رواية حب معقد الفصل الرابع 4
- مين ؟
= انا
- انا كده عرفت يعني مين انت ؟؟
= انا اسر!
ليلي قالت بصوت وا*طي: آسر اية! هيجي ليه ؟
= يبنتي افتحي
- اثبت انك اسر!
= صوتي اهو مش عارفه صوتي ؟
- يمكن بتقلده!
= بتحبي اللون البنفسجي
ليلي ابتسمت ببلاه وبعدين خبت ابتسامتها وفتحت الباب: جاي ليه؟
- انت بتطر*ديني تقريبا؟
مردتش عليه وسابت الباب ودخلت فا دخل وراها: مرتاحة انتي كده لما قعدتي لوحدك؟
= اها
- مع انك دايما بتبقي مدا*يقة وانا بعيد عنك
اتنفست بهدوء وحاولت تسيطر على مشاعرها: ممكن افهم جاي ليه
= عشان عايز اعرف ليه عملتي كده؟
- تقصد اية بالظبط
= ليه كد*بتي عليا!
- انت مش خلاص قررت اني و*حشه؟ فارق معاك ف اية بقي ؟
= انا كنت متعصب وقتها مكنش قصدي
- مش مهم
= صدقيني مكنتش اقصد يا ليلي
ليلي عيطت فا آسر قرب و مسح دموعها لكن هي بعدت
ايده: انت مدتنيش ابسط حق ليا وخلتني افهمك عملت كده ليه كنت دايما بحكيلك و تفهمني و كنت بتبقي جمبي و حنين عليا لكن انا مصد*ومة فيك ومش هقدر انسي ولا اعدي الى عملته معايا
آسر مسك ايدها: انا كنت خا*يف عليكي
- هو الى بيخا*ف بيجر*ح
وقفت ز*قته و ز*عقت: وتخا*ف من اية و ليه هو انا عيله عشان تخا*ف عليا
آسر قرب وشاور بأيده تهدي: خو*فت عشان بحبك
ليلي سكتت من الصد*مه وبصتله بستغر"اب لكن هو قرب وكمل
- بحبك من اول ما جيتي لكن مكنتش اعرف كنت بقول ان بقي عندي اخت بحبها و بخا*ف عليها عادي يعني ، لحد ما حصل الى حصل وقتها عرفت ان مشاعري مكنتش حب اخ لاخته حبي ليكي اكبر من اي حاجه وخو*في عليكي عمل فيا كده ! انا هو خلاني مش قادر اصدق انك خبيتي عليا كنت غيران انك مجتيش تحكيلي او تقوليلي خرجني انت حاجات كتير فكرت فيها وكلها عصب*تني
ليلي حاولت تصدقه و خدت نفسها وبدأت تحكي
: عندي مشكلة نفسية وانا صغيرة كنت بقعد فالبلاكونة وبرسم و اخلص اوري ماما فا تشجعني و تمدح فيا وتقولي شاطرة فا كنت كل يوم اخلص اي حاجه ورايا واقعد فالبلاكونة لوحدي ارسم مكنتش بحب حد يبص عليا هي كانت بترا*قبني و تصوري بس مكنتش اعرف ده
ليلي كملت بدموع: لما ماما مشيت مبقتش اعمل كده لكن بعد فترة صغيره ظهرت انت فحياتي او انا الى جيت اعيش معاكو ملقتش عمتو حنينه زيك فا اخترتك انت اشاركك رسمتي و رسمت اول رسمه لوحدي وجيت اوريهالك ومن وقتها كل فترة كنت برسم و اوريك لحد ما كبرت ومبقتش اعرف ارسم فالبيت لأن عمتو بتشوفني وكنت بحس وقتها انوه لاء محدش هيشوفني ماما مكنتش بتشوفني ولا تو*ترني انا اتعودت على كدا مينفعش يتغير و كنت ساعات اصحي بليل ارسم لوحدي بس مكنتش مرتاحه بسبب الوسواس ان حد هيشوفني و لما دخلت الجامعة كنت بقعد ف اوضة معينه عارفة انها فاضيه فالوقت ده و برسم الى يجي فمخي بعيد عن رسم الكليه والدراسة
اسر كان مركز معاها ومتفاجئ بشكل كامل من الحكاية الي اول مره يسمعها: كملي
- الاوضة اتقفلت ، ملقتش مكان و كنت مخنو*قة و عايزه اخرج كنت زهقا*نه اوي كمان من طريقة عمتو فا قررت اروح الجامعة ف ايام معنديش محاضرات ومدخلش اصلا و اروح ارسم عالبحر و اصوره هو و السما لان دي الحاجة الى بتحسن نفسيتي ومش بأيدي دي الحاجه الوحيده فعلا الى بتريحني ، لكن مكنتش عايزه اكذ*ب ولا كنت اعرف ان هيجي حد يضا*يقني معملتش حساب كل عشان كل الى فكرت فيه اني اعمل حاجه بحبها
اسر بعد ما فهم وكان مازال مصد*وم: كان ممكن تشاركيني كل ده! احنا طول عمرنا بنتكلم وطول عمري جمبك لكن انتي مش فاهمه انا حسيت ب اية لما حد بيحاول يلم*سك بس!
ليلي بعياط: وانت كنت مفروض تبقي جمبي وقتها وتسمعني مش تسبني وتمشي ، مش سهل عليا احكي ان عندي وسواس رسم وتشوفني مجنو*نة
= عمري ما كنت هشوفك كده !
اتعصبت: وانا مكنتش عارفه وحصل الى حصل وعملت اية ! اتخليت عني
آسر فضل يطبطب عليها: اهدي انا اسف..
- مش هيفيد بحاجه
= لاء يا ليلي هتفرق لاني مش هسيبك هنا
- آسر الموضوع كبر اوي و انا مبقتش مستحمله نفسي وانا زي العيال كده انا لازم اكون لوحدي و اراجع حساباتي و افكر بهدوء واحاول اعالج مرضي
= انا بحبك ومش هسيبك
ليلي بعدت عنه: لو بتحبني سبني
- مش هينفع اسيبك هنا لوحدك طيب ممكن نعمل اتفاق؟ انا هفضل دايما جمبك زي الاول ممكن ننسي كل الى حصل و ترجعي معايا
ليلي بأعتراض: انا مش
آسر قا*طعها: اسمعيني للاخر! هترجعي لكن هتعتمدي على نفسك و تبدئي تنزلي لوحدك واحده واحده انما متجيش ف يوم و ليلة تعملي كده وتخ*ضي نفسك فجأة وتقعدي فشقة بوحدك هي مش بتيجي كدا
ليلي اتنهدت وفكرت فكلامه هو عنده حق: اضمن منين انك هتسبني؟ اضمن منين ان خالتو هترضي تخليني انزل و اروح و اجي لوحدي!
- سبيها عليا زي ما دايما بنعمل انا وانتي وانا هقنعها ها هترجعي معايا؟
= لاء
******************************
صلي على محمد 🩷
" و عشان انا بخا*ف وآسر عنده حق فكل كلمة قررت اني لازم اعدي بدا و افضل قاعده لوحدي ، لكن كنت بروحلهم اصلي حاولت استمد قوتي منهم خالتو اتغيرت معايا اوي بقت حنينه "
- منورة البيت يا حبيبتي عبال ما ربنا يهديكي كده وترجعي و تريحي قلبي
= اديني وقتي يا عمتو بس اهم حاجه بابا ميعرفش
اسر بصلي وضحك: بعد العمر ده كله خليتها تشتغل ابوكي يا قادره
- اطلع انت منها
= لا بقولك اية اكسبيني يا ليلي ده انا لسه جاي مطلع فار من عندك
- متفكرنيش ونبي!
= ولا يوم لما سمعت صوت فالبلاكونة وبتقولي تعالي في حرا*مي يا ماما
عمتو ضحكت وانا ضحكت معاهم: اعمل اية كان في صوت والله
- صوت مين بس انتي بدأتي تلس*عي
هدي: انا هقوم اعمل الغدا هتتغدي معانا
= بس
- ششش اسكتي روحي يا ماما سيبهالي
عمتو مشيت فعلا وانا بصتله: جرا اية يا شبح
= شبح اوبا؟ ده انتي اتطور*تي ، المهم هترجعي امتة
- انت تاني اتكتم بقي
= ليلي انا بجد خا*يف عليكي ارجعي
- اسر متعصبنيش هضر*بك
= برضو مش هتقتنعي يعني
- انا مكملتش اسبوع فالشقة اهمد ، قولي انت عملت اية فحوار التشر*يح
بصلها بحب: بفتكرك وانتي بتقوليلي مخفش و بحاول مخفش وبفتكر لما قولتي اني هبقي احسن دكتور جراحي وهحقق حلمي
ليلي بتوتر: ط.. طيب كويس
آسر قرب: كنت عايز اقولك اني
قا*طعهم صوت هدي الاكل جهز يا ولاد..
****************************
استغفر الله العظيم 🩵
" فات كمان يومين آسر اه مش بيبطل زن ارجع البيت لكن هو اداني ثقة كفاية تخليني اتشجع و اجرب ولما بقع و اغلط بلاقيه! "
- اللحقني يا آسر!
= في اية؟ الو سمعاني؟؟
- سمعاك انا توهت ومش عارفه اعمل اية !
كتم ضحكته: احمم لا انا مشغول جدا مش هقدر اجي اعتمدي على نفسك
= اسر مش بهزر اللحقني عشان هعيط فالشارع
- طب اهدي خمس دقايق و هبقي عندك.
*******
- آسر سبني اروح لوحدي محدش لي دعوه بيا انا لازم اقعد لوحدي فالشقة
= خلي بالك الطريق هو الى صعب انما انا زي الفل
- انت كده كده زي القمر يا باشا
ليلي ضحكت: طب شربني عصير قصب لأني لسه مخضو*ضة..
= اممم منزلاني على طمع بقي
ضحكت اكتر: مش قادره
- بت بت وطي صوتك اية اليهيهيهيهيهي دي
= طب هاتلي بقي
- اجبلك و ترجعي معايا البيت؟؟
اتعصبت شوية: يووووه ! آسر انت بضا*يقني بالزن ده!
- تمام خلاص انا هعدي اجيب خليكي هنا.
= متزعلش اسفة
ابتسم: ولا يهمك يا ليلي
" كنت عارفة ان الحياة مش عادلة وان حياتي انا مش هتفضل مستقره بالشكل ده انا بنجح و بجرب و بقيت احسن ومبقتش اخاف اول وبعالج الوسواس الى عندي بفضل آسر و عمتو.. "
" الدنيا سكتت كل حاجه سكتت لما شوفته بيقع قدام عيني بعد اصطدام عربية بيه وهو بيعدي الطريق وجايلي هو ملحقش يجيلي وانا ملحقتش اللحقه عشان فجأة كل حاجه قدامي كانت باللون الاسود.. "
شاهد 👈 الفصل الخامس هنا
حب_مُعقد 4
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا