رواية كريم وسلمي الفصل الاول 1
كريم...الفطار فين ولا هروح الشغل من غير فطار برضه
سلمي وهي طلعه من المطبخ... صوتك عالي اليومين دول في ايه ماتصبر اهو افطر وفي سرها يكش يسد كرشك وبعدها بتنادي ابنها سيف
سلمي...سيف يلا ياحبيبي تعال افطر
سيف طلع من الاوضه... صباح الخير وباس بابها من خده وبعدها مامته
كريم...صباح النور يا حبيبي
سلمي ضحكت..صاحي رايق ليه يا سيفو
سيف...اصل النهارده هشوف اسيل(اسيل دي تبقا بنت اخوسلمي ويبقا اخوها الكبير)
سلمي بفرحه...ايوه ياعم
كريم...ايه دا انتي رايحه لي مامتك
سلمي بصتله وتخنت صوتها....اها عندك مانع
كريم...احم لا متتاخريش
سلمي... باذن الله اها صحيح يا كريم وبصتله وحطت ايديها علي خدها هو انت بقالك كام يوم كده مش مظبوط بتيجي متأخر ليه
كريم بصلها بطرف عينه وبتوتر وبيحاول ميبصلهاش.. الشغل في الشركه الايام دي عليا ضغط
سلمي... اممم ضغط لا الف سلامه عليك طب انا هروح لي ماما لو جيت بدري ابقا تعالا سلم عشان كلنا متجمعين
كريم... باذن الله انا همشي بقا عايزه حاجه
سلمي بصتله... علي اساس لو قولت هتجيب امشي الله يسترك متخلنيش اقول كلام قدام الولد
كريم بتوتر... احم طيب سلام يا سيف
سيف كتم ضحكته...سلام يابابا
بعد ما كريم ما مشي
سيف ضحك...شخصيتك قويه يا ماما
سلمي بصتله وضحكت... عيب هو بابا شاطر بس وبيسمع الكلام يلا اسمع الكلام انت كمان و كل عشان تشوف اسيل ولو شربت اللبن كله هجيبلك حاجه حلو انت وهي
سيف بفرح...هييي حاضر
سلمي ابتسمت وفي سرها...مش مرتاحلك يا كريم والله ربنا يعلم لو اللي في دماغي صح هعلقك من رجليك
احب اعرفكم عن نفسي انا سلمي ومتجوزه كريم جواز صالونات كده مكانش عن حب يعني اساسا الجواز دا مكنش في دماغي بس يلا اللي حصل المهم بعد متجوزت انا وكريم اكتشفت انه ماسك علي الفلوس لازم ازعق واتكلم عشان الحاجه تتجاب او الحاجه تتعمل هو مش بخيل لا هو نتن وانا لازم شخصيتي تكون قويه معاه غير كده يبقي مش هتقدم خطوه وهتجلط من برود قاعدنا فتره وبعدها ربنا رزقني ب سيف حبيب ماما اهي دي الحاجه اللي كل ماافتكر الجوزه المنيله دي اشوف سيف احمد ربنا واقول عوضني بي يارب اه صح انا ماليش غير اخ ولد وهو الكبيره وزاي بابا لان ولدي الله يرحمه اخوياجوزني وبعدها اتجوز وامي ربنا يديها الصحه اخويا متجوز في الشقه اللي فوق ماما بالضبط ومراته زاي السكر وعنده بنوته زاي القمر اسمها اسيل
تسريع الاحداث
سلمي بعد ما اكلت هي وسيف ابنها قامت نضفت بيتها وراحت لي مامتها تساعدها هي ومرات اخوها في الاكل وسيف طبعا ما صدق انه هيشوف اسيل صحبته ويلعب معاها
في المطبخ
رنا مرات اخوها... مالك يا سوسو من ساعة ما جيتي وانتي سرحانه
وشكلك في حاجه
سلمي... هو في غيرو ابن نجفه
رنا ضحكت... عمل ايه تاني مرضيش يدفع فلوس ايه المرادي الحضانه ولا مصاريف البيت
سلمي... ياريت علي اقل هشخط في هيدفع اما دا متغير ومش مرتاحه
الام مديحه... واللهي انتي مفتريه جوزك غلبان
سلمي .. بالله عليكي يا امي انتي بدفعيله ومتعرفيش بيهبب ايه وشكله وراه مصيبه
رنا... طب فهميني حصل ايه
سلمي... علطول بيرجع متاخر ومش عوايده ولا حتي انه يمسك الفون في حاجه
الام مديحه... طب متسئلي
سلمي .. سألته انت بتتاخر ليه قال ضغط شغل
رنا... طيب ما هو قالك
سلمي... ضغط شغل ايه بس دا اللي فعلا كده بيرجع تعبان مش ضب امه من الودن دي للودن
رنا ومديحه ضحكوا
رنا... يعني يدخل ينكد عليكي انتي غريبه والله احمدي ربنا اخوكي بيرجع لو الشغل كان ياما بيبقي راجع عصبي ومش طايق نفسه يدوب يدخل ينام
سلمي... دا الطبيعي اما دا يرجع يمسك الفون وعمال يضحك وهو باصص فالفون ولما اسأله يقولي بتفرج علي فيديوهات
مديحه.... نفضي للافكار دي اللي هتخرب بيتك وجوزك طيب وغلبان
سلمي...والله ياامي ما في غلبان غيرك
احمد اخو سلمي دخل... ايه يا جماعه مش هناكل
رنا... خلصنا اهو متكلم كريم جوز اختك يجي يتغدا
سلمي... لا قالي عندو شغل لو خلص هيعدي
احمد... اكلمه عادي يمكن محروج
سلمي...مين كريم دا طفس
احمد ضحك... يابنتي لسانك دا
سلمي... اصل الاحراج مع كريم دا استحاله انت ناسي تاني يوم الخطوبه كان اول واحد قاعد علي السفره بلاش دي هنروح بعيد ليه يوم كتب الكتاب لما قالك انتم مش عملين اكل ولا ايه انا مفطرتش الله يكسفه كسفني قدام صاحبي
مديحه بضحك...يبنتي جوزك عشري
سلمي... قصدك حشري
رنا ضحكت... انتي مشكله
اسيل دخلت.... ماما انا وسيف جعانين اووي وعايزين ناكل قبل عمو كريم مايجي عشان بياكل الاكل بتاعي
رنا برقة لي بنتها وضحكت... بت عيب
سلمي بضحك... اهي بنتك قالت كلمة حق
احمد.. الله يسامحك البت اخدت طولت لسانك
سلمي ضحكت ... هو الحق بقي طولت لسان وبصت لي اسيل حبيبت عمتو انتي هاتي بوسه
احمد... .يلا يلا عشان عارف مش هنخلص من طولت لسانك ..
وكلهم اتجمعوا واكلوا وقاعدوا مع بعض بس سلمي كانت في عالم تاني وبتفكر ان غريبه ان كريم مجاش وده زود شكها اكتر...
سلمي من جوها ... ياتر بتهبب ايه يا كريم دا انت كرشك اهم من شغلك يكنش معزوم ومقلش عشان ياكل لوحده طفس ويعملها
عده الوقت
ومديحه اتحيلت علي سلمي بنتها تقعد ورفضت وقالت تروح احسن عشان كمان حضانة ابنها واحمد وصلهم عشان الوقت متأخر اول ما وصلت ودخلت شقتها سمعت صوت ضحك جوزها لسه بترفع راسها تشوف هو فين لاقيته قصادها اول ما شفها اتوتر ونزل الفون واتنفض وملامح وشه اتغيرت
سلمي...ايه مالك شوفت عفريت
كريم...هالا لالا ابدا
سلمي... بتكلم مين
كريم..انا ابدا ابدا .
سلمي...هو ايه اللي ابدا ابدا انت علقت في ايه مالك مش علي بعضك كده
كريم... انا ابدا
سلمي...اهااا وبصت لي ابنها ادخل يا سيف اغسل ايدك ووشك وادخل اوضتك نام..
سيف...حاضر تصبحوا علي خير ودخل .
كريم بخوف...في ايه
سلمي... كل خير يا ابن نجفه
كريم بزعيق... بطلي تتريقي علي اسم امي
سلمي ...ايه مش مامتك اسمها نجفه وبصوت همس اللي هعلقك فيها لو اللي حساه طلع صح
كريم... اها بس انتي بتستهزئي ب اسمها
سلمي...متغيرش الموضوع بتكلم مين يا كريم
كريم بصوت عالي... انتي بتزعقيلي
سلمي تخنت صوتها.. اهااااا خدوهم بالصوت.
بقولك ايه وربنا انا مجنونه لو مقلتش بتكلم مين ليكون يوم مش بينله ملامح شبه وشك قول
كريم بتوتر... ده ده صاحبي
سلمي بصاله بعنيها وساكته...
كريم.... في ايه
سلمي...هصدقك ولما هو صحبك مقلتش ليه وبعدين مادام جيت بدري معدتش علي بيت ماما ليه
كريم... راجع تعبان
سلمي...هصدقك برضو بس يكون في علمك يا ابن نجفه لو اللي في دماغي طلع صح متلومش غير نفسك ...
كريم تنح...وبخوف هو في ايه
سلمي غمزه...تبقا اسال نفسك يا عسل يلا اوعي عايزه انام وبعدته ودخلت نامت
تسريع الاحداث
كريم بقا يتاخر اكتر ويرجع ينام حتي مبقتش تتكلم معا وفجاءه تغير وبقا يسيب مصاريف البيت من غير كلام ومناهد واكنهم متخصمين فقررت سلمي تصحه بدري قبله وتودي سيف لي مرات اخوها بحجت هتجيب طلبات للبيت وهتروح علي سكة جوزها كريم بس هي مش هتعمل كده هي رجعت البيت وحضرت فطار وفهمته ان سيف نايم واول ما نزل نزلت وراه ترقبه اخدت تاكسي اول ماوصله نزلت لاقيته راح الشركه فعلا استغربت اومال اتغير ليه ولسه هتتحركه وتمشي لاقيته نزل من الشركه ومع بنت تقريبا من سنها ونزلين يضحكوا
سلمي...نهار ابوك فلفل اسود ومطحون
سلمي لاقيته راح فتح ليها باب العربيه ركبت ولف يركب وهيمشي....
سلمي ..ايه اللي انا شيفاه ده هو ده عمرو ده ما عملها معايا فمره ...ده كان بيخليني انزل احاسب بتاع البنزينه ولاقيتهم هيتحركوا لقت عربيه قصادها ركبت علطول
السوق... ايه دا
سلمي... اطلع ورا ابن نجفه
السوق... ايه لا حضرتك انا
سلمي...لا ايه اطلع بسرعه .اطلع ورا السلعوه دي هي واللي يومه مش فايت الخاين
السوق... مين
سلمي بصريخ وشاورت... وراهم السوق طلع وراهم فعلا
سلمي... اها ياحظك يا سلمي انا اتخان ومن مين من ابن نجفه
السوق... نفسي اعرف انتي النجف ولا النجفه مزعلاكي في ايه
سلمي بعياط...عشان معرفتش تربي ابنها قبل ماتموت كانت تربي لا سبتهولي وربنا لعلموا الادب
مره واحده واقفوا عند كافيه ونزلوا ومسكين ايدهم في ايد بعض ودخلوا
سلمي نزلت وراهم ودخلت كانوا هما دخلوا وقاعدوا و لسه رايحه تزعق
سلمي... وربنا لا قطع كلامه
السوق نزل بسرعه وواقف قصادها اهدي الامور متتحلش كده
سلمي ... دا خان لا وايه كمان انا الهبله استحملت نتنته دا المعفن كان مش بيغسل رجله ويدخل بيها الشقه كلها وفضلت تعيط
السوق ضحك ...اهدي
سلمي بعياط.. طب وربنا مره هدومه كانت عايز تتغسل حلف طلق مغسلهاش عشان مشغلش الغساله النتن
السوق بضحك... اهدي طيب معلش
سلمي...اعمل ايه دا انا بحاول اخلي ناس تستنضفوا يوم ما ينضف يخوني
السوق... الامور متتحلش كده ومش بالعياط ابدا كده هتباني ضعيفه قصاده
سلمي بصتله...فعلا ومسحت دموعه ودخلت
سلمي... هو دا شغل يا استاذ كريم
كريم اتنفض من مكانه ... سلمي
سلمي... اها انا سلمي يا قليلي الاصل مين دي
كريم.... اهدي بس هفاهمك
لمار بدلع ...مين دي ياكيمو
كريم... دي دي
سلمي..دي دي ايه يا ابن نجفه وانتي يا مسلوعه كيمو ايه دا شبه سيد اشطه
لمار... نجفه
سلمي.. اها امه اسمها نجفه وجدو لمبه وباقي العياله اسلاك هو دا ضغط الشغل دا انا اللي هنزلك ضغطك
كريم ..سلمي عيب كده الزمي حدودك و احترمي نفسك
لمار بسهوكه...ياي مين دي يا كيمو بيئه اوووي
سلمي... انا بيئه يابت داانتي وشك كله تركيب انا اتخان مع دي ولسه هتمسكها
لمارواقفة ورا كريم... يخون ايه انا خطبته وقريب هنكتب الكتاب علي فكره انت مقولتلهاش ولا ايه ياكيمو
سلمي... نعم ايه الكلام ده رد عليا الكلام ده صح
كريم بتوتر..اا
سلمي.. ما تنطق الكلام دا بجد
كريم....اها
سلمي بصدمه ...كتك اوه انا تعمل فيا كده مش كفايه مستحملاك ومستحمله عفنتك دا انا عايشه معاك رقفه كده زاي الرقفه ب الحيوان
كريم بتحذير... سلمي انتي عديتي حدودك يلا علي البيت
سلمي .. انا اللي عديت حدودي طب ماشي يا كريم ومشيت
لمار... يا حبيبي ازاي عايش معاها
كريم... هعمل ايه بحاول اتعايش معاها واللي مسكتني عليها انها مريضه نفسيا تخف بس وهطلقها
لمار... ربنا يعينك ياروحي
كريم...يارب المهم كتب الكتاب نخليه بعد بكره احسن
لمار...لا استحاله اعيش معاها انت مشوفتش ولاايه
كريم... لا لا متخافيش ما شوفتيش برضه لما زعقت هي خافت ازاي ومشيت
لمار بدلع... اها يا قلبي شخصيتك قويه
كريم بيعدل ياقة القميص.. اومال دا انا ممشيها زي الالف
لمار... ماشاء الله عليك يا حبيبي
ــــــــــــــــ
سلمي طلعت لقيت نفس السواق واقف برا
السواق... عملتي ايه
سلمي بصتله وانفجرت في العياط... الخاين طلع خاطب وهيكتب كتابه الندل
السواق... اهدي طيب تعالي نقعد نتكلم
سلمي... اه يا وجع قلبي انا كنت حاسه انه بيلعب بديله الواطي
السواق... اهدي طيب الناس بتبص عليكي
سلمي بصت حواليها ومسحت دموعها... لا مش هعيط انا مش ضعيفه بس ورحمه ابويا لا هخليه يندم انه فكر بس انه عرفني ماشي يا ابن نجفه
السواق ضحك...هي والدته اسمها نجفه
سلمي... اها ورجله ريحتها وحشه كمان وبتمسح دموعه بطفوله
السواق ضحك... انتي اسمك ايه
سلمي... اسمي سلمي وبعدها انتبهت بتسال ليه في ايه انت مالك وواقف معايا ليه اساس لا بقولك ايه مش عشان جوزي خاين ابقا خاينه لا انا اعلمه الادب واكون بشرفي وسمعتي وهو والله لابهدله الخاين المعفن
السوق ...ايه اهدي براحه اولا انا مش قصدي حاجه
تاني حاجه انتي بتحبيه علي فكره لو مش فارق معاكي مكنتيش عيطي لحظه عليه اهدي كده ويلا عشان اوصلك
في الطريق
السواق...مفروض تهدي كده وتحاولي ترجعي اي شيئ بنكم حلو شوفي هو ايه اللي خلاه يبص برا مع انك جميله ومقصدش حاجه والله انتي زي اختي
سلمي. ..هو اللي شخص غريب دايما تصرفاته تحرجني مع اهلي ومعتمد عليا في امور البيت والولد
السواق. انتي عندك طفل
سلمي.. اها سيف طب اقوله ايه ابوك المهزق هيتجوز عليا ولا اقوله باباك مترباش ولا اقول ايه بس
السواق... متقوليش خليه هو اللي يقوله ويبقا كده فعلا هو بينهي العلاقه و لو متكلمش يبقا وقتها ابدئي احتويه عشان انتي صدقيني بتحبيه و عشان بيتك وابنك وافتكري اي حاجه بنكم
سلمي بصتله وسكتت بعد وقت وصلت بيتها
السواق... اتفضلي دا بيتك
سلمي.. اها شكرا الاجاره كام
السواق ضحك...انا مش سواق اساس
سلمي.. نعم اومال انت ايه
السواق.. سليم
سلمي...ياشيخ بجد انت هتهزر لا بقولك
سليم بضحك...لا اهدي انا كنت ماشي انتي اللي ركبتي وفضلتي تقولي وراهم وحولت افهمك اني مش سواق بس مدتنيش فرصه وانا مهندس وكنت جاي اجتماع للشركه اللي جوز حضرتك شكله شغال فيها بس وعموما حصل خير..
سلمي بصتله واتحرجت ومش لاقيه كلام تقوله راحت نزلت من غير كلام وطلعت بيتها
سليم ضحك... لا وضح انها مجنونه ومشي
عده الوقت وكريم روح لاقه البيت هادي ولا اكني في حاجه حصلت
كريم... احم السلام عليكم ودخل لاقها قاعده بتتفرج علي التليفزيون ولا اكن حاجه حصلت وشكلها رايق
اكريم.. انتي صاحيه
سلمي ضحكت... لا دا عفريتي
كريم ضم حواجبه... انتي بتهزري
سلمي... ايه حرام المهم احطلك تاكل ولا اكلت في الشغل
كريم... اها ياريت ميت من الجوع
سلمي بحنيه.. بعد الشر ثانيه ويكون الاكل جاهز وراحت تجهز الاكل
كريم..بعد الشر دا من امتي دا دايما كانت تقول متغور يكنش خطوبتي دي عدلتها لو اعرف كده كنت قولتلها من زمان وضحك لا شكله كده هيبدء الاهتمام والله وهتدلع يا كيمو
سلمي كانت سمعه ... لا ومش اي دلع دا انا دلعي مش زاي اي حد
تفتكروا هيحصل ايه في كريم وهتحاول تصلح اللي بينهم ولا هتجيب حقها
شاهد👈الفصل الثاني
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا