القائمة الرئيسية

الصفحات

رواية حياة الفهد الفصل الثاني والعشرون 22 بقلم الكاتبة المجهولة

رواية حياة الفهد الفصل الثاني والعشرون 22

  رواية حياة الفهد الفصل الثاني والعشرون 22 


سالم بجدية : هنسافر القاهرة بكرة

محمود : ليه ياخوي

سالم بسخرية : عشان في ناس غلطت ولازمن تصلح غلطها..... هنروح نرجع زهرة بيتها

هشام : انا اصلا عندي شغل هناك وهسافر اخلصه وهاخد آية معايا دا بعد اذنك طبعا

محمود : طب واحنا هنروح ليه يااخوي +

سالم : العيلة كلاتها هتسافر مع بعض انتوا مينفعش تفضلوا اهنيه لحالكم
زهرة لازم ترجع هيا وبتها ده بيتها قبل مايكون بيتي ولو مرجعتش اني مهخطيش البيت ده واصل مش هسيبها في البندر لحالها واكرر الغلطة تاني واسيب اللي يسوي واللي مسيواش يستقوي عليها

محمود : عندك حق ياخوي أن مكانش أخواتها اللي يسندوها مين يسندها اني معاك وان شاء الله هنرجعها تعيش وسطينا

سالم : جهزوا حالكم هنمشي بعد صلاة الفجر

هزوا رأسهم بالموافقة وانصرفوا برا الأوضة كلهم ماعدا جميلة
بصتله بعيون دامعة وندم ومسكت ايده : سالم سامحني ياخوي اني اسفة عارفة انك شايل مني ومهطقنيش واصل بس... بس هعتزر من زهرة وهنرجعها معنا... متعملش فيا أكده عشان خاطري.... انت مقولتش انك سامحتني!

سالم بهدؤ وضيق : غصب عني ياجميلة كل ما افتكر كلام زهرة ونظرة العتاب اللي في عينيها وأني خونت ثقتها فيا بتعذب.... مقادرش انسي كلامها كأنها بتقولي هيا دي الأمانة اللي ابوك أمنك عليها ياخسارة ياسالم

جميلة : والله العظيم ماكنت اقصد حاجة اني كنت خايفة على فهد ومعرفاش قولت أكده كيف بس والله اني بحبها وبحب حياة... وعمري ماقصدت اصغرك قدام حد اني اسفة

سالم : خلاص ياجميلة اللي حصل حصل المهم انها ترضى ترجع معانا

جميلة : ان شاء الله هترضي

..... في الحفلة.....
الوزير نزل من عربيته وحواليه حراسه كبيرة دخل الحفلة بكل هيبة.. كانت العساكر واقفين في صفوف منتظمة رافعين ايدهم بيأدوا التحية العسكرية ورجال الشرطة والظباط كمان واقفين بشكل منظم
وسيف واقف في استقباله ومعاه مجموعة من اكفئ الظباط

الوزير وقف قدام سيف وهو ادي التحية باحترام
الوزير سلم عليه برسمية : مبروك يابطل.. كنت قد المهمة ورفعت راسنا كلنا

سيف بابتسامة : الله يبارك في معاليك يافندم

الوزير : انا فخور بيك ياسيادة المقدم انت حققت نجاح كبير يافخر الصعيد

سيف بسعادة : والله الفخر ليا يافندم اني واقف قدام حضرتك دلوقتي

الوزير اتحرك وقعد على طاولة خاصة بيه والصحافة اتجمعوا عنده وسيف راح وقف عند فهد وحياة وياسمين

تستمر القصة أدناه




بدأ التكريم والوزير وقف على المنصة والمقدمة اتكلمت ورحبت بالموجودين
المقدمة : المقدم سيف الرفاعي
سيف طلع على المنصة بكل فخر ووقف قدام الوزير بابتسامة فخر

الوزير مسك المايك : احم.... اولا حابب أرحب بالموجودين وشكرا على حضوركم الحفل... ثانيا حابب اشكر المقدم سيف علي الانجاز العظيم دا... انت خلصت البلد من أكبر عصابة لتجارة الأعضاء... تستحق كل التقدير والاحترام

فهد بهمس لحياة بسخرية : عشت وشوفت سيف ليه انجازات وبيتكرم

حياة نغزته في كتفه : بطل تريقة دا حتي جوز اختك... دا قمر

فهد اتعصب وجز على سنانه ومسك معصمها جامد : مين دا اللي قمر ياروح امك

حياة بتوتر : هاااه... ممم محدش محدش

فهد بنفاذ صبر : احنا وسط الناس ياحياة متخلنيش اتغابي... مين اللي قمر؟!

حياة بسرعة : انن.... انت ياحبيبي هو في اقمر منك دا انت المجموعة الشمسية كلها

ضحك بخفوت ومبينش ضحكته : امممم ماشي

حياة اتنهدت : طب ايدي بتوجعني

اخيرا انتبه لايدها رفعها ليه بسرعة : انا اسف.. اسف مكنش قصدي

حياة بابتسامة : عادي حصل خير

فهد مسك ايدها برفق وباسها : حقك عليا

حياة ابتسمت وحضنته
حياة : بحبك

فهد بابتسامة : وانا بعشقك

الوزير سلم سيف الدرع وشهادة التقدير وحطله الشارة على البدلة بتاعته كعلامة انه اترقى
سيف بسعادة : شكرا... شكرا جدا لحضرتك يافندم وان شاء الله اكون عند حسن ظن معاليك

الوزير : مبارك يافخر الصعيد

سيف : الله يبارك فيك يافندم.... حابب اقول كلمة بالمناسبة دي حابب اشكر والدي الحاج سعد ووالدتي هما ناس بسيطة وعلى قد حالهم بس ربوا ابنهم وعلموه وانا دلوقتي هنا بفضل ربنا وبفضلكوا شكرا جدا

....... في الصعيد....
سعد وصبحك كانوا بيسمعوا الاخبار وبيتفرجوا على الحفلة وعيونهم بتدمع من الفرحة
سعد : والله وعرفت اربي ربنا يبارك فيك ياولدي

صبحة بدموع : ربنا يحميك ياحبيبي ويخليك ليا ياضنايا

.... عودة للحفلة..... 
التكريم خلص وسيف نزل من على المنصة وقف جنب ياسمين اللي كانت بتعيط
سيف بقلق : بتعيطي ليه ياياسمينتي

ياسمين بابتسامة وهيا بتمسح دموعها : دي دموع الفرحة مبروك ياحبيبي

سيف حضنها : الله يبارك فيك يااحلى حاجة في حياتي

فهد : احم احم نحن هنا

سيف : الله وانت مالك ياعم ماانت عندك مراتك اهي احضنها ولا انت حر

تستمر القصة أدناه

فهد جز على سنانه : فاضلك معايا تكة ياسيف انا ماسك نفسي بالعافية حسابنا لما الحفلة تخلص

سيف : وانا عملتلك ايه ياعم انت ولا انت عايز تتخانق وخلاص

فهد : اول حاجة لما نطيت من على السور وكلمت حياة... تاني حاجة لما كلمتها وانا تعبان.. ثالت حاجة بتناديها باسمها... رابع حاجة بتعاكس اختي قدامي وبتحضنها وانا واقف

سيف بصدمة : انت مش طبيعي يالهوي ياجدع كل دا في قلبك دا انت قلبك اسود

فهد بنفاذ صبر : خليني ماسك نفسي احسن ما ابوظلك برستيجك قدام الناس

سيف : لاا وعلى ايه انا هاخد مراتي ونقعد بعيد احسن
سيف مسك ايد ياسمين وقعدوا على ترابيزة لوحدهم

فهد بص لحياة لقيها متغاظة وعاقدة ايديها قدام صدرها
باسها من خدها : حياتي زعلانة ليه

حياة بغضب وخجل : عشان انت بخيل يافهد.... ياربي يعني يوم ما اتجوز اتجوز واحد بخيل

فهد بصدمة : انا بخيل.... بخيل ليه بقا ان شاء الله

حياة : عشان انا معاك من الصبح وانت مهانش عليك تاكلني حاجة... ولا حتي سندوتش طعمية

فهد ضحك بكل صوته : ههههه بقا هو دا كل اللي مزعلك ههه

حياة : ايوا الموضوع يستحق النقاش

فهد : خلاص ياستي وانا ميهونش عليا زعلك.... استني شوية و هنروح ناكل في احلى مطعم في القاهرة.. عشان مينفعش نسيب الحفلة دلوقتي

حياة : ماشي

المزيكا اشتغلت وكل ثنائي اتجمع على ساحة الرقص
سيف : يلا نرقص

ياسمين باحراج : بس انا مبعرفش ارقص

سيف بابتسامة : مش لازم تعرفي انا هعملك

ياسمين بخوف : بس فهد

سيف : بصي على الاستيج كدا

ياسمين بصت وكان فهد ماسك ايد حياة وبيرقصوا
سيف ضحك ومد ليها ايده : يلا

....... على الاستيج ....... 
فهد همس لحياة : ازاي في كل مرة بتسحريني كدا عيونك زي البحر بتغرقني وغمازاتك القمر دي... بعشق الورد الجوري اللي في خدودك.... بحب كل حاجة فيكي... بتنفسك ياحياتي





حياة بسعادة وضحك : انا مش مصدقة اني بسمع الكلام دا ومنك انت كمان

فهد : لا صدقي ياحياتي اوعدك هعوضك عن كل لحظة وحشة عشتيها معايا

حياة : عارف يافهد انا طول عمري نفسي اتجوز واحد يبقى سندي وأماني يعلمني الصح من الغلط يمسك بأيدي ويقربني لربنا... واحد يعاملني بحنية ويخاف عليا وتقريبا كدا لقيته

فهد بضحك : تقريبا؟!... مش اكيد يعني؟

حياة بضحك : تؤ تؤ تقريبا

تستمر القصة أدناه

فهد باسها من خدها : بعشقك يامجنونة

..... عند ياسمين وسيف......
سيف : شوفتي جوزك وهو بيتكرم كنت جنتدل اوي صح

ياسمين بضحك : جنتل خالص ههه

سيف : عارفة ياياسمين انا كنت مستعد اموت في المهمة دي عشان ارتاح من اللي كنت فيه

ياسمين بسرعة : بعد الشر عليك

سيف : كنت بتعذب اوي في بعدك كرهت نفسي لما اذيتك كنت رايح المهمة وبدعي ربنا ياخدني عشان ارتاح من عذاب الضمير اللي كنت فيه... لما قلبي وقف حلمت بيكي كنتي جنبي وبتقوليلي قوم ياسيف عشان نتجوز... قولتيلي متسبنيش انا بحبك..... الحلم دا اللي اداني امل جديد اني اعيش

ياسمين بدموع : بس دا مش حلم ياسيف

سيف : ايه مش حلم يعني... يعني انتي كنتي بجد

ياسمين : اه الدكتور قال ان لازم حد يكلمه ويحاول يديه أمل انه يعيش علشان حالتك النفسية تتحسن وانا دخلت وكلمتك بس عشان ادي نفسي الأمل مش انت انا كنت حاسة اني انا اللي تعبانة مش انت متبعدش عني تاني

سيف مسح دموعها : انتي روحي مفيش حد بيبعد عن روحه..... بحبك ياياسمينتي

ياسمين بابتسامة مشرقة : وانا كمان

حياة وياسمين كانوا بيتمايلوا زي الفراشات بين ايد فهد وسيف وحركاتهم خفيفة وخطفوا الانظار

الرقصة خلصت وكل الحاضرين سقفوا وكل واحد اتجه للترابيزة بتاعته تاني

فهد مسك ايدها : يلا

حياة : فين

فهد بضيق : هنمشي انا زهقت وبعدين مش شايفة الناس عينها منك ازاي دا ناقص يطلبوا ايدك مني

حياة ضحكت بكل صوتها وغمزاتها بانت : هههههه مش قادرة هههههه

فهد بحدة : متضحكيش كدا هيبصوا اكتر

حياة وهيا بتكتم ضحكتها : خلاص.. خلاص سكت

فهد : يلا نمشي

حياة : وياسمين وسيف

فهد بتحذير : متنطقيش اسمه تاني... وكمل بهدؤ : هعرف سيف اننا ماشيين وهما هيبقوا يروحوا لما الحفلة تخلص

حياة : تمام

فهد خدها وراحوا عند ترابيزة سيف اللي كان بيتغزل بياسمين

فهد : اديني سبب واحد يخليني مش اضربك بالنار

سيف ببرود : عادي عشان انا جوز اختك

فهد : لا اقتنعت.... انا وحياة ماشيين ابقوا روحوا انتوا احنا هنروح كام مشوار كدا واحتمال نتأخر 
وكمل بتحذير : ومتلعبش بديلك ياسيف عشان لو عملت معاها اي حاجة هقتلك

سيف : ياسطااا دي مراتي افهم بقا والمصحف ماشاقطها

فهد بحدة : سييييييف

تستمر القصة أدناه

سيف : خلاص ياعم..... بقولك ياحي.... احم.. يامرات اخويا حاولوا تتأخروا على قد ماتقدروا انتي عارفة بقا عرسان جداد وكدا

حياة بضحك : حاضر..... مع اني متضايقة منك ياواطية

ياسمين : اللله وانا مالي يالمبي

حياة بغيظ : بقا كدا تتجوزي وانا مش موجودة ياحيوانة

ياسمين : اعمل ايه كل حاجة جت بسرعة وبعدين لسه هنعمل فرح ولاازم تحضري هبعتلك دعوة متقلقيش

حياة بغيظ : شوف الوليه والله لوريكي

فهد : باااس خلاص يلااا انتي كمان هنتأخر

سيف : انجوووووي يافهووودي

فهد بغيظ : اصبر عليا دا انت حسابك كبر اوي

فهد مسك ايد حياة وطلعوا من الحفلة 
ركبوا العربية وفهد ساق وكل شوية يبص على حياة اللي فرحانة والابتسامة على وشها والهوا بيداعب ملامحها ومطلعة ايديها من شباك العربية وباصة للشارع

فهد بابتسامه : وصلنا

هزت راسها بابتسامة ونزلوا من العربية ودخلوا مطعم فاخر وهادي جدا
حياة : فهد احنا جايين هنا ليه

فهد : عشان نتغدى

حياة : انت عايزنا نغسل الأطباق بعد ما ناكل ولا يطلبولنا البوليس

فهد بضحك : ليه؟!

حياة : ياسطا انت عايز تفهمني انك معاك فلوس تأكلنا في مطعم زي دا

فهد داعب خدها بمشاكسة : متجوز طفلة انا.... ايوا يابنتي معايا فلوس عادي يعني

حياة : اكيد سارقهم عايز تأكلني مال حرام يافهد

فهد ضحك بكل صوته : ههههه سارقهم ايه ياهبلة هههه انتي متعرفيش انتي متجوزة مين ولا ايه

حياة : لا ازاي دا انا انطرشت من كتر مابسمعها.... قلدته : انا فهد المنياوي... فهد الصعيد

فهد ضحك : هههههه خلاص مش قادر ههه شكلك مسخرة

حياة : ايوا يعني احنا هنفضل واقفين كدا طول اليوم يلا ياعم سولنا اي عربية كبدة ولافول انا جعانة

فهد : هههه كفاية ياحياة والله ماقادر هههه

حياة بضيق : ليه شايفني اراجوز اخلص ياعم جعانة

فهد : الله مش انتي اللي بتتكلمي كتير وموقفانا

حياة : ما أنت اللي بتقول كلام مش منطقي.... انا عارفة انك عندك شركة وكدا بس المطعم دا غالي اوي يعني انت محتاج قرض اصلا علشان تاكلني فيه

فهد بضحك : لااا دا انتي شكلك متعرفيش حاجة.... انا مش عندي شركة انا عندي مجموعة شركات ياحياتي

حياة : سلسلة شركات ازاي مش هيا شركة واحدة وبتاعت العيلة كلها وعلى حسب معلوماتي هيا صغيرة مش كبيها... اسمها شركة المنياوي

تستمر القصة أدناه




فهد : طب يلا ندخل وافهك

حياة : والله شكلك هتضحك عليا وتخلع وتسبني اشيل الليلة لوحدي

فهد : ليه ياختي متجوزة سوسن يلا يابت قدامي

حياة بضيق : طب ياعم متزوقش

دخلوا المطعم وكان مطعم فاخر ومصمم على أعلى مستوى وحياة أقسمت انها في حياتها مادخلت مطعم زيه ولاحتى شافت زيه غير في التلفزيون

قعدوا على ترابيزة مخصصه ليهم فهد كان حاجزها
شاور للجرسون وفهد طلب الاكل اللي هيا بتحبه

حياة بفضول : مش هتفهمني بقا

فهد بابتسامة : عايزة تفهمي ايه ياحياتي

حياة : كل حاجة عايزة افهم كل حاجة عنك انت مين وجبت الفلوس دي منين ومن امتا وانت غني انا حاسة اني متجوزة بات ماان

فهد ضحك : طب اهدي ايه كل الأسئلة دي وبعدين بات مان مين دا انا حياتي كتاب مفتوح.... احم بصي ياستي اولا انا فهد المنياوي غني عن التعريف طبعا

حياة بطفولة : نينينينينيني..... ادخل في الموضوع يامغرور

فهد : انا مغرور طيب مش حاكي حاجة

حياة : لا لا خلاص انا اللي مغرورة احكي يلا بالله

فهد بضيق : لاا مش حاكي ماانا مغرور هتتكلمي معايا ليه

حياة : انا اسفة

فهد لف وشه للجهه التانية وابتسم ابتسامة خافته بمكر حياة زعلت من نفسها : طب... طب اصالحك ازاي

فهد بصلها وشاور على خده
حياة في الاول مش فهمت بس بعدين فهمت قصده وشهقت بخجل : انن انت قليل الادب

فهد بسخرية : لا أنا مغرور

حياة فكرت وجه في بالها فكرة ابتسمت بمكر وراحت لعنده ومالت على خده 
فهد بألم : ااااه يابنت العضاضة

حياة جريب على الكرسي بتاعها وقعدت قصاده بتبتسم بانتصار

فهد بغيظ وصوت حاول يخليه هادي : ماشي يا حياة والله لوريكي

حياة بضحك : ههه العب غيرها يامعلم هه احسن ادي آخرة قلة الادب

فهد : انا وانتي والزمن طويل

بعد شوية الاكل أتقدم
حياة بضحك : ايه يافهودي العضة بتوجع

فهد بوعيد : ابدا ياحببتي بس حرصي على نفسك بقى هااا

حياة بفخر : ولا تعرف تعمل حاجة

فهد : هنشوف....يلا كلي

بدأو اكل في وسط مشاكساتهم لبعض 
فهد : الاكل عجبك؟!

حياة : اوووي

فهد : بالهنا على قلبك ياحياتي

حياة ابتسمت ولفت وشها للجهة التانية وشافت حاجة وفجأة قامت من مكانها فهد استغرب
فهد : رايحة فين ياحياتي

تستمر القصة أدناه

حياة وهيا ماشية : دقيقة وراجعة

طلعت برا المطعم تحت نظرات فهد المتعجبة كان هيقوم وراها بس شافها بتعمل حاجة ابتسم وقعد مكانه

........عند سيف وياسمين ....... 
الحفلة خلصت الساعة (تسعة مساء) وكل واحد راح بيته
سيف وياسمين طلعوا من الحفلة واتمشوا شوية
سيف : حابة تروحي فين ياياسمينتي؟!

ياسمين : يلا نتمشى على الكورنيش ونشتري درة

سيف : اللي تأمر بيه ياسمينتي يتنفذ

مسك ايدها ومشيوا لحد ما صلوا على الكورنيش واشتروا الدرة واتمشوا وهما بياكلوها

ياسمين بفرحة : تعرف ياسيف انا بحب النيل اوي

سيف : يابخته..... وانا بحبك انتي

ياسمين ابتسمت : انت عارف انا طول عمري بخاف لما اكبر اتجوز بالاجبار

سيف : ليه بتفكري كدا ياياسمينتي

ياسمين : عشان عندنا في البلد في عادات كتيرة مش كويسة زي مثلا التار ودي حاجة صعبة ووحشة جدا كنت بخاف في يوم ابويا يجي يقولي انتي هتتجوزي فلان من غير ماياخد رأيي صعب علي اي بنت انها تعيش مع واحد مش عارفاه متجوزاه غصب.... كنت بحسد البنات اللي هنا في المدن وبقول اكيد أهلهم مش بيجبروهم على حاجة بس طلعت غلطانة لما شوفت حياة فهمت..... مش بالبيئة ياسيف بالأشخاص وطريقة تفكيرهم وبالظروف
 ......بحمد ربنا لحد دلوقتي ان ابويا راجل متفهم مش بيمشي ورا العادات الغلط دي

سيف : معاكي حق ياياسمين في معظم العادات غلط بتدمر الناس..... المهم اننا دلوقتي مع بعض مش عايزك تخافي من حاجة وانا موجود

ياسمين : انا بحبك اوووي اوووي ياسيف

شاب كان معدي وسمعها : طب ماتحبيني انا كمان وهعملك اللي انتي عايزاه

......... قدام المطعم.........
حياة بطفولة : انتي واقفة هنا ليه ياقمر

بنت صغيرة بخوف : مفيس... مفيس انا ماسية

حياة مسكت ايدها بحنية والبنت خافت اكتر
البنت بدموع : انا مس عايزة حاجة... متضربيس مس عايزة اكل خلاث

البنت صعبت على حياة ودموعها نزلت وحضنتها : ياروحي انت جعانة؟

البنت بخوف : لا لا مس جعان

حياة مسحت على شعرها بحنية : ياحببتي قولي متخافيش
كملت بطفولة : طب تعرفي انا كمان جعانة اوي اوي

البنت ببراءة : معلس تعالي هناكل من الزبالة وخلاص عسان الناس اللي هنا وحسين بيدربوا الصغار

حياة بدموع : انتي بتاكلي من الزبالة

البنت هزت راسها ببرأه خلت قلب حياة يوجعها ودموعها زادت
حياة مسكت ايدها ومسحت علي شعرها بابتسامة : طب ايه رايك ندخل ناكل جوا في المطعم

تستمر القصة أدناه

البنت : لا لا هيدربونا




حياة شاورت على فهد اللي متابع الموقف بعيونه وشايف دموع حياة والبنت الصغيرة
حياة : شايفة عمو اللي قاعد دا

البت بصت على فهد وهزت راسها بايجاب وفهد ابتسم ليها من جوة وشاور ليها
حياة بطفولة وبرأءة : عمو دا هيأكلنا

البنت بفرحة : بجد يعني مس هناكل من الزبالة وبطني توجعني تاني

حياة حضنتها بسرعة : ايوا ياحببتي يلا تعالي

مسكت ايدها ودخلت المطعم وراحت عند طاولة فهد وكل اللي ف المطعم بيبصلهم باستغراب وفي اللي بيبص للبنت بقرف واللي بيبصلها بشفقة
حياة باحراج : فهد ممكن........

فهد بمقاطعة : من غير استأذن ياحياتي انتي تعملي اللي انتي عايزاه

حياة بصتله بابتسامة امتنان وقعدت وقعدت البنت جنبها
بدأت تأكل البنت بحب تحت نظرات فهد اللي كلها عشق وإعجاب بيزيد يوم عن يوم
حياة : صحيح نسيت أسألك عن اسمك

البنت : اسمي قمر

حياة : اسم على مسمى انتي قمر واسمك قمر

البنت : وانتي اسمك ايه

حياة بابتسامة : اسمي حياة

البنت : اسمك جميل

حياة : انتي اللي جميلة.... يلا كملي اكلك
حياة اكلت قمر وكل حين والتاني تبص على فهد اللي الابتسامه مفارقتش وشه وتبتسمله بحب وامتنان

واحد من الموظفين : ايه اللي بيحصل دا انتي ازاي تدخلي هنا يامعفنة انتي وتقعدي كمان مع البهوات

قمر بعياط : انا اسفة متدربنيس والله هطلع

حياة قامت بعصبية وزعيق : انت يابني آدم انت ازاي تكلمها او تمسكها كدا

الموظف : حضرتك دي وحدة شحاتة مينفعش تدخل مطعمنا وتقعد مع الزباين دي تشوه سمعة المطعم لحظة وحدة وهطلعها

فهد قام من مكانه بعصبية وكان زي الإعصار خبط على الطاولة بعصبية : فيييه ايه ايه اللي بتعمله دا هيا مش بني آدمة زيك وحقها تاكل ولا انت معندكش رحمة

حياة حضنت قمر اللي كانت بتعيط وخايفة
حياة : بس بس ياحببتي متخافيش مش هيعملك حاجة

الموظف : حضرتك دي شحاتة وهدومها مش نضيفة وكدا هتطفش الزباين

فهد بزعيق : زباين ايه وزفت ايه دي طفلة صغيرة وكانت جعانة دا بدل ماتاخدوها وتأكلوها لا بتضربوها واللله عاااال ...... ناديلي مدير المطعم حالا

الموظف : يافندم....

فهد بمقاطعة : اللي اقوله يتنفذ

الموظف راح وجاب المدير معاه
المدير : فيه ايه ايه اللي بيحصل هنا
اول ما قعت عينه على فهد وقف ليه باحترام : اهلا اهلا فهد بيه خير يافندم ايه المشكلة

تستمر القصة أدناه

فهد بضيق : يلا بيه بلا زفت الموظفين اللي انت مشغلهم عندك معندهمش قلب ولا انسانية بيطرد بنت صغيرة عايزة تاكل..... قال ايه أصلها شحاتة وهطفش الزباين

المدير : بس يافندم الأطفال المتسولين مش مسموح لهم يدخلو المطعم

فهد بزعيق : ليه يعني هما مش بني ادمين وبيحسوا زينا ولا ايه...... اسمع اللي بقوله القاعدة دي تتلغي والأطفال مسموح يتقدم لهم الاكل ولو ببلاش حتى....... أما بقا الاستاذ ده يتفصل من شغله عشان يحس باللي بيعمله في الناس...... واظن انت عارف كويس انا مين واقدر اعمل ايه وبتليفون واحد اقدر اقفلك مطعمك دا واشمعه

المدير باحترام وخوف : اللي تشوفه يافندم

حياة بهدؤ : فهد

فهد التفت ليها بانتباه وهيا همست ليه : حرام عليك متفصلوش من الشغل اكيد عنده أسرة ومحتاج الشغل سيبه وهو عرف غلطته هو كان بينفذ التعليمات

فهد اتنهد : اما نشوف قلبك دا هيودينا لفين

الموظف : ارجوك يافندم بلاش تطردني انا لو انفصلت عيلتي هتجوع يابيه ومش هلاقي اصرف عليهم

التفت ليهم بصرامة : دلوقتي عرفت ان عيلتك هتجوع ومفكرتش في الطفلة دي ليه لما كانت جعانة.... خلاص مش هتتفصل بس دا ميمنعش من قرصة ودن صغيرة
فهد للمدير : يتخصم من مرتبه الشهر دا النص عشان يحرم يعملها وانت اعتزر من البنت يلا

الموظف : شكرا يابيه ربنا يخليك..... انا اسف ياهانم

قمر : خلاث ياعمو انا مس زعلانة منك بس متدربنيس تاني

فهد : اظن سمعتها والكلام دا ينطبق على اي طفل مش عليها بس

الموظف : حاضر يافندم

الموظف استأذن وانصرف وبعده المدير
كل اللي في المطعم سقفوا لفهد وحياة وشكروهم على حسن اخلاقهم

حياة : لسه جعانة ياحببتي

قمر : سكرا ياحياة سبعت خلاث.... سكرا ياعمو انت طيب اوي

فهد بابتسامة : وانتي قمر اوي ياقمر

قمر : انت اسمك ايه ياعمو

فهد : اسمي فهد

قمر : ماسي ياعمو الطيب فهد

فهد بضحك : ماشي ياست القمر قمر




فهد وحياة وقمر طلعوا من المطعم بعد مافهد دفع الفاتورة
حياة : قمر انتي هتروحي فين انتي عندك بابا وماما

قمر ببرأة : لا أنا معنديش بابا وماما وبنام في السارع هروح السارع

حياة بدموع لفهد : فهد مش هينفع نسيبها

فهد بابتسامة : ومين قالك اننا هنسيبها احنا هنوديها دار أيتام ياحياتي

حياة حضنته بفرحة : ربنا يخليك ليا بحبك اوي يافهدي

تستمر القصة أدناه

قمر حضنته من رجله بالكاد هيا واصلة لركبته : وانا بحبك اوي يافهدي

فهد وحياة ضحكوا وهو شالها ورفعها ليه وداعب خدها : وانا بحبك اوي ياقمري

حياة قوست شفايفها لتحت وعقدت دراعاتها عند صدرها
فهد باسها من خدها : انتي غيرانة من طفلة ياحياة... وانا بحبك اوي ياحياتي

حياة ابتسمت وركبوا العربية وراحوا الميتم

......... عند سيف وياسمين.......
لحظات وكان الشاب نايم على الأرض وسييف فوقه وهاجم عليه بالضرب العنيف
سيف : دي مراتي ياروح امك انا هوريك ازاي تكلمها كدا

فضل يضرب فيه والناس بيحاول يبعدوه مش قدروا والشاب كان هيموت في ايده
ياسمين كانت بتعيط وبتحاول تبعده وبرضوا مش قادرة
البوكس كان معدي والظابط شاف خناقة ونزل يشوف ايه الموضوع
الظابط بحزم : ايه اللي بيحصل هنا

كله بعد الا سيف اللي مكانش حاسس باي حاجة حواليه 
الظابط خلي العساكر يبعدوه عنه الشاب ومسكوه باحكام

سيف كان بيلهث من الغضب
الظابط بصدمة : سيف بيه

سيف : ابعدوا انتوا متعرفوش انا مين ولا ايه

الظابط بعد العساكر : احنا اسفين يافندم اللي ميعرفك يجهلك.... خير ياباشا في حاجة

سيف : الاستاذ كان بيعاكس مراتي.... تاخدوه تروقوه وقعدوه في التخشيبة شهر لحد مايتعلم الادب

الظابط : تمام يافندم...... هاتوه

العساكر اخذوا الشاب وسيف مسك ايد ياسمين بعصبية ومشي وهيا كانت بتعيط جامد

.......... عند فهد وحياة.......
سجلوا قمر في الميتم ووصوا المديرة عليها وفهد اخد رقم المديرة عشان يبقا يكلمها يطمن عليها
فهد وحياة ودعوها وداع حار طبعا مخليش من دموع حياة وتمسكها بالبنت ومواساة فهد ليها

مشيوا بالعربية واتجهوا لبيت حياة
وصلوا وفهد وقف العربية قدام البيت وبص لحياة
فهد : هتوحشيني

حياة : ماتطلع تبات هنا النهاردة

فهد : مينفعش اسيب ياسمين مع سيف لوحدهم وبعدين الود دا مينوثقش فيه

حياة بضحك : تمام....... اه صحيح يافهد انت محكتليش عن نفسك




فهد : انتي لسه فاكرة.... ايه رايك بكرة اعدي اخدك معايا الشغل وتشوفي بنفسك

حياة بحماس : اه ياريت... وبعدين انا بدأت أشك انك غني من بعد حوار تليفون واحد اقفلكوا المطعم دا ههههه

فهد ضحك : بكرة تعرفي بنفسك اذا كنت غني ولا لا

فهد قرب عليها بهدؤ وباس راسها وخدها وهيا اتكسفت

فهد بمشاكسة : حياة لحظة وحدة والقاكي طلعتي من العربية ومشيتي عشان انا مش ضامن نفسي يلاااا

حياة نزلت بسرعة بخجل وطلعت البيت وهيا هتموت من كسوفها
فهد بتنهيده : هتعملي فيا ايه تاني ياحياة

..... عند سيف وياسمين........
ماشي بياخد نفسه بصعوبة بيحاول يتحكم في غضبه بيجرها وراه مش حاسس بايدها اللي هتنكسر في ايده
ياسمين بعياط: سيف ايدي بتوجعني

سيف بغضب : مش عايز اسمع صوتك كفاية اللي حصل من تحت راسك

ياسمين عيطت ووطت راسها للارض : انا اسفة مكنش قصدي

سيف بزعيق وطلع كل غضبه فيها : بسسس اسكتي.... مش عايز اسمع كلمة وحدة.... ماشية تقوليلي بحبك في الشارع مش مكسوفة.... اهو دي آخرة عمايلك واحد **** مشفش رباية فاكرني شاقطك مبسوطة لما الناس كلها اتفرجت علينا

ياسمين بصتله بصدمة : هوا دا كل فكرت فيه للدرجادي انا مش فارقة معاك مش فارق معاك غير منظرك قدام الناس... طبعا ماانت دلوقتي مشهور ومعروف في الداخلية لازم تخاف على منظرك حبنا بقا يحرجك ياسيف بقيت بتتكسف تظهر حبك ليا... اكيد ماهو مرات المقدم سيف لازم تكون كويسة وليها منصب مش حيالله طالبة في صيدلة ومن الصعيد... على العموم انا اسفة ياسيف... اسفة لاني احرجتك قدام الناس ياسيادة المقدم

مشيت وسابته والندم بينهش في قلبه على اللي قاله هو استحالة يفكر كدا دايما بيفتكر بيها وبأصلها عمره ما اتكسف في يوم انها مراته وحبيبته 
طلع غضبه فيها وهيا ملهاش زنب في حاجة ووصلها لمرحلة تخليها تفكر انه بتكسف انها مراته

سيف مشي وراها عشان يلحقها : ياسمين.... ياسمين استني.... ياااااااسمين حاسبي

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات