رواية ملك و يحيي الفصل السابع 7
سحبت يديها و نظرة له بكسرة و قامت و ذهبت لغرفة ملك بدموعها
زفر يحيى : مبقتش فاهم حاجة بجد هو اي ال بيحصل
: الو
- ايوا ي يحيى انت رنيت عليا
: اه ي ندى كنت بسأل عليكي بس
بخجل - انا بخير
بضيق: ندى معلش ممكن نتكلم وقت تاني عشان عندي مشكلة
بزعل - حصل حاجة
: مشكلة بس ف البيت و هطمنك
- طيب ي يحيى سلام
: سلام و اغلق هاتفه ونهض لغرفة ملك رأها نايمة بوجهها ع السرير و شهقاتها عالية اقترب بتوتر و طبطب ع ضهرها برفق و حنية
: انا اسف من ال حاجة ال زعلتك و معرفهاش
نظرت له بدموع و ضحكت = امشي ي يحيى
: مانتي ملغبطاني و مش عارف افهم بجد اي ال بيحصل و بدءت اضايق
= مفيش حاجة متشغلش بالك
خرجت ملك و هي ترتدي بنطلون جينز اسود و تيشرت ابيض و لافة شعرها ديل حصان : انا خلصت اي ده مالك يبنتي
= مفيش هقوم البس و نهضت و اخدت الملابس و دخلت الحمام
جلست ملك بحيرة و حزن: انا م عارفة اعمل اي
يحيى بخنقة : انا نفسي افهمم بجد
ملك : انت السبب اقول عليك اي
يحيى بستغراب : سبب ف اي
ملك بتغير الكلام : صح هتيجي معانا ولا هتقعد
: اكيد هاجي يعني قام البس
= تمام
خرجت ليلى بشورت ابيض و تيشيرت اسود واسع بنص كم و شعرها ينسدل ع ضهرها
ملك بغمز : اييي القمر ده
ليلى ببتسامة : اسكتي يبت
ضحكت : طب يلا يست لولي نشوف يحيى زمانه خلص
دخل عليهم يحيى : انا خلصت اهو و كان يرتدي بنطلون ابيض و تيشرت اسود
ملك بمرح : ايي حكاية الابيض و اسود احنا خارجين من فيلم قديم
ليلى برخامة : ههه يلا ي ملك ده انتي رخمة
ضحكوا و نزلوا لعربية يحيي ركبوا البنات ورا و هو بيسوق و اتمشوا ع البحر بالعربية و جاب لهم مشروبات و اكل و شغل اغاني و هو هادي جدا و رجعوا المنزل بعد وقت فتح يحيى لقه والده قاعد قدام التلفزون
يحيى : السلام عليكم
= عليكم السلام ادخلوا
سعاد : كويس جيتوا احضرلكم العشا
ملك بنعاس : انا هدخل انام عشان م قادرة
ليلى بنوم : وانا كمان تسلمي ي طنط يحيى عشانا برا
سعاد بحنية : خلاص يحبايبي ادخلوا غيروا و ناموا
دخل كل منهم غرفته و خلدوا للنوم سريعا
ف الصباح
عند مراد و ياسمين
رن هاتف ياسمين و هي ف المطبخ
: مرااد هاتلي فوني من عندك معلش
- رقم متسجل عم محمد التربي
بستغرب افتح طيب الاسبيكر لحد ما انشف ايدي
: الو
- السلام عليكم يست هانم
:عليكم السلام يعم محمد خير
-لمؤخدة يهانم بس رنيت ع الحج مغلق و في موضوع ضروري
: خير ف اي مشكلة
- انا كنت ماشي لقيت جنب قبر العيلة بتاعتكم كيس مربوط و شكله ميسرش و وبصراحة لما فتحتها لقيت فيها صورة ابوكي و شعر و حاجات كتير عفشة قوي
: اا انا م فاهمة حاجة ط طب بص ممكن تصورلي
- هبعتهالك ف رسالة دلوقتي سلام عليكم
اغلقت هاتفها و هي تنظر لمراد بصدمة
خدها ف حضنه : اهدي انشاء الله خير
سمعت صوت رسالة مسكته بلهفة و رأيت صورة ليها مع ابوها مكتوب عليها كلام غريب كره مرض حزن هم كره و شعر كتير و ورق مقطع و حاجات غريبة صرخت بدموع : ايي ده
مراد شدها لحضنه = ششش اهدي يحبيبي
بعياط هستيري : تغيره معايا كان غريب طردني من البيت ي مراد انا مكنتش مصدقة انه بابااا
مراد = اسف بس اهديي بجد
بعياط= اااه يوجعع قلبيي ده مجاش ولا سأل عليا و جابلها عيالها ف بيتنا و سابها تطردنيي
مراد بتفكير : هي ال عاملة العمل اكيد
اخد هاتفها و رن ع التربي
: الو بص ي عم محمد
- اومرني ي بيه
: ابعتلي الحاجات دي ع بيتي
- انا عنديا ليكو حل انا اعرف شيخ بيفك الحاجات ديا ممكن اديله الحاجات دي و هيفكها و يحرقها هو بيتصرف
: خلاص تمام و انا هحاسبك لما تيجي و هروق عليك
- تحت امرك ي بيه سلام عليكم
و اغلق هاتفها
مراد : هتروحيلها
ياسمين : لا لما يتفك اشوف بابا هيعمل اي
صباح يوم جديد باحداث جديدة ع ابطالنا
ف منزل يحيى و ملك
رن هاتف يحيى
: الو صباح الخير يصحبي
- صباح النور اخبارك واحشني
: الحمدلله يعمور انت اخبارك
- بخير الحمدلله بقولك
: مصلحة ولا اي
ضحك - لا يعم انا كلمت مراد ملقتهوش فاضي من ساعة ما اتجوز مختفي هو و ياسمين
: يلا يعم ربنا يفرحنا كلنا
- مانا بكلمك عشان كدا بقي
: مفهمتش
- بص يعم يحيى انا متقدم لواحدة قريبتنا و انهاردة بليل هنقرا فاتحة و نلبس دبل و عوزك تيجي و كدا و بلغ بقيت صحابنا
: مبروك يصحبي يتمملك ع خير ليلى و ملك سمعينك اهو احنا متجمعين اصلا
عمر : من غيرييي
ليلى بحماس و صوت عالي: مبروك ي روماا
عمر بضحك: عقبالك ي لولو
ملك ببتسامة حزن : مبارك يعمر
عمر بحزن: الله يبارك فيكي
يحيى :خلاص هنجهز ع المغرب كدا و نتجمع العشا
عمر : اشطا يصحبي
يحيى : سلام يحبيبي اغلق الهاتف بابتسامة
: الشلة كلها يتتجوز يلا انا كمان قربت بأذن الله
ليلى بحزن : اه يلا ي ملك نشوف هنلبس اي
دخلت والدة يحيى عليهم
: صباح الخير يحبايبي انا هجهز الفطار اهو بما انكم صاحيين
ملك : اشطا يلا ي ليلى
و دخلت الغرفة و جلست كل منهم و هي تنظر بشردان و حزن ع حالها
ليلى بسرحان : هو ناويي يخطب صح
ملك بحزن : اه
بدموع - اسمها ندى
ملك بستغرب : تقريبا بس عرفتي منين
ليلى بصوت مبحوح و دموع : رنت عليه وانا قاعدين امبارح
ملك قربت و حضنتها : اسفة يروحيي
ليلى : هحضر خطوبته و بعدها اسافر
ملك : ليلى م هخليه ياخد غيرك
ليلى بعياط : ممكن يكون بيحبها هتوقفي حال البنت لي ربنا يفرحهم
ملك : هنلاقي حل متقلقيش بس اهدي عشان خاطري
... طب تيجي ننزل نتمشي و نجيب هدوم للخطوبة بتاعت بليل
ليلى بهدوء : حاضر نفطر الاول عشان طنط متزعلش
دخلت سعاد : ايوا عندك حق تفطروا الاول عشان طنطك متزعلش بس انتو رايحين فين
ملك : نجيب حاجات للخطوبة بتاعت بليل
: طيب قوموا يلا جهزت الفطار
خرجوا و اتجمعوا ع سفرة الطعام و بدءت تاكل ليلى بهدوء بدون شهية لاحظها يحيى و نظر لطبقة بحزن لانه فهم ما يدور
حسام : مبتكليش لي يا ليلى
ليلى:.....
شاهد 👈 الفصل الثامن هنا
__________________________________________
بقلم : سلمى فرغلي
(كنت اعشقك) اسم الرواية اهو رايكم ؟
مين كان متوقع سبب تغير ابو ياسمين
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا