدتك تاخد عليا وتهزر معايا فاهم ؟
يونس :انتِ قلبتي كده ليه؟ على العموم حاضر
حبيبه:اه صح خد محفظتك دي الخلتك لسه عايش لدلوقتي على فكره
يونس :ليه ؟
حبيبه:عشان انا جيت اديهالك لما وقعت منك وقتها ساعدتك ف لولا ان هى وقعت منك مكنتش هاجي اديهالك واساعدك
يونس :بس انتِ مساعدتينيش
حبيبه:نعم؟ تصدق اني غلطانه كان زمانهم بيشوحوا ودنك بشوية بصل
غير كده .خليك بقا كده انا هسيبك هنا لبكره بس ؛طلاما انا مسعدتكش
يونس :هديكي فلوس ايجار
حبيبه:براحتك كده كده الفلوس مسيرها تخلص
يونس :هبقى اشوف وقتها بقا
حبيبه:يكش فار ياكل لسانك ده
يونس:هو في هنا فيران ؟
حبيبه:مش كتير يعني هما تلاته او اربعه
مسك ايدي:انا مش عايز اقعد هنا
شديت ايدي :براحتك في برا ولاد عمك والجو ساقعه
بصيت من تحت الباب وكملت :والدنيا كمان بتمطر
يونس :يعني مفيش حل ؟
حبيبه:تؤ تؤ الحل الوحيد تفضل هنا
يونس :ده اى المساعده النيله دي
خدت الطاسه والطرحه وكرتونه عشان احطها فوقي عشان تمنع عني المطر:انا همشي عشان معملش فيك زي البرا دول
"مشيت وانا حاولت انام واتغلب على خوفي من الفران لحد ما نمت وصحيت على فار على وشي "
زعقت وانا عيني مدمعه :ابعد عني
ضحكت:انت هتعيط ولا اى ده لعبه !! بعدين في فار هتقولو ابعد عني هيفهمك !!
يونس :هو ده هزار يعني
حبيبه:ما انت مش راضي تصحى
يونس:وانتِ مالك اصحى ولا انام
حبيبه:تصدق اني غلطانه. كنت جايبالك فطار قبل ما امشي على الجامعه
يونس :ده انا كنت هموت من الجوع
حبيبه:اى خدمه .عد الجمايل
يونس :جمايل اى انتِ عملتيلي اى اصلاً؟
اتعصبت وعضيتني
يونس:اهههههههه يخربيتك دي جابت دم
ابتسمت بسماجه:محدش قالك تعصبني . يلا سلام عشان اتأخرت
مشيت ورجعت خطوتين بضهرها :ابقى حط مايه عليها
"مشيت وانا فضلت قاعد ومن الزهق قومت اقلب في الكراتين .لقيت لعب ولبس اطفال وصور لبنت مع باباها و وانا بتفرج حبيبه دخلت "
حبيبه:انت بتعمل اى ؟
يونس:تعالي بصي لقيت اى
بصيت :يااااااا دي حاجتي وانا صغيره . ياريت الواحد يرجع طفل والله
يونس :دي صورتك ؟
حبيبه:اه يومها كنت بحكي لبابا عن احلامي لما اكبر وانا لسه متمتش ١٥ سنه
يونس:احلامك اتغيرت طبعاً
ابتسمت:لا .ولو رجع بيا الزمن هتمنى نفس الأحلام
يونس:واى هما بقا
حبيبه:كل يوم هكتب ورقه فيها حلم وانا بديك الفطار . في الاول هبدأ بالاحلام المش مهمه اوي لحد ما اوصل لأهم حلم
يونس:تمام انا موافق
حبيبه:معلش بقا انا انهارده ملحقتش اعمل غدا عشان اتأخرت في الكليه بس جبتلك كشري
يونس:كشري !!
حبيبه:اى مبتحبوش؟؟
يونس:دي اكله شعبيه جداً
حبيبه :ومالو الاكل الشعبي ؟ هتاكل ولا لا
يونس :لا شكراً
حبيبه:براحتك انا هاكل
يونس:بالهنا والشفا
اكلت :طعمو حلو تدوق !
يونس :لو هموت مش هاكلو
حبيبه:خلاص براحتك
"خلصت اكل وخرجت وانا جوعت جامد فقومت اكلت.
طعمو مكانش وحش زى ما صحابي بيقولوا .
خلصت اكل وكملت تقليب في الكراتين لحد ما نمت "
حبيبه:يونس اصحى يلا
يونس:نعم عايزه اى ؟
حبيبه:خُد الفطار
يونس:سيبيه وانا لما اصحى هاكل
حبيبه:ماشي هسيبو بس مش هسيب ورقة الحلم
قام :خلاص صحيت
حبيبه :ايوا كده . يلا انا رايحه الجامعه
يونس:ربنا معاكي
"خرج ورجعت متأخره زى اليوم القبلوا "
حبيبه:جبتلك المره دي شاورما عشان متقوليش شعبي ومش شعبي
ضحكت:كتر خيرك
حبيبه:بس معلش بقا جبتلك فطار بكره من دلوقتي عشان همشي بدري اوي .ده انا حتى مش هلحق اروي الزرع اصبح فهروح اروي دلوقتي
يونس:بس الجو اتأخر !
حبيبه:متقلقش معايا طرحه وطاسه
يونس :وانا مش هسيبك تروحي بليل كده
حبيبه:يا عم انا متعوده .بعدين انت مالك اصلاً اروح ولا مروحش!!
يونس:طب هاجي معاكي
حبيبه:ولو اتقفشت بقا
يونس :لا متخافيش بيناموا بدري
حبيبه:براحتك هيشوحوا ودانك مع بصل
يونس:وداني انا يبقى اعمل الانا عايزو
حبيبه:براحتك
"روحنا مع بعض بالطاسه والطرحه وبدأت اروي وانا خايفه وفجأه حسيت بحد جاى ورايا افتكرتو ابن عم يونس بس طلع ابن عمي انا "
مسكت في يونس وانا بستخبى وراه:متسبنيش
ابن عمي قرب مني:........
شاهد👈الفصل الثاني
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا