رواية رفيق دربي الفصل الاول 1
_فاطمة انزلي سلمي على خالك سامح جه تحت وبيسأل عليكي
فاطمة: بتهزري ياماما... خالوو أخيرا رجع من السفر
*نزلت جري من على السلم ومبسوطة اني هشوف خالي هو أقرب صديق ليا وبحبه قوي...
فاطمة: خالووو
سامح فتح إيده: قمري، عاملة إيه
رديت انا وبحضنه: وحشتني جدا يا خالو.. أربع سنين غربة، فطومة حبيبتك موحشتكش يعني
سامح: هو قلبي يقدر بردو..حقك عليا يا حبيبتي، بس إيه القمر ده بقيتي عروسة ما شاء الله
رديت بضحك: واعجبك كمان
سمعت صوت غريب ورايا بحمحم كإنه بينبهني إنه موجود
_احم احم...
السلام عليكم ورحمة الله وبركاته
رديت بإستغراب: وعليكم السلام ورحمة الله وبركاته
خالي: فرحتي بيكِ نستني أعرفكم ده علي، إبن أخت فيروز "مراته"..هو مدير تنفذي اللي ماسك شركتي هنا...شخص خلوق ومحترم وطموح كنا رايحين الشركة بس إزاي أروح من غير ما أسلم على بطتي
فاطمة: حبيبي يا خالو..أهلا وسهلا بحضرتك
مديت إيدي عشان اسلم
ابتسم وحط إيده على قلبه: معلش إسلامي منعني أسلم على نساء
رديت بزهول: خالص!
لقيته رفع عيونه ونزلها بسرعة: إلا لو كانت مراتي ومن محارمي
*قلبي دق بسرعة معرفش ليه بس استغربته أنا أول رجل اقابله في حياتي بالجمال والأخلاق دي معقول الزمن ده لسه في حد كويس وعارف قيمة دينه كده!!
بصيت لخالي بإستغراب
سامح بضحك: مش قولنا محترم يا بطه
*ماكدبش عليكم من بعد ما مشيه مبطلتش أفكر فيه..سرقني حتى من نفسي وكمان اسمه "علي" الله، لا أنا سميت عيالنا خلاص، دخلت بحثت علي موضوع " منع السلام وغض البصر" بصراحة أنا عارفة حاجات في ديني بس مش كفاية اللى تخليني أعرف كل حاجة وأحكامها بحس دائما إنه محتاجة حد يمسك إيدي ويمشيني على الطريق الصح..
بصيت للفون بصدمة من اللى قرأته....أنا أكيد كان عند فكره إنه مكروه أو محرم مش إنه حرام بوضوح الشمس يعني الموضوع مفهوش أي نقاش ده جنة أو نار
كان مكتوب بالنص كده
$$قال الإمام النووي -الشافعي- في "المجموع": "وقد قال أصحابُنا: كلُّ من حَرُم النَّظرُ إليه حَرُم مَسُّه، بل المسُّ أشدُّ؛ فإنه يَحِلُّ النَّظر إلى الأجنبية إذا أراد أن يَتَزوَّجها، وفي حال البيع والشراء والأخذ والعطاء ونحو ذلك، ولا يجوز مسُّها في شيء من ذلك". وقال أيضًا في شرحه على "مسلم": "فيه أن بَيْعَة النِّساء بالكلام، وفيه أنَّ كلام الأجنبيَّة يُباح سماعُه عند الحاجة، وأنَّ صوتَها ليس بعورةٍ، وأن لا يَلمَس بَشَرة الأجنبيَّة من غير ضرورة؛ كتَطبيبٍ وفَصْد".
$مذهب الحنابلة: قال شيخ الإسلام ابنُ تيمية في "مجموع الفتاوى": "ويَحرُم النَّظر بشهوة إلى النساء والمُردان، ومن استحلَّه كَفَر إجماعًا، ويَحرُم النَّظر مع وجود ثَوَران الشَّهوة وهو مَنصوصُ الإمام أحمد والشافعي ... وكل قسم متى كان معه شهوةٌ كان حرامًا بلا ريب، سواء كانت شهوةً تُمتِّع النَّظر أو كانت شهوةَ الوَطء، واللَّمسُ كالنَّظر وأَولى".
ومن هذه النُّقول يَتبيَّن أن انتشار مُصافَحَة النساء الأجنبيَّات من المُنكَرات التي تَفشَّت بين الناس، وأصبح المُنكِر لها يُنظَر إليه على أنه سَيِّئ النِّيَّة، أو أنه مُتشدِّد في الدِّين. وقد وَرَد الوَعيد الشَّديدُ على فاعل ذلك؛ فعن مَعقِل بن يَسارٍ رضي الله عنه قال: قال رسول الله صلَّى الله عليه وسلَّم: «لأن يُطْعَن أحدُكم بِمخيَط مِن حَديدٍ خيرٌ له مِن أن يَمَسَّ امرأةً لا تَحِلُّ له» (أخرجه الطبراني ورجاله ثِقات، وكذا رواه البيهقي). وعن عائشة رضي الله عنها قالت: "والله ما أخذ رسول الله صلَّى الله عليه وسلَّم النِّساء قطُّ إلَّا بما أمره الله تعالى، وما مَسَّت كَفُّ رسول الله صلَّى الله عليه وسلَّم كَفُّ امرأةٍ قطُّ".
والله أعلم
**في علماء ليهم آراء تانيه بس خلينا منقوحش في الغلط بقلب جامد، فيها إيه لو عشنا صح وكل واحد ليه حدود اللي ربنا حطهاله أصلا من رأي كفاطمة مفيش أي داعي إننا نقف تحت شمس يوم القيامة عشان ذنب إحنا قدرين نبطله..
من وقتها وأنا إيدي مبقتش تتمد لأي رجل غير محارمي واتعلمت من "علي" إنه أحط إيدي على قلبي كتحية واحترام للاقدامي..
بعد شهر
كان خالي عندنا وعرفت منه إن "علي" عاوز يتقدملي ويجي رؤية شرعية فوفقت أنا وماما
رن عليه احنا وقعدين
خالي: السلام عليكم ورحمة الله وبركاته..تقدر تيجي في أي وقت يا بني
_
خالي هو بيبصلنا: إيه جاي في طريق، يابني اصبر مالك كده
_
خالي ضحك بصوته كله أنا وماما مستغربين ونهى معاه المكالمة
أنا وماما في نفس الصوت: كان بيقلك إيه اوع تقول إنه جاي بجد دلوقتي
سامح: قالي هو بيلبس في شارع وجاي جري
ضحكنا وفضلت الإبتسامة على شفايفي لحد ما قعدت قدامه وأنا مكسوفة
_السلام عليكم ورحمة الله
=وعليكم السلام ورحمة الله وبركاته
قاعد ٣ دقايق وبعد كده بدأ يتكلم: احم...أعرفك عن نفسي أنا علي حامد متخرج من كلية تجارة والحمدلله بكرم ربنا بقيت المدير التنفيذي في شركة الأستاذ سامح..والدتي والدي ربنا يرحمهم ويجعل مئواهم الجنة، ومعايا أخت ربيتها من صغرها ويمكن كرم ربنا جالي عشانها والحمدلله قدرت ازوجها للشخص الي يصونها..عايش لوحدى في شقة هنا يعتبر دي حياتي كلها والحمدلله ملتزم بالصلاة وماشي على خطوات ديني
فاطمة: ربنا يرحمهم...يعني أنت بتعافر من صغرك عشان كده خالو بيقول عليك إنك شخص طموح وجميل جدا
*حطيت إيدي على بقء وشي قلب أحمر وبعاتب نفسي "إزاى قولت كده لا كمان غزل صريح يا فاطمة صريح "
لقيته ابتسم: احكيلي علي نفسك
حسيت إنه بيساعدني عشان مفضلش محرجة: أنا فاطمة محمود لسه متخرجة من كلية زراعة بابا متوفي من وأنا في سن المراهقة وخالي هو ولي أمري وأقرب صديق ليا والحمدلله بصلي وبحاول القي الشخص المناسب اللي يقدر يمشيني معه على خطوات ديني
علي بابتسامة: إن شاء الله مش هسيب إيدك أبدا وهبقي رفيق دربك اللي ملازمك وصاينك
*فرحت طب والله فرحت حاولت اتحكم في فرحتي شوية عشان متفضحش أكتر من كده
وسألت سؤال بتلقائية: ....
شاهد👈الفصل الثاني
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا