رواية كنت اعشقك الفصل التاسع 9
بصراخ : ملللك
بفزعة _ ميين مات
: انا فاكرة اننا كنا ف العربية انا نمت امتا و مين طلعني و قلعني ععع
ضحكت ملك : يبنت المجانين انا قطعت الخلف بصي يستي انت نمتي عادي و يحيى شالك و دخلتك وانا قلعتك الشوز و الجينز و انتي لابسه تحتيهم البجامة متحرشتش بيكي متخافيش و اكملت ضحك اكتر
ليلى بتوهان : شالني يااه يريتني كنتي صاحية
ملك بضحك اكتر : يا واقعة ادخل و خلصي اخرتينا
ليلى : يووه حاضر
خلصت ملك الميكب و ارتدت فستان شيفون اوف شولدر اسود ضيق من الوسط و نزلت وطويل و هادي و طرقت خصلاتها ليغطي ضهرها بشكل رقيق
ليلى خرجت : يلهوي شكلك قمر اوي
ملك : دي عيونك يروحي استني البس الحلق و ابدء اعملك ميكب
انتهوا من تزينهم و كانوا ف منتهى الرقة و الجمال لكن بداخل كل منهم اوجاع لا يعلمها سواهم
خبط و دخل يحيى و تفاجئ من جمال ليلى
بتوهان و هو ينظر ل ليلى : ايي الجمال ده
ملك : يحيى انت معانا
فاق يحيى بتوتر : ايي الجمال ده يا ملك حلو فستانك و واه انتي كمان ي ليلى شكلك لطيف
ليلى بأبتسامة : شكرا
ملك : يلا بينا طيب ولا اي
: يلاا
خرجوا و نزلوا ركبوا العربية و وصولوا للخطوبة
ليلى : العروسة شكلها حلوة
ملك بسرحان و حزن : فعلا
ليلى خبطت ملك بخفة : بتتت فوقي كدا انتي ال رفضاه مينفعش تزعلي
ماك ابتسمت : حاضر ي ليلى
و اشتغلت الاغاني و كله رقصوا و التقطوا الكثير من الصور
يحيى : يلا نسلم و نمشي عشان تعبت خلاص
ملك : اوك يلا
سلموا ع كل صحابهم و خرجوا ركبوا عربيه يحيى و ف نص الطريق
ملك : وفقنا عند سوبر ماركت عوزة اجيب حاجات كتيررر
يحيى : ع حساب مين
ملك باستفزاز : ع حسابك يا بيبيييي
يحيى : لا خلاص مفيش نزولل
ملك بعصبية طفولية : يوه بقي مانا مجبتش فلوس هات و انا احاسبك
يحيى : خدي و انزلي يزنانة
ملك باسته ف خده : حبيبي ي يحيى يقمر و نزلت
ابتسمت ليلى و هي تراقب حوارهم و تمنت لو عندها اخ زي يحيى مكنتش هتبقي زعلانة
يحيى قطع سكوتهم : ليلى
ليلى : نعم
يحيى لف لها و نظر لها : انا اسف
_ على اي
: ع زعلك ال شايفه بسببي
ابتسمت بحزن _ مفيش حاجة
: اهو النظرة دي انا م عاوز اشوفها بعينك بجد بوجعني انا
سكت ليلى و هي تنظر له مد يحيى يده و مسك ايديها
بحنان و نظرة حب : ليلى انا حاسس اني بحبك
نظرت له بصدمة و دموع فرح : يحيى بتتكلم بجد
يحيى : والله و عاوزك ف حياتي ي لولي
ليلى بصراخ : يحييييى حاسب العربية
لف بسرعة و دخلت عربية فيهم بسرعة و مقدرش يفلت منها
ملك خارجة بسعادة لمشتريتها لقيت العربيه كلها متكسرة وقفت بصدمة : يحيى..! لا لا يرب لااا
و جريت بسرعة عند العربية لتري يحيى لقيته بأبشع منظر و هو نايم ع المحرك و جسمه كله دم و ازاز و منظرهم يرعب ملك حست بشلل مش قادرة تتحرك ولا تعمل حاجة
: فوقي مش وقته تعالي و شدها من ايديها و هي ف حالة لا وعي بأي حاجة و ركبها سيارته
: بصي الاسعاف خليكي هنا و انا هروح لحد ما يشيلهم و هجيبلك اي حاجة مهمة ف العربية و نتحرك
الاسعااف اخدته يحيى و ليلى و الشخص ال خبطهم و جه الشب تاني لملك بسرعة خدي الشنطتين دول و الفون ده تقريبا بتاع الشب ال معاكم يلا نروح
و ساق بسرعة للمستشفي
: هتكلمي اهلك ؟ رديي مينفعش تفضلي كدا
هبطت دمعة من عنيها
: لازم تتصرفي و اهدي هيبقوا كويسين
= ي..يححيى
: اوعدك انهم هيبقوا تمام بس انت فوقي و شوفي هتتصرفي ازاي
رن هاتف يحيى المتصل (عمر)
: ردي و شوفي حد يجي
_ الو
: بقولك اي يسطا
_ ا الوو ي ع.. عمر
: ملك ؟ مال صوتك و فين يحيى
_ عمر الحقني
بقلق و صوت عالي : ف ايي يملك انتي فين
بدموع _ انا ف المستشفي و يحيى عمل حدثة انا م عارفة اعمل حاجة ي عمر تعالى ونبي
قام بخضة : مستشفي اي
_مستشفي ****
: جاي حالا و اغلق
: ده صحبه
_ اه
: كلمي اهلهم هو يحيى ده اكيد ليه عيلته و اختك كلمي اهلك
بدموع : يحيى اخويا
نظر لها بحزن لوجعها و قلة حيلتها :هيبقوا كويسين انشاء الله ادعيلهم
و جاء عمر يجري عليها بسرعة : اي ال حصل يملك هو فين
ملك بعياط : جوا هو و ليلى
عمر بصدمة و خوف : انتي كنتي فين
ملك : نزلت السوبر ماركت و سيبتهم ف العربية رجعت لقيتهم كدا و ف عربية داخل فيهم
خرج دكتور من غرفة العمليات
قاموا بسرعة و جريوا اليه
ملك : هو كويس
الدكتور : في شب اتوفي ال كان لوحده ف العربية و البنت عندها جروح سطحية بس و صدمة الحادث و الشب التاني حالته خطر جدا ادعوهم
ملك بعياط : يااا رب بقي انا مليش غيره يرب
قرب منها عمر : اهدي ونبي يملك و ادعيله
: مش هقدر من غيره يعمر والله مهقدر حاسة بوجع و هو جوا و مش عارفة اعمل حاجة هو ال بيحميني و وافق جنبي يرب مليش غيره يرب متبعدهوش اااه يرببي
___________________________
شاهد 👈 الفصل العاشر هنا
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا